هدي اعصابك اختي
كل ازواجناكذا الا ماندر ههههههههههههه
الله يهديهم ..

__________________

(ربي لاتذرني فردا وانت خير الوارثين )

اول شئ الله يخلي لك زوجك ويحرسه من العين ويخليكي له زوجه محبه وحنونه
وبعدين ياقلبي هذا حال اغلب الرجال الشرقيين وبيني وبينك تعتبر نعمه صدقيني انا اكتشفت هذا الشئ من واقع تجربه زوجي مثل زوجك وهذا ناتج عن تربيه جافه من المشاعر المصرح بها سواء بينه وبين والدينه أوأخوانه
في بداية زواجنا تعبت من هالنقطه كثييييييييييييييييييييير وحاولت أوصلها له بجميع الطرق لكن للأسف مانفع قعدت مايقارب الأربع سنوات أطلبهابعدها مليت وتعبت لكن طول الفتره إللي قضيتها محاولات كنت مغرقته بحناني وكلامي أتغزل فيه كأني أنا الرجال إلين تعود كلامي الحلو وحركاتي
وفجأه خلاص كل هذا الدلع إنتهى صار عندي تبلد بطريقه فظيعه مقارنه بالسابق وكل الدلال توجه لأولادي وعلى مسامع زوجي وكانت المفاجأه إنه أفتقد هذا الشئ وصار يسأل ويحاول يبتدي بالكلام عشان يشوف ردة فعلي ومن يومها الحمدلله صار يحكي ويقول كل ماكنت اتمناه
وطبعا لابد من مراحل فتور شئ طبيعي ويعطي الموضوع طعم آخر
قبل اختم كلامي احب اوجه نظرك لشغله اغلب الرجال إللي من نوعيتهم البوح بمشاعرهم عالطالعه والنازله ينخاف منهم وفي الغالب معشر النساء يحبون الثقل عشان لما تطلع الكلمه تكون أصدق هاذي وجهة نظر لا اكثر ولا اقصد التعميم
الله يوفقك وييسر لك أمورك

__________________

اختي يمكن زوجك ماتعود على هذا الكلام او انه يخجل منه لو انت تطلبين منه يقول لك ياحبيبتي واطلبي منه كل يوم وخليه يتعود عليها وبعد اسبوع تلاقيه يقولها من نفسه.
وبدل مايتصل عليك اتصلي عليه وقولي له اشتقتلك واطلبي منه يقول لك وانا بعد اشتقتك لك وأساليه قولي وش رايك فيني اليوم وبطريقتك راح تشبعين نفسك وبيبدأ يتعود على هذا الكلام..

الكلام الرومانسي بالنسبة ليس له تأثير الا في النادر جدااااا

لكن التأثير يكون بالفعل ومدى حسن تبعلك واعترافك بحقه

هو من سيأثر ويجعله ينطق بالحب غصبا عنه مما يراه من حسن

أخلاقك معه وتقديرك له , فقد يكون كلام المرأة جميل وفعلها قبيح

أو العكس , فليس لذلك على الرجل لأنه يراقب أفعال زوجته وأقوالها

وعليه يكون قدر حبها له فالماضي عند الرجل كالحاضر يتراكم لديه

كمحاسب شركة .. وتعتقد المراة أن زوجها نسي ما كان بالماضي

وهو ما زال في قلبه لم ينطفأ ويعاملها به .. كالجمر تحت الرماد ..

حفظ الله لك زوجك واعانك على حسن التبعل له..

عزيزتي اعطيه من تلك المشاعر الجياشه ولاتحرميه وتذكري فاقد الشئ لايعطيه الرجل الشرقي عاش في بيئه كد وعمل وجهد هكذا كان ابوه وعمه وووووو ولم يسمع الاالاوامر والزجر..

قمة الرومانسيه في نظر زوجك هي تحقيق رغباتك ومتطلبات اسرته من ماكل ومشرب وغير ذلك..

صدقيني زوجك معذور ورومانسيتك ستثمر يوما ما فقط استمري : )

__________________
اشتر نفسك اليوم , فان السوق قائمة , والثمن موجود ,

والبضائع رخيصة , وسيأتي على تلك البضائع يوم لا تصل

فيه الى قليل ولا كثير ، وذلك يوم التغابن .

ابن القيم

ليش تهاجموها انها طماعه وضعها واااضح وصريح هي تبي تسمع منه مو من غيره ... تبي تثق بنفسها

وان هي ماليه عينه لكن مو متأكده لأنها ماتسمعها منه المرأه بطبيعتها عاطفيه وتحب هالمعامله مثل السياره

اللي تحتاج بترول إذا عبيتها بتمشي وإذا العكس بتوقف والمرأه نفس الشي أغدق عليها بكلمات الحب حتى لو بالقليل

شوف شلون تعطيك حياتها كلها واحرمها من هالشي شوف شلون تنعكس على نفسيتها ومع الوقت بتهمل نفسها

لاإراديا ... فياأختي الغاليه من باب المزح قولي له وبطر يقه سريعه لماحه إن أنتي تحبين الكلام الحلو وان هو مايقصر

وتدرين ان اهو يحبك لكن تنقصه هالشغله... واسفه عالاطاله... وبالتوفيق

طيب جربتي معاه اسلوب الاستدراج ؟

يعني تساليه تحبني؟

ها ايش رايك فيني اليوم ؟

حلو فستاني الجديد؟

وزي كذه جربي يمكن تنفع معاه الطريقة

وربي يسعدكم ويوفق بينكم

اختى انتى جربى تبعثى له رسائل بجواله كل شوى وممكن يتفاعل معك

اولا اشكر الجميع على عدم تجاهلهم موضوعي وردهم لي

احب وضح كذا نقطه : <<<<<<<<<<<

تقولون جربي انتي قوليله والله تعبت تعبت وانا اتكلم خاصه اول سنه من الزواج بعدها حسيت اني انطفيت مثل اللي يتكلم طول الوقت واللي قدامه ساكت صعب يكمل

ثانيا جربتي تسأليه اكيد صارحته واسأله انت تحبني انت تشتاق لي اكيد سؤال بيكون رده الايجاب هذا رد فعل طبيعي لا يشعرني باحاسيسه تجاهي

والاتصالات ياكثر مااتصل واساله عن حاله بس هو يحس انه شئ مو ذيك الاهميه

الافعال تقولون حب الرجل الشرقي بأفعاله افعاله مثل ايش ماكل مشرب وهكذااا كل الرجال يفعلونها ومع ذلك زوجي افضل منهم لكن لا اعتبر انه يبين مقدار الحب لانه واجب

نجي للمهم الذي لو فعله لانسيت كل الكلام وبعدها ماابيه يتكلم كلام حب ورومانسيه

احيانا المح له اني احب اي شغله عصير اكله عطر اي شئ بس ابيه هو من نفسه يجيبه لي <<<<<<<<<<<مستحيل ماقد صارت

ابيه لو مره يقول يالله انا عازمك علة عشاء اي شي بس من نفسه <<<<<<<<<<<< ابداااا ماحسيت هالاحساس

ابيه يقولي مشينا للسوق ابي اشريلك شئ <<<<<<<<<<<امنيه واحلام بس

ابيه يحسسني اني حلوه بعينه يتغزل فيني <<<<<<<<<<<< والله اذا لبست ذهب ولا خيشه احس كله واحد

والله العظيم مليت من كثر مااتعدل ولا الاقي اي كلمه حلوه يمكن طبعه ( الله يخليه لي ) لكن انا حساسه واتمنى تطلع منه <<<<<<<<<<<<<<< والله ياني احلم


ومع كل النقاط اللي فوق اذا قلت له نفسي تسويها قالي ليش ماقلتيلي انك تبين تشرين ملابس اوديك <<<<<<<< المبدأ مو شراء الملابس ماابي اطلب ابي منه اذا طلبت ماقصر

مع ذلك لا اريد ان ابخس زوجي حقه نعم الزوج ماقصر في كل شئ قد تكون نفسي الحساسه هي المشكله

ادعولي ان ربي يشيل هالرومانسيه الزايده اللي عندي والشوق لكلمه حلوه من زوجي ان ينتزعها الله من قلبي
لاني تعبت من جد تعبت

الاخوان كفو ووفو .......ومادام ياختي زوجك كما ذكرت حسن الخلق.. تذكري انه كفاك الكلام السئ والسب والشتم .....والحمدلله..والاخت مهره والاخوان كفو ووفو بعض الرجال يقولون لك الكلام الجميل من تصرفاتهم ولانهم ماتعودو يسمعون ابوهم يقول لامهم مثلا هالكلام ..انا اجزم ان زوجك يرغب بقول هذا الكلام لكنه لايستطيع ماتعود.ويحس بالاحراج