أختي أشكرك لنصيحتك و أنا أدري عن كل اللي قلتيه و هذا السبب اللي يخليني أعطيها راتبها من قبل
لا تطلبه .. و دايما أعطيها راتبها قبل موعده بأسبوع علشان أرتاح ..

بس لا تخافي عليها ،، هذه تاخد حقها 10 أضعاف ،،
يعني تتكلم ماشاء الله عليها و ما تسكت ،، هذا أول شئ ..


تاني شئ ،، أنا أخدت الإذن منها ،، فمالك حق تقولي إني ظلمتها .. و كلمتها بأسلوب حلو ..
لإنه أمي كانت تعطيها راتبها زمان و كانت تقول خليه معاك أجمعيه ليا كم شهر علشان أعرف نفسي
مسرفة .. و بعدين هي طلبت 1000 ريال و أنا بأعطيها أكثر علشان أبري ذمتي ..


و حكاية الحساب اللي في السعودية ..
فإنت ما تعرفي الظروف ، علشان تقولي - عندك حساب في السعودية - ..
هناك أشياء لو ما دفعت فيها الفلوس ،، كنت رجعت بخفي حنين و رجعت هي بلدتها ..
و ماتعرفي إيش المشاكل اللي حصلت مع الملحقية

كفاية إني في بريطانيا ، دولة غالية .. و أصرف على ولدي و نفسي و شغالتي و زوجي ..
لإنه حتى هو كانت عنده مشاكل مادية مع الملحقية .. ( و شئ مو جديد عن الملحقية )


و بعدين الشغالة بتاكل من أكلنا و تشرب من شربنا ،، و لو حسيت إنها متضايقة كنت أعطيتها على
طول ..


الزبدة :
مشكورة عالنصيحة ،، بس عارفتها و حافظتها ،،
و موضوعي ماله دخل في المشكلة هذه ،،

لإنها هي مو أول مرة تقلب كذا و تحاول تمسكني من اليد اللي توجعني ..
و أطول بالي عليها ..

أنا ماهمني غير إني أرضي ربنا ،، و الله إنه زوجي كم مرة قال لي :
( كلميها ، خاصميها ، شغليها ) .. بس أقول له يا شيخ خلينا نتجمل معها للأخير ..
بس خلاص توبة ما عاد أعامل أي شغالة بالأسلوب هذا ،،

لإنها كانت تحسب حساب لأختي يوم تجي عند أمي ، لإن أختي تشغلها مضبوط ..


__________________________________________________ _______

و أزيدك كمان ،، جيراني اللي سكنت جنبهم فترة ، كانوا من الجاليات المسلمة .,.
كنت دايما علشان ما تطفش في البيت ،، أخخليها تجلس معهم من الصبح لحد الليل يوميا
و تزورهم و تحضر احتفالاتهم ،، و تهدي لهم من أغراض البيت تبعنا ،، يعني تعمل فيها كرم من أغراض
البيت ، و كأنه من مالها الخاص و أسكت علشان ما أحرجها و أقول لا أجرحها ..

و مرة كانت وحدة من الجاليات عندها سيارة و رايحة الجامعة ،،
قالت لي الشغالة ( ممكن أروح أركب معها السيارة و أرجع بسرعة ؟ )
أقول لها ( طيب و لا تتأخري ) ،، و تقول لي ( طيب و شغل البيت ؟ )

أنا أشوفها نفسها تخرج و ما أحب أكسرها ، و أقول لها ( مو مشكلة إذا رجعتي )
و زوجي يرجع ، يقول لي إيش به البيت كذا فينها ؟ أقول له ( مسكينة خليها شوي تغير جو ،،
و الحمد لله زوجي يعمل لي خاطر و يقول ماني صابر عليها إلا علشانك )


بس النتيجة إيش كانت :

الجارات ،، تصدق إنهم فجأة صاروا يكرهوني ؟؟؟؟؟؟ من غير سبب ؟؟؟؟؟؟
فجأة غيروا معاملتهم معاي ؟ فجأة ما يسلموا علي ؟؟؟؟؟؟ لحد ما نقلت من عندهم ..

و بيوم من الأيام الشغالة فضحت نفسها بنفسها .. و زلت لسانها و حاولت تصرفني بأي طريقة ..
زبدة كلامها .. صارت تقول لي الجارات ما يحبوك ، عشان ماخدين فكرة عن السعوديات ..
( مع إنهم زمان كانت مرة معاملتهم لي ممتازة ، لحد ماهي تعرفت عليهم و أنا اللي عرفتها عليهم
علشان ما تطفش في البيت و تجدد نفسيتها ) ..

تقول لي .. يقولوا (أكييييد روح الطير تعذبك في البيت ، لإنه معروف السعوديين يبهدلوا في شغالاتهم)
بعدين شغالتي تقول لي ( بس أنا أحبك و إنت عمرك ما عاملتيني مو كويس ،، و أقول لهم لأأأأأأ ..
إنتوا ما تعرفوها ،، تعاملني كأني أختها ) ..

( فهمت بعدين ، إنها تنقل كلام عني كذب في كذب ، و لا إيش سبب تغيرهم المفاجئ ؟؟؟؟ )

و يوم جينا ننقل ،، أعطوها هدايا ،، و أنا و لاطالعوا فيا ،، و ماهتميت لإنه كفاية دروسي ..
و بعدين بعد شهرين قالت لي ،، ترى كذا كذا الجارات يقولوا عنك ؟؟؟؟؟

( انقهرت ، كنت بأقول لها ،،
و إنت أرسلك علشان تتكلمي عني و عن زوجي و لا علشان تجلسي معهم )

يا اختي أعطيها أجرها .. هي لا دخل لها بظروفك أو ظروف زوجك ومش مطالبه تتفهم ذلك

هي جائت تعمل بأجر .. وبينكم عقد فالمفروض الوفاء بالعقود

وانتم مغتربين وهي كمان مغتربه وكمان وحيده لا زوج ولا شي

ارجو تحطي نفسك مكانها وشوفي كيف بتتصرفي

وبعدين لاحظي هي من ايش بتزعل وانتي من ايش

هي بتزعل من أمور ماديه وملموسه مثل تأخير دفع الراتب والتحويل .. الخ لكن أنت كل ماتستندين إليه أمور غير محسوسه أو مثبته ( مكاره .. مكشره .. الخ )



خلاصة الكلام .. للاسف انت الغلطانه مش هي (هذا رأيي )

يمكن ضغط الدراسه والاختبارات هو اللي جعلك تخطئين في الحكم

بأضيف نقطة ..

أنا أعطيتها فرص كثيييييرة و مرتين بجد وقفتها عند حدها يوم غلطت و زودتها مرررررررررة ..
و صالحتها و كلمتها و جبت لها هدية ، مع إنها هي اللي كانت غلطانة ،، بس قلت يالله علشان ربنا ..


فالغرض من كتابتي هنا ،، مو مدح و الله في نفسي ،، بالعكس مقهورة من حالي و زوجي كمان يستغرب من ضعفي
مع الشغالة و يقول لي شكلها ( سحرتك ) ،، أقول له ،، و الله أول شئ متغربة عن أهلها و أبغاها تفتكرني بالذكر الطيب

و تاني شئ ،، ولدي معاها طول اليوم ،،
و هي إذا عاندت ،، تقوم تقهره بأي طريقة و تبكييييه علشان تقهرني .. بس أنا أتجاهلها يوم تعمل حركاتها ..

____________________________________

الغرض من كتابتي :

أنا عصبية و حارة و الكل يعرفني ، بس مع الفقراء و الشغالات ،، ماعرف ليه أفكر مية مرة ..

فخايفة من نفسي أنفجر عليها أول ما أخلص اختباراتي و مشاريعي الترم هذا بعد أسبوعين ،،
و ممكن توصل بيا إني أقول لزوجي ( سفرها ، مو كل شوي تشتغل تهديد ؟؟؟؟؟؟؟؟؟؟؟ )

يا أخي افهمني ..
هي مو زعلانة من الراتب ،، هي تقول لي ( شيلي لي راتبي
علشان ما أصرفه .. يعني هي راااااااضية و أنا ما أكلت فلوسها ) ،
و إنت بتقرا أنا إيش بأعمل علشان خاطر عيونها ، و الأدمية كل
شوي تتشرط و تزرع فتن بيني و بين زوجي مو أووووووول مرة
تعملها ..
و دحين بأقول حكاية حصلت منها ..


خلوا الراتب على جنب لو سمحتوا ،،
أنا و هي متفاهمين على الموضوع و هي ما بتصرف شئ هنا ،،
أنا بأشتري لها ، مع إنها يوم طلبت زيادة راتبها ، قالت زودوا لي و مالكم دخل فيا ..

أنا ماني ناقصة لو سمحت ،،
الراتب و أنا و هي متفاهمين عليه و هي ماشتكت


هي كذا كل شوي تدور على شئ عشان تنكد و تبغى تحس نفسها صحبة البيت و حتى زوجي يقول و الله حاسس كأننا نحن الشغالات عندها

____________________________

ترى يوم أعصب عليها ،، تمشي زي الألف و تتعدل و تنظف البيت كوييييييس ..


لا تخليني أروح دحين و أقلب عليها ؟؟؟؟؟؟؟

أنا لا أقصد إزعاجك لكن تأخير الراتب كان هو التفسير المنطقي الوحيد لحالتها خصوصا وهي إنسانه طيبه كما يبدو لي والدليل معاملتها الطيبه لابنك

عموما أنت أدرى بالمشكله

بس نصيحه لله في الله .. بعد الامتحانات شوفي لك حل مع العصبيه .. هذه هي مشكلتك الاساسيه مش الخادمه

بأقول حكاية قبل لا أطلع أروح أذاكر ..
لإني ماراح أسكت لها ، بس بأدور على فرصة و هي بجد زودتها ..

كم مرة تجيني من حالها ( و لقافة ) ،، تقول لي ( ليه ما تطلقي من زوجك ؟؟؟؟؟ ترى إنت ألف واحد يتمناك ؟؟؟ )
كم مرة تكلمت عن زوجي قدام الضيوف .. و اليوم تقول ( إنت عايشة مع مجرم ؟؟؟؟؟؟؟؟؟؟؟؟ )

أقول لها ، ليه تقولي كذا ؟؟؟؟
( تنقهر يوم تشوفني مبسوطة مع زوجي ،، و كم مرة أهلي حذروني منها ،، و أمي كانت خايفة ترسلها معاي ،،
تقول أخاف تذبحك بيوم )


طبعا هي حسبت إنها تجي بريطانيا ،، و تفلها على كيفها ،، علشان كذا مقهورة كمان ..
و كم مرة حاولت تمشي كلامها ،، بس أنا أمشي معها على ( شعرة معاوية ) .. يعني يوم تزودها أفهمها إنه أوقفي عند
حدك و أعاملها برسمية ،، بس بإحترام نفس الوقت ،، يعني لما تكثر من الكلام و تبدأ تدخل في شئ ما يخصها ،،
أعمل نفسي مشغولة و أطنشها و يعني - أبغاها تفهم إنه مالك دخل -

----------------------------------------------------------------------------------------

و أول ما جبتها ،، تقول لي ، شفت سعودية ماشية بشعرها و طولها ، ليش ما تعملي مثلها ؟؟؟؟؟
و كم مرة تقول لي ، تصدقي ؟ أنا في بلدي ما ألبس طرحة و أمشي بطولي ( قصدها خليني أمشي بطولي ) ..
و يوم جبتها ، كانت عند أمي تلبس ملابس ساترة و جاتني من أول يوم و لابسة من أول يوم بنطلون جنننننز ضيييييق
و قميص فوق الخصر على فوووووق ،، قلت لها : حبيبتي إذا لبستي زي كذا قدام مستر ،، بيزعل و يخاصمني ..
و جريت تغيره على طول ..

و قالت لي أول ما جبتها ،، ليه ما تروحي بارات ؟؟؟؟؟؟؟؟؟؟؟؟؟
جلست أضحك ، أحسبها تمزح ،، تقول لي لا تضحكي من جد أتكلم إيش فيها ؟؟؟؟؟
قلت لها إنت جالسة تقولي ؟؟؟؟
قامت تقولي : روحي البار و أجلسي ،، بس لا تشربي أي شئ ..

و بسسسسس تسب في السعودية و أهل السعودية و تقول إنهم ناس متخلفين ووو إلخ
..
______________________________________________

بأحكي عن موقف ..


مرة من المرات ، زوجي اشتهى يطبخ عالعشاء في نص الليل و هي كانت نايمة ،، دخل زوجي المطبخ و عندي اختبار ..
و طبعا ( لخبط المطبخ فووووووووق تحححححت ) و أنا عندي كان اختبار تاني يوم و كنت مواصلة ، علشان كذا تركت
المطبخ .. و زوجي ما خلاني أمسك شئ و قال لي : هي تنظفه ..

و قلت له ( ياويلك من الشغالة ، بكرة تصحى و تنفجع من شكل المطبخ ) ..
عاد زوجي قال وقتها ،، حلوة هذه ؟ هذا اللي باقي ؟؟؟؟
تجي تتأمر علي في بيتي ؟؟؟ ( لإنه ما عمرنا قلنا لها اعملي و شيلي و سوي ) ..

قامت و نظفت المطبخ في الصبح .. و قالبة وجهها ..
و نفس اليوم زوجي اشتهى أكلة على الغداء ،، و قلت لها تعمله عالغداء ،،
و أول مرة كان يطلب إني أقول لها تطبخ شئ معين ..

و نفس اليوم رحت البريد علشان أسألهم ، كنت أبغى أرسل هدايا لأهلها في بلدها و أفرحها و أفاجأها ..
و حكيت لزوجي و قال لي ، إيوة مسكينة خليها تفرح شوي ،، يكفي متغربة ..

المهم ..
جاتني تاني يوم و خلااااااااااااااااااااااص طرطعت ، و أنا عارفة لإنه شغلها بس يوم واحد ..
و جات تبكيييييييييييييييييييي و تقول لي ،، ودوني بلدي ،، جيبوا وحدة غيري إذا ماني عاجبتكم ؟؟؟؟
قلت لها أحد تكلم ؟ أحد اشتكى ؟ فيه شئ ؟؟؟؟؟؟؟؟؟؟

تجلس تتبلى على زوجي ..
و تقول أمس سامعته ، يتكلم معاك و يسب فيا ؟؟؟؟؟؟؟؟؟؟؟
قلت لها ( متى ؟ ) تقول لي ( لا تكذبي علي ) أنا سمعته أمس يتكلم و يسب فيا ..

قلت لها ؟ يعني أنا ما أعرف إيش بيتكلم معاي ؟ لو فيه شئ أنا راح أضحك في وجهك و أكلمك ؟؟؟؟؟؟
و بجدددددد فجعتني و أفتكر ليلتها ،، ما جبنا سيرتها أبدا


بس قلت لكم / هي دايما تتجسس و مشكلتها ما تفهم العربي كويس فتفهم على كيفها ؟؟؟؟؟؟؟؟؟؟؟

كم مرة أقول لها شئ ، و تقول لي ( إإإإإإإإإإإإإإإإإإيشششششش ؟؟؟؟؟ و تقول لي إيش يعني )
بس أنا فهمت وقتها ،، هي انقهرت بس علشان زوجي طبخ في العشاء ،،
و أنا مستحيل كمان أقول لزوجي لا تدخل المطبخ علشان سعادة الأخت الشغالة ، ما تبغاك تدخل المطبخ ؟؟؟؟؟؟
و تاني يوم ، هو اشتهى أكلة و قالها تطبخه

( و هي يوميا تطبخ من حالها ، بس أنقهرت ماتبغى أحد يقول لها عملي كذا ) ؟؟؟؟؟
بعدين زوجي تكلم بكل ذوق و احترام ؟؟؟؟؟؟؟؟؟؟؟؟؟؟


هاه مين الغلطان ؟؟؟؟؟؟؟؟؟؟؟؟؟؟؟؟؟؟؟؟

هدي نفسك ياعزيزتي هذا الجنس الاصفر مهماا كرمتهم ما يثمر فيهم --- مادام انت اعطيتها حقها فهي شكلها حق مشاكل فطنشيها وتحاملي على نفسك حتى تنتهي من اختبارتك واعتبريها هواء اي غير موجوده عشان ابنك الله يحفظه لك وبعد ذلك سفريها بالاحسان وحسبي عليها اذا بطرت عليكم وفوضي امرك لله لان اغلبهم لوئمه ---اكيد سمعتي بقصة حميدان التركي وشغالته كيف ادعت عليه--- امسك اعصابك حتى تنصرف عنكم ---واذا ماتتحمليها تخلصي منها بتسفيره --الله يعينك ويوفقك ويصرف بلاها عنكم

__________________

لو مشكلتي مع العصبية ،، كنت ماشفت حالها وصل لهذا الحد ياخوي ..
و الكل يقول لي ، إيش اللي مخوفك منها ؟؟؟؟؟؟؟؟؟

و الشئ التاني ..
هي شغلها كله في البيت ..
بس ( ولدي ) ..

يعني أريح من كذا مافي أظن ؟؟؟؟؟؟؟

و هي تحب الأطفال عموما ،، و إذا شافت طفل تاني ،،
تطنش ولدي و تروح تخدم أولاد الجيران ،، و كم مرة شفتها تبكي ولدي علشان ترضي أطفال الجيران



و طيبتها ياخوي ، من معاملتي أنا و زوجي الحسنة معها ..
ليت تحكم بالعدل ، مو بالمقلوب ،،


و هي ماهي متضايقة علشان الراتب ،،
الموضوع هذا و انتهينا منه ،، و مو أول مرة ،، و هي اللي تطلب إنه أجمعه لها
بس أنا أحب أبري ذمتي و أعطيها هو ....

اتق الله ... والله كلامك يحتاج لتوبه

انا هنا أتحدث عن حاله عامه وليس عن مشكلة الاخت روح الطير

الخادمات يلقين معامله صعبه جدا بدء من حبس (الكفاله ) وحتى الاضطهاد والانتهاك الجنسي المتكرر وقد قرأنا الكثير من الاخبار في الصحف العربيه وليس الاجنبيه

الجميع يعلم أن الخادمات لا ظهر لهن في مجتمعاتنا ولا توجد سلطات يكفلن لهن حقوقهن وأي مشكله تحصل مع الخادمه فقرار الترحيل جاهز وربما رحلت بدون أن تأخذ حقوقها الماديه وربما لم تنصف معنويا

وربما كانت تصرفات الكثير من الخادمات كرد فعل عن سوء المعامله وربما كانت بدافع الخوف

ما يؤسفني أن كثير من الجنس الاصفر كما تسميه حضرتك يأتون إلى بلدان الجزيره العربيه مستحضرين أن هؤلاء هم أحفاد الصحابه ونسل النبي صلى الله عليه وسلم ثم تأتي الحقيقه المفجعه التي قد تدفع بعضهم للرده عن سبيل الله

أقول ارحموا من في الارض يرحمكم من في السماء واتركوا العنصريه والنظر بعين الاحتقار والدونيه لباقي الاجناس كالهنود والاسيويين كلنا من آدم وآدم من تراب