يعطيكم العافيه عالمرور بس للحين احس اني ضايع واحد يمدح والثاني يذم ؟؟؟

المشكله للي سألوا

كل عم عنده بنت ومايبون انا واخوي ناخذ من عم ونترك الباقي

اتمتنى وضحت الصوره

وشكرا لكم

الحركه جداً جداً مو حلوه
حرام عليك انت ما تدري قد ايش البنات حساسات تلاقيها الحين تبكي لليل نهار
و تدعي عليك و مو قادره تنسى اللي خدعها و لعب عليها
اخوي ارسل لها رساله ثانيييييييييه الحييييييييييييين و قول لها الحقيقه و هي ان شاء الله بتتفهم لإنها تعرف اعمامها
و اشرح لها سبب رسالتك الاوليه و انك كنت تبي مصلحتها و احلف لها ان كله كذب في كذب
يا اخوي الحق على نفسك قبل لا يفوت الفوت و اعمامك بالصراحه ما عندهم سالفه يعني بنت اخوهم و يتيمه مفروض يفرحون لها مو يزعلون
و انت كذا و الا كذا ما طلعت من العائله

كــلم ابوك خليه يوقف معاك و قول له انك مابترتاح والا بتحب غيرها واذا اخذت وحده من بنات اعمامك الثانين يمكن تصير مشاكل للعائله لإن انت منت مرتاح الا لها

عن جد حركة اعمامك تقهر بس اللي يحرق القلب اكثر رسالتك
بالصراحه رساله مالها داعي ابد
الله يعلم قد ايش تتعذب مسكينه البنت
وانت بكل سهوله تقول علشان تكرهني
انت بس اشرح لها السالفه و هي اذا بغت بتبتعد عنك بس و هي محترمتك مو محتقرتك
و انت وش دراك انها ما تقول لأحد و تصير سمعتك مو حلوه ..؟؟

و ثانياً انا للحين ما احس ان هالشيء سبب مقنع او خلينا نقول مستحيل تلاقي له حل
في ناس ضحوا اكثر علشان اللي يحبونهم و انت اللي صاير لك مو ذيك المشكله الكبيره
خلي عندك كلمه قدامهم انت اللي بتخطب و هذي حياتك و انت تبي هذي البنت
و انتــــــــــــــهى

قلبي معاها

وعليكم السلام ورحمة الله وبركاته
طبعا مع التحفظ على العلاقات قبل الزواج لكن ياأخي الفاضل أنت وعدت البنت والبنت رفضت خطاب كثر لأنها تنتظرك يعني ضحت وأكيد أنها كل ما جاها خطيب انحرجت مع أهلها في الرفض وكل هذ عشانك الله يهديك وانت من أول عقبة استسلمت يعني اذا كنت مقتنع بالبنت وتحبها صحيح ما هي معقولة تنسحب من الموضوع عشان عماني زعلوا خير إن شاء الله يزعلون وبعدين يرضون من اللي بيتزوج أنت وإلا عمانك والله يا فيه شباب تركوا بنات عمانهم واخذوا بنات هم يبونهم ومقتنعين فيهم وزعلوا اهلهم شوي ورضوا وبعدين هذا نصيب يعني لازم ابوك يناسب كل أخوانه هذي ارزاق واللي يقسمها رب العباد ترى ما أنتم هدايا يوزعكم ابوك على اخوانه الله يرزق الجميع ويصبر البنت

اللي انا مستغربتها انك ما اصريت على الرفض ولا قاومة رغبتهم علطول وافقت وكأنك في قرارة نفسك ودك بغيرها وحبك لها عادي مو كبير لان اللي يحب مستحيل يفرط بسهولة
فهي وحدة من الثنتين اذا كانت البنت بالنسبة لك تحبها بس مو كثير يعني ما تشتاقلها بزيادة فاتركها احسن لك ولها ومنها ترضي اعمامك وترضي نفسك وتنهي العلاقة اللي يمكن داخليا ودك تنهيها وفي نفس الوقت ما تبي تنهيها شكلك كنت محتار

اما اذا كنت تحبها حب حقيقي ومعجب فيها وما تتخيل ابدا ان غيرك ياخذها فلازم تصر على رايك وبطريقة زينة مو بعناد وانا متأكدة ما راح يوقفون بطريقك لانها بنت عمك مو غريبة

حاول تكون صادق مع نفسك ومع مشاعرك علشان تقدر تقرر القرار الصح لانه قرار مصيري ما فيه مجاملات وعواقبه وخيمة

الله يوفقك

هههههههههههههههههههههههههههههه

وليش تستسلم علي طول اسال نفسك هل انت انهزامي ؟؟ الجواب لا اجل خلك جبل


وليش يزعلون ودي افهم

بعدين انت رايك بيدك والالا انت رجل انت

البنت صارت اطيب منك وانتظرتك ورفضت اللي تقدموا لها واكيد يجيها ظغوط ليش وش فية

وصبرت وتحملت عشانك والحين زعلوا لو عمي يسكتهم انت رجال سكتهم انت تزوجها وهم بيرضون

خلهم يزعلون شهر سنة في قريح هذي حياتي يا اخي حرام تنتظرك وتجرحها برسالة

كيف طاوعك قلبك وارسلت الرسالة ارجع اعتذر وبين السبب وخذ رغبتك وغايتك ولا تحتري راي احد
في زواجك

اقول اترك عنك الطيبة البنت تحبك وانت تحبها خذها ومشى كلامك لا تصير صغير بعيون الناس

وبعدين هاذي حياة عمر بتعيش بسعادة مع من تحب

خذها خذها خذها وابشر بالعانية

انصحك تضرب بكلام اعمامك عرض الحائط وتزوجها

واذا احد قالك شي قوله هذي اولى لانها يتيمه

أخوي أحمد ..

اسمح لي الله يعافيك ..

نكبت نفسك بالرسالة ..

ولوكان عندي تحفظ شديد على الرسالة !!!!!!!!!!

لأن أنا متزوج بنت عمي لكن والله ما أعرفها قبل الزواج إلا في سن الطفولة ..

وكذلك بنات أعمامي حتى لو أشوفهن بالسوق لا أعرفهن ..

مثلهن مثل بنات الجيران وشلون أرسل لوحده منهن رساله !!

لإن علاقتنا في مجالس الرجال والخيمه ..يعني رجال في رجال ..


بأي صفة ترسل لها رسالة ؟؟؟؟؟




أنا عارف مشكلتك الله يسهل أمرك ..

إن أخذتها زعلوا أعمامك وصارت الأسرة إلى أحزاب .. وقالوا خليتوا بنات أعمامك الباقيات الخ....

وأن خليتها تحسرت وتخاف تندم مستقبلاً في وقت ما ينفع فيه الندم ..

الحل من وجهة نظري المتواضعة ..

شف الكبير في العائلة سواء كان أحد أعمامك أو أبناء عمك الكبار ..

شف الكبير اللي كلمته مسموعة ويحل النزاع دائماً بين أفراد العائلة ..

شف الكبير اللي له تأثير واحترام ..

حلك عنده ..

وأشرح له الوضع بالتفصيل الممل ..

وشف وش ينصحك فيه ..

وش يقدر يسوي ..

لن يتركك وبإذن الله وبيحل الموضوع الحل الصحيح اللي يرضيك ولا يفرق بينك وبين أعمامك ..

لعلي ساعدتك ..

وفقك الله ..


احترامي

__________________

(( سترى حروفي تسير في عقلك !! ))

بهذه السهولة تتنازل عنها؟؟؟؟ كيف طاوعك قلبك لو كنت فعلا تحبها؟؟؟؟
هي ستكون شريكة حياتك..فلن يفيدونك اعمامك...هل فادوك الأن بعدما تركتها؟؟
المفروض انك ما اهتميت بكلامهم وخاصة انهم ليس لهم الحق بمنعك من زواج تريده
يجب ان تصلح غلطتك..فأنت شوهت سمعتك وغلطت بحق نفسك قبل ان تغلط بحقها..لإانت بيدك قد حرمت نفسك من السعادة ومن السمعة الطيبة ومن قلب احبتك بصدق
أرجو ان توضح لها سبب فعلك هذا وانك اسات التصرف ولم تقصد أي كلمة قلتها فقط اردتها ان تنساك ولكن النتيجة طلعت العكس

__________________

لا تنسوني من دعواتكم

أرجو أن تدعو لي بالفرج وبالزوج الصالح الذي يخاف الله فيّ

اليتيمات اولى انكم تتزوجونهم قبل الباقين بغض النظر فيه حب ولالا قلهم هالكلام وبين لهم انك مصر تتزوجها لانها يتيمه وتبي تريح عمك في قبره..

__________________