أما بالنسبة لي متل ما قلت لك اختي سما بموضوعك الماضي
الوضع هدا طبيعي و عادي و رح يكون غريب لو شفت زوجي مو عالكومبيوتر او الموبايل او بتابع الأخبار
اللي كان يجنني لما يكون الوقت كله رايح بالألعاب !!!
لكن الحمد لله اللي عافانا بعد سنتين زواج على ما أذكر زوجي أقلع عن ادمانه للألعاب
يعني كم تكون الزوجة متضايقة لما تشوف انه مهمل الكلام معها و مدمن مشان شي ضار يا ريت شي مفيد
أنا بنصحك انك تحاولي تطنشي زوجك و تطنشي و تطنشي و لا تروحي لعنده لو بقي ساعات طنشيه
حتى يجيه عقل و يحس على حاله و يجي لعندك
يمكن يجي لعندك يحكي معك دقيقتين مو أكتر
لكن بتبقى أفضل من شعورك انك انتي اللي راكضة وراه دائما دائما
و حاولي تقنعيه بإجازة تروحوا فيها لمكان تغيروا فيها جو
بحيث يكون عنده وقت يقضيه معك لأنه رح يكون معظم وقتكم خارج الفندق و رح تكون الرحلة سياحية
و حاولي كل اسبوعين مثلا تخرجوا من البيت لشي مكان مطعم او غيره
غير هيك ما بقدر بفيدك غير انك تشغلي نفسك بأي شي و تعتبري حالك و كأنك متزوجة و زوجك مسافر
وقتها رح تقولي يالله الحمد لله عالنعمة على الأقل زوجي عم بنام عندي بالبيت ما عم بنام لحالي
صدقيني وضعك طبيعي سبق حكيتلك عن زوجي
و صرتي بتعرفي وضعي متل وضعك تماماً
اصبري و الوضع ان شاء الله رح يتغير
على الأقل انتي رح تتغير ظروفك و ما رح تسألي عنه
انصحك تجيبي لحالك كومبيوتر و تتعرفي على النت من خلاله
ووقتها رح تستغني عن زوجك تماماً
بالتوفيق
__________________
.
.
استودعتك أهلي في سوريا يا من لا تضيع ودائعه
01-04-2009, 08:18 PM
ضوابط المشاركة
العرض المتطور