زوجي يحب عشيقته ويكرهني
[السلام عليكم احبائي
[رجعت لكم بعد فتره طويييييييله جدا بسبب مشاكلي الكثيره
الي مو راضيه تخلص
انا وزوجي والعشيقه
مشكله ازليه من 3 سنوات يعني من عمر زواجي الوليد
بختصار الي عارفني من قبل سنه اكيد ذاكر
ماراح اعيد وازيد شنو سوا فيني
وشنو قالي
المهم الي اكتشفته ان زوجي فعلا متعلق بعشيقته ويحبها
وهذا الشي قاعد ياثر بمعاملته لي
بس انا ما تغيرت ولا حقدت عليه ولا قصرت بمعاملتي معاه
مو عشان هو يستاهل
بس لاني من دااخل في شي يمنعني اني ارد له المعامله بالمثل
والله اني لم انقطع عن السؤال عنه اذا دخل علي
اساله عن صحته وعن مشاكله بالعمل وعن كل شي
واذا دخل ينام اوفرله كل الراحه بالبيت من هدوء ونظافه
حتى الشموع مفتوحه كل يوم بالحمام والغرفه والمكتب
والبخور والعطور على وسادته كل يوم
كل هذا احاول اني ابينله اني نسيت الخيانه وانه ماتغير فيني شي و ابيةالزوج الي يعاملني بالمثل مو اكثر
وهو يصد ويجرح ويطرد ومره مد ايده امام الاطفال وخلاهم يبكون لان اول مره يشوفون جذيه
انا اتحرش فيه واداعبه وهو يفشلني وقولي نامي نامي باجر وراي شغل
او لما اتحرش فيه يقولي انا بروح اتعشا
اخر مره دق علا اخوي وطردني من البيت وقال دخلنا بالمعروف وابي اطلع بالمعروف
تعال اخذو بنتكم
ورجعت ثاني يوم بروحي لاني متعوده على بيتي
زوجي اناني يحب بس نفسه
عمره ما سالني شلونج او تعبانه او بخاطرج شي
مع انه بليالدير ويملك الكثير
وهالشي بعد متعبني
بختصار زوجي مايحبني بس مايتكلم
بس انا استشفيت هذا من اسلوبه ومعاملته
هو ينظر لي كالخدامه له ولعياله هذا دوري بنظره
جاف لابعد الحدود
اخر مره امس اقوله اعيالك الاثنين مصخنين ليش ما سالت عنا وانتا بالشغل
تخيلو يرد علي يقولي
انتي ما تحمدين ربج حاطلج بيت وخدامتين وسياره
اقوله شدخل هذا بالموضوع
يقولي هذا هو الموضوع
والعيال مسؤوليتج انا ما عندي شي اعطيج اياه وهذي حدود عطائي
وجابلي عبادتج وربج احسن لج
دخلت انام شوي الظهر وولدي سمعته يصيح لانه قعد من النوم جان يوقف على راسي وقولي قومي قومي شوفي ولدج
طلع بره الغرفه وصرخ عالخدامه يقولها تعالي نزلي الولد ودخليه داخل عند امه
واليوم انا قاعده الظهر وعيالي حوالي جان يقول حق الخادمه صعدي العيال فوق وسكر التلفزيون
كل هذا وانا قاعده وجدام الخدم
زوجي وصل مرحله ما يشتهي مني حتى الكلمه
متعجبه فعلا منه بعض الازواج يزعلون من زوجاتهم لانهم مايسؤلون عنهم وهاملينهم
وانا يزعل لاني ابيه معانا واسال عنه
زوجي يحب عشيقته بجنون وانا الي ادفع الثمن انا انسانه ما احب المشاكل ولا كثره الكلام واحب الحياة البريئه الطبيعيه
اختارني لاني عاجبته وجميله
والحين يشوفني متينه وشعري خفيف وحواجبي مو حلوه مع اني ملكه جمال
زوجي يشوفني قرده
زوجي بعيد عني جدا
بالبيت اذا يمشي يمشي وعينه بالنقال
يدور اي فرصه او عذر للخروج لوحده
انا عارفه صور الخيانه وكل شي واظح جدامي بس احاول اني اتظاهر بالعمى حتى اريح بالي بس هو يحاول يقولي او يبينلي انه يخوني اشكره
ليش ما ادري
وفي شي ثاني
بدى فيني شعور اني ماني حابه نفسي اكون معاه وانا اعلم انه مايحبني
اتخيل وهو قاعد واسرح بافكار مثل
انه الحين قاعد يفكر فيها
او انا لابسه شي حلو بس اهوا يقول بقلبه ان عشيقته لابسه احلى له اليوم
او عطر عشيقتي احلى
وكلامها احلى
ومقعدها احلى
افكار تدور في داخلي اذا كان معاي
ساعدوني انا منهاره واذا طردني ما ادري وين اروح[/size]
التعديل الأخير تم بواسطة ليتني اسلى ; 29-04-2008 الساعة 02:11 PM
السبب: كلمات صريحه
28-04-2008, 09:56 PM
ضوابط المشاركة
العرض الشجري