السلام عليكم ورحمة الله وبركاته

يقال من راقب الناس مات هماً

لكن مع الناس اللي عايشه معاهم يراقبوني ويزدادون سعاده

متزوجة من 3 سنوات وعندي ولد .... ساكنه مع زوجي في منطقة تبعد عن أهل زوجي مسافة نصف ساعه ....

المشكلة ما أقدر أطلع ولا أروح ولا أجي الا يعرفون ..... ما أقدر أعزم ناس في بيتي إلا ويعرفون كنت مطنشة الموضوع واعتبره صدفة أنهم عرفوا من كان عندي أو وين رحت ووين جيت ..... لكن بعد 3 سنوات أكتشفت أنني مراقبة ؟؟

قبل أسبوع زوجي عازم 3 رجال فقط والعزيمة كانت على الضيق وشقتي اصلا صغيرة غرفة وصالة ...... المهم ثاني يوم اتصلت فيني اخت زوجي وتسولف عادي وتسلم عاد أنا من نفسي قلت لها امس كان عندي ضيوف وعملت لهم كذا وكذا .... وجاني جوابها .....قالتلي أدري حتى أني استغربت لي اخونا ما عزم أخوانه الباقين <<< يعني أني أنا السبب اللي ما خليت زوجي يعزمهم ؟؟

هذ مثال فقط ..... يا ناس والله أني ما أحب اغتابهم أو اتكلم عنهم لا بخير ولا بشر ازورهم وأوجبهم لكنهم مو مخليني في حالي ....

أهلي في دولة ثانية وازورهم كل 6 شهور مرة وأحيانا في السنة مره وسفرتي لأهلي فاضحيني عليها اي راحت لهم واشترت لاهلها اي وكل سنة رايحة لهم ؟؟ يعني بالله ما اروح زوجي راضي انتم ليه تتكلمون ؟

مقهورة يتدخلون في كل أموري ويزعلون اذا طلعت مكان وما علمتهم ابغى تكون لي خصوصيتي نفسي اسافر لاهلي او اعزم احد من غير ما يدرون لا تقولون زوجي المسكين هو يستغرب مثلي ومتضايق من هالموضوع للعلم اخوانه متزوجين وساكنين معاهم بنفس البيت بس ما يحاسبونهم كثري أنا ......

__________________