ياقلبي لا تكبررين الموووضوع وتقلبينة هواااش ومشااكل
والله ما يسوووى
يعني لو طلعك وهو قالب بوووزة شبررين بتنقلب الطلعة نكد
يعني اجلسي ببيتك وانبسطي احسن من انك تخرجي وتتنكدي
وتقولي خرجتي سبع مرااات نعمة من عند رب العااالمين
غيررك يمكن ما تخررج نهاائي من البيت

وفكرة انك ترووحي السوق مع اخواانك حتى انا ما احب الحركات هذي ابداا
يعني انا لو ايش وربي ما اطلب من اهلي ينزلوني السوق
اروح كااملة مكملة انتي فهمي زووجك انك ماتبغي تحتاجي احد او تتعبي احد
وهو زوجك المجبر فيك وفي عيالك هذا بالنسبة للسوق طبعااا
وما ينفع انك تحسسية انة عاادي سواء ودااك او لا عندك البديل
لأنة رااح يتكااسل مع الزمن ويتعوود وفي المقاابل اخوك يطفش منك
ومعاها حق امك تزعل لأنهم زوجوك رجاال مسؤل عنك وعن طلبااتك
والبيبي الجديد اذا هو بنفسة ما طلعك السوق تقضي لا تررروحي مع احد نهاااااااااااااائي
ادري راح تنقهري لكن عشان يحس بالمسؤلية ويتغير
اما الاشياء الثاانية فمع الزمن يا اما تصيري انتي بيتوتية
يا اما يصير هو فلة زيك

الله يصلح حااالك يارب

اختي شي طبيعي ان زوجك مايحب يطلع لانه طول الاسبوع برا صحيح انه في بيت في مكان عمله بس مو بيته اللي يحس فيه الرجال بالراحة والاستقرار فيبغى يعوض الايام اللي يقضيها في مكان عمله بجلسته في البيت ... ان شاء الله فهمتيني احس اني ملخبطة ..

انا راي الاول والثاني والعاشر والاخيررررررررررررررررررررررررررررررر انك تلزمي عليه ياخذك معاه مكان عمله مادام تقولي ان وضعوا كويس وظروفه ميسرة مالها داعي ابدا قعدتك عند اهله ...

رددي اللهم سخر لي زوجي واجعله سكنا لي وسخرني له واجعلني سكنا له واجعل بيننا مودة ورحمة ..

daimound22: شكرا على كلامج اختي

الأمور الحين ما تحركت الى اليوم بيني وبينه

لأنه مب معاي في البيت طلع ع الشغل وبيرجع بعد يومين

يمكن البعد يخليني اهدا ويخليه هو يفكر بعد

والزمن راح يحكم بيني وبينه ... الله كريم


جناين ورد2008

هل ا
ناقشته بكل الطرق السلمية منها والعنيفة ولكن بلا فايدة

وهو يدري ان مالي احد عندي هنا واهلي خلاص مو ملزومين بي والزيارات اللي اروحها لهم تظل زيارات عائلية عادية وما لازم تصير لتقضية حوائج

------------------

الى اليوم ما كلمته احس ان الأمور احسن تكون على ها الوضع

يمكن يفكر لوحده ويحس فيني

وانا لاهية مع ولدي وحملي

وربي وياي

اذا صار اي شي راح اخبركم

تسلمون جميعا ع الردود

__________________
الظلال تمد ايديها لنا !
هل يا ترى تكون ارفق علينا من الضوء؟

الله يعينك على مابلاك
بس ابغى أقولك عن وضعي يمكن مقولة "مصائب قوم عند قوم فوائد"تجي في صالحك
أناأسكن بعيدة عن أهلي وماأشوفهم الا في الشهر مرة أو أكثر...

زوجي دائماااااااا برا البيت..وسهر مع الشباب..على ايش مدري...
ولو جلس في البيت يكون نايم...أو على النت... أو يطالع أخبار أو رياضة...

لو تكلمت من اليوم الى بكرة ...مافية فايدة...
تخيلي أنواع الطفش...مااشوف الشارع الافي الشهر مرة أو مرتين ...

وعندي يوم الخميس مثل السبت والجمعة مثل الاحد يعني ماأحس بالاجازة...
وصرت أكره أيام الاجازة... ليش لاني أحس أن الناس كلها مبسوطة الاأنا.....

أطلع للمستشفى أو سوق ولحالي ينزلني ويروح...
خلاص مليت من الاسواق وصرت مااروح الا في المواسم..

بس تدرين مافقدت الامل وكل يوم يمر علي امسح دموعي واقول أكيد بكره غير

__________________

الحمدلله
ان
الكويت
صغيره

الله يصلح لج زوجج ويكون على هواج!!

__________________
اللهم احفظ لي زوجي وسخره لي واحفظ لي اولادي

السلام عليكم

أختي غارقه

انا لما قريت الي كتبتيه ، بكل صدق وصراحه ، قريت قصه، ما احس اني قريت مشكله ، ولا لقيت مشكله !!

صدقيني اذا فيه مشكله ،، فهي فيك (اسمحي لي )،،، وهو انك تحطين نفسك وزوجك في مقارنه مع اخواتك وازواجهن، وهذا اكبر غلط..


اكبر غلط ان يضع اي شخص نفسه في مقارنه مع احد ، انتي لستي ملزمه في اخواتك ، وهو ليس ملزم في ازواجهن ... انتم عائله وحده ، لكم تفكيركم ، وتفاهمكم، ونقاشكم .. ولستم ملزمين في احد ، ولا احد ملزم فيكم... مبين تأثير الكلام الي ينقال لك؟؟؟ أسمحي لي يا بعدي

ولكن با المقابل من حقك اني تطلعين وتتمشين وتتسوقين ، ولكن بحدود المعقول ، أما مسأله انه كل يوم شايله شلايلك وعلى السوق ولا المطعم ولا الكورنيش ، ماصارت تمشيه ولا طلعه ولا وناسه ، حتى وان صارت ماراح يكون لها طعم.

المهم اختي نصيحتي لك كا الاتي:

اذا انفتح الموضوع بينكم ياليت تتفقون على شيء معين ، يرضي كل الطرفين، اما يكون مره في الاسبوع ولا تتعدى الاربع الى خمس ساعات، او مره كل اسبوعين ، ولكن تكون عباره عن يوم كامل تطلعون تتسوقون وتتمشون وتقضون يوم حلو مع بعض ..... صدقيني اختي راح والله يكون له طعم .... ومستحيل لما تعطينه ها الاوفر رااح يرفض ، لأن كل شخص حتى وان كان يكره الطلعه ان يرفض ، لأن اي زوج يحب الراحه والوناسه.

على اي حال هذي نصيحتي لك عزيزتي ، واياني واياك انك تتحرين المشكله او الهفوه عشان تجيبين الاول والتالي على راس زووجك ، عشان ما تتفاقم وتظهر مشكله ( كبيره) بحجمه وهي في الاصل ولا شي..


الله يوفقكم ويجمع بينكم في خير ،، ويهدي سركم.

حرم المعلم

والله عورتي قلبي بس ع الأقل عندج يا عزيزتي بيت لوحدج صح ؟

أنا عندي غرفة بس ! تخيلي انا وولدي كيف ماراح أتضايق

بس الحمدلله ع كل حال ...تدرين أحس ان زوجي يستانس في قعدة مع اخواته أو أهله اكثر مني
حتى ان لما نطلع يحاول يتصل بأي أحد ..طيب ليش ؟!!!


واااي خلاص حاسة ببكي
الله يكون في عوني على ها الوحدة النفسية
ويعينج يا رب

شكرا لأنج تحاولين تخففين علي
--------

ناآاني
يارب آمين
شكرا لج

--------

تركي العالمي

انت تحس يا اخوي ان هذي مب مشكلة لكن لما تتراكم مثل حالتي وتتراكم فجأة النفس تنفجر وهذا اللي حاصل وياي

المشكلة الحين ان هو عناد لا يتصل فيني من راح ولا يسأل عني ولا عن ولده

على باله اني بسوي نفس كل مرة نتزاعل فيها وبطرش له مسج عتاب وشوق .. وانا كل ليلة وكل يوم وربي يدري أضعف واقول بطرش له مسج اني ولهانة عليه واني واني بس ما اقول غير الله يربط ع قلبي لأنه تعود اني دوم اراضيه وانا بصراحة مليت
لأنه حتى لو راضيته ما يتغير يظل مثل ما هو فليش اراضيه

يعني يرضيكم اني اظل لوحدي في ها الغرفة وها الجدران الأربع ... خلاص احس وصلت لمرحلة بسوي فيها مشكلة كبيرة وانا ناوية اذا ظل يتجاهلني اني اكلم اهلي ما اقدر اتجمل خلاص

وبعدين اشياء وايد متلخبطة في حياتي وهو ما يتحمل المسؤولية
يعني انا حامل واعتني بنفس الوقت بطفلي وهو يماطل من اكثر نص سنة تقريبا وما يبغي يجيب لي خدامة !!!!!

احس اني تلخبطت
احس اني كارهته

ع العموم شكرا على نصايحك

__________________
الظلال تمد ايديها لنا !
هل يا ترى تكون ارفق علينا من الضوء؟

مرحبا مرة أخرى أعزائي

بقولكم شو صار معاي مع زوجي

اليوم رجع زوجي شوي متأخر جلست معاه وما كنت عارفة كيف ابدا وهو طبعا معصب وزعلان على قولته

وقلت له كل اللي خاطري منه واللي شايلتنه في قلبي من زمان عليه

قال لي وليش ما قلتيلي من قبل ( مع اني اقول له دايما لما يقصر او ينسى بس هو باله دوم مشغول او انه ينسى !!!)

وعاد تعرفون الحريم لما يشتكون ما يخلون شي وبالأخير تغلبهم الدمعة ويبكون وهذا كان حالي

في الأخير قال لي زوجي انه راح يصلح اللي صار واعترف انه مقصر بس هو مضايق من اسلوبي ويقوللي ان ما احترمته وعليت صوتي من قبل بس صدقوني انا ما سويت اللي يقوله الا بعد ما استخدمت الأساليب الهادية والمقنعة بس هو ما يسمعني

الحين هو طلع وقاعدة اترياه مدري متى بيرجع

ادري انه مستحيل يكون مثل ما ابغي 100 % بس ع الأقل يحاول وانا معاه

ادعولي

__________________
الظلال تمد ايديها لنا !
هل يا ترى تكون ارفق علينا من الضوء؟

السلام عليكم ....

أخيتي سأقول لك نصيحة ...

( تقبل شريك حياتك بكل عيوبه لكي تعيش سعيد في حياتك الزوجية ) ..

وأعطيك روابط فيها مواضيع طيبة اطلع عليها واستفيدي منها ..لعل فيها ما يفيدك ..

http://www.66n.com/forums/showthread...=163583&page=2


http://www.66n.com/forums/showthread.php?t=176725


http://www.66n.com/forums/showthread.php?t=160599


http://www.66n.com/forums/showthread.php?t=170051

وابحثي اكثر بالمنتدى لتستفيدي ..

و السلام عليكم ..

__________________
سبحان الله وبحمده سبحان الله العظيم

حبيبتي أحب أذكرك بكلمة قاله النبي عليه الصلاة والسلام (وليسعك بيتك)
وفي القران "وقرن في بيوتكن"
زوجك انسان بيتوتي
وما الومه مافي احله من الهدوء والاكل الطيب
وكمان في وضع زوجك معاه عذر
وفي الاخير بالدعاء ثم الحوار تتبدل الاحوال
وفقك الله