تسلموا على ردودكم واهتمامكم ربنا يجزيكم كل الخير

الف شكر لربي هيها مسكت صدري وما يأست بتاتا الحمد لله وبترضع بس شكلها مش عم بتشبع علشان هيك انا من مبارح الساعه تلاته الصبح وانا فايئه لانها كل شوي بتفيئ بتبكي وبعطيها صدري بترضع شويه وبترجع بتنام ويا دوب ربع ساعه نص ساعه بكا من جديد ورضاعه من جديد بس انا مش يأسانه لحتى ما تتعود ميه الميه عليه رغم انها صارت تمسكه بكللللل سهوله بس شكلها ما عم تشبع والله اعلم

ملك بتعرفي انه التعب بعد الولاده مش الولاده يعني القطب وانك ترضعي وتغيري وووو الليله نسيت الحفاضه تحت مخدتي ههههه يا ويلي على وضعي وعلى هالحال الي وصلتله ووسخ البنت بعيد عنك لاززززززززم يطب في ايدي مستحيل اعرف اغيرلها بدون ما اتوسخ منها هههه ربنا يخليهم ويسعدهم

تحياتي وباي لانها بتبكي ....

طبيعي الرضاعة في البداية تكون كل ربع ساعة نص ساعة الين تتعود البنت وتنتظم رضاعتها كل ساعتين رضعة مشبعة

لانه حاليا معدتها لسه صغيرة فترضع وبعدها بشوية تجوع ثاني

بس انتي اهتمي بنفسك واشربي سوائل كثير عشان يدر الحليب

وربي يحفظها

شكرا كتير عبير الاحلام افدتيني في هالمعلومات هاي انه تكون كل ربع ساعه ونص ساعه وبعدين بتنتظم رضاعتها

الحمدلله على سلامتك وسلامة الامورة..
عزيزتي اول ثلاث ايام من الولادة بيكون في لبأ وهو اهم شي للبيبي,,, بس شكلك ما قدرت ترضعيها من الالم.. انا تألمت كتير اول اسبوع بس استحملت والحمدلله هلا صار الوضع طبيعي..

الحمدلله ان بنتك قبلت ترضع منك،،، خلاص لا ترضعيها مرضاعه بس من صدرك عالاقل لحد مايصير عمرها شهر..
وكلي الاكلات اللي تزيد من ادرار الحليب مثل المغلي (الكراوية) وحلاوة الطحينه والحلبه.. وهي كل مارضعت من صدرك كل مازاد الحليب...

__________________
...NOURA...

شكرا لاهتمامك نواره

انا عم برضعها لبنتي من صدري بس مش عم تشبع وكل الوئت بتبكي وسبحان الله مرات ما بكون في حليب في صدري مش عارفه شو الي صار معي مره وحده بنقطع الحليب وبصير اعصر على صدري علشان يا دوب نقطه او نقطتين
استغفر الله ربنا مش رايد لهالبنت ترضع مني وهيني لسه ما يأست وبحاول ...ادعولي ربنا يعطيني البركه علشان هالبنت

شكرا الكم

دانا اشربي حجات بتدر الحليب
اقلك ايش
ينسون
شومر
كراويا
كلي بقدونس وورقيات خضراء بتدر الحليب
اشربي حليب دافي
كلي تمر وعسل
والحلاوة الطحينية كمان

شوفي هاي حلوى الكراويا كتير كويس وبدر الحليب من اخت الي في منتدى اخر الله يجازيها الخير




حلى الكراوية أو المغله







المقادير



1 كاس ارز مطحون
1 كاس سكر عادي وممكن الاضافه لمن يحب الحلو
1 ملعقه صغيره يانسون مطحون
1 ملعقه كبيره كراويه مطحونه
2 ملعقه كبيره قرفه ناعمه
8 كاسات ماء



مكسرات مشكله
لوز +جوز +صنوبر +فستق حلبي +جوز هند+زبيب



الطريقه



نضع الماء +الارز+السكر+اليانسون +الكراويه+القرفه في طنجره ونحرك جيدا ونضعها على الغاز
نحرك باستمرار
بعد الغليان يجب ان نبقى نحرك الخليط باستمرار ولمدة نصف ساعه
ضروي يطبخ على الغاز نصف ساعه على نار هادئه
مش اول ما يجمد تحكو خلص ما بصير
هو بكون مثل المهلبيه

فى هذه الاثناء نضع المكسرات فى صينيه ونضعها داخل الفرن ونحمصها
تحميص وليس قلي بالزيت
وضروري جدا كتير ازكى تكون محمصه
نصب الخليط في اطباق التقديم ونزين بالمكسرات
نبرد المغله في الثلاجه قبل التقديم 4 ساعات ضروري
والف صحه وعافيه يا رب
يااااااااااااااااااااااارب يعجبكم مثل ما عجبني


واوعي تشربي مرامية ابدا ابدا بتنقص الحليب

واعملي شوربات فريكة ورز و برغل
وكلي خضرة وفاكهة
وإن شاء الله تحسي بفرق
ابقي طمنينا

__________________

على فكرة في موضوع روعة عن الرضاعة للطبيبة مسلمة بارك الله فيها :

http://www.66n.com/forums/showthread.php?t=148057


شوفيه هيعجبك جدا

وبالنسبة للرضاعة الطبيعية هي بنتك بتبكي كتير (ربنا يحفظهالك)لأن اللبن الصناعي بيشبعهم 4 ساعات تقريبا غير الطبيعي وكمان عشان لسة مرضعاها من قريب فلبنك مش كتير وهيكتر مع الوقت خليكي صبورة واشربي سوائل كتير ..

في اقراص اعشاب طبيعية بتتباع في الصيدلية مدرة للحليب وحتى ريحيتها حلبة شوية .. دوري عليها مفيدة

استني شوية وهتلاقي اللبن كتر خالص اومال ازاي زمان كان بيبقى فيه مرضعات يعني المرضعة كانت بترضع 2 ...ابنها وولد تاني والاتنين بيشبعوا

وكمان الام لو مخلفة توأم ممكن ترضعهم طبيعي عادي جدا

في أمل وربنا يعينك ويعيننا يارب

__________________

بتعرفي اختي كل اللي عبتحكيه مريت فيه حتى تغيير الحفاض جديد صرت اعرف اغيرلها صار عمرها 5 شهور
وبخصوص الرضاعة بدك نصيحتي اصبري عليها شوي وبعدين بتتعود احسن ما تندمي بعدين لاني انا ندمت بنتي ما بتقبل ترضع مني الا وهي اخذها النوم بس لاني كنت ايأسمن انها ترضع مني يا تكون جوعانه اعطيها الانينة حتى تعودت عليها

__________________
حسبي الله ونعم الوكيل اللهم اهدني لما تحب وترضى وارزقني وزوجي السكينة والطمأنينة

حبيبتي بنتك لساتها صغيرة وما بتميز.

وحاولي أنك لا ترضخي لطلبها واستمري بالمحاولة على

إرضاعها لانه حليبك في هذه الاوقات مهم جدا للمناعة لديها.

تحملي.

__________________

لا إله إلا الله
محمد رسول الله

أختىأشربي المغات مهم جدااااااااااااااااا dيساعد على تنظيف الرحم .. وتنقية الدم .. وتقوية النفساء .. وادرار اللبن

لو مش موجود في بلدك ممكن تسألى أى حد من صحاباتك المصريات تجيبه من مصر