شكلك حااارة
بردي
على قولته جهزي الشنط
وخليه يختار براحته
ولو اعجبك شيء وريه صور وحركات بس يصير طبعا مايحتاج طيران
بس اسأليه تجهزي ربيعي والا صيفي والا شتوي

اقتباس:

المشاركة الأصلية كتبت بواسطة نبض الدان شكلك حااارة بردي على قولته جهزي الشنط وخليه يختار براحته ولو اعجبك شيء وريه صور وحركات بس يصير طبعا مايحتاج طيران بس اسأليه تجهزي ربيعي والا صيفي والا شتوي

ههههههههههه

ياقلبي والله مو شغلة إني حاره ..بس أنا منظمه ومرتبه وأحب أرتب أموري من بدري في كل شئ

هو جنني لغاية اليوم يقولي إيش رايك نروح اليمن ..قلت لالا هههههههه خلاص روحنا لها وحده مره كفايه

آآه بس يارب يرسى على بر

بأفكر إني أقترح عليه إننا نسافر بالباص ..صحيح متعب بس أرخص من الطياره ..وكمان أوفر في البنزين

وراح أجهز حق كل فصول السنه ..صيف وشتاء وربيع

دمتي بود نورعيني

__________________

وهو صادق ياروعة .. تعالي يمنا بالجنوب ..<<أشجع السياحة الداخلية ,,,,
براد وامان ..

اقتباس:

المشاركة الأصلية كتبت بواسطة أم داليا وهو صادق ياروعة .. تعالي يمنا بالجنوب ..<<أشجع السياحة الداخلية ,,,, براد وامان ..

والنعم بالجنوب وأهل الجنوب

بس حبيبتي أنا سافرت للجنوب تقريباً لأبها 15 سنه وأنا رايحه جايه على أبهاكل سنه علين طفشت

والطائف جنب مكه دائماً نروحها

وحتى شهرالعسل قضيتو بأبها

تسلمي أم داليا نورتي ياغاليه

__________________

حبيبتي يا روعــــــه ... لين الحين مقاومه

الحمد لله ان موضوع السفر والتخطيط والبرنامج والميزانية دائما بيدي سواء في سفري مع الاهل او لوحدنا انا وزوجي..

شوفي حبوبه ... ما دام انك تبين تسافرين وتغيرين جو ... فلا تجادلين زوجك ... لانه بيظل يغير رأيه باستمرار ..

اختاري احدى الدول اللي اختارها زوجك واستخيري وتوكلي على الله ... وحطي برنامج حلو للمكان اللي بتزورونه

اما بالنسبه للسفر بالسيارة فهو متعب فعلا .. فاختاري دولة قريبه ... واستحملي عزيزتي ... ما بعد التعب الا الراحه

ولا تنسين تنورينا في الامارات .. ربي يسعدك ويوفقك وان شاء الله تقضون اجازه حلوه ومفيده وممتعه

__________________

__________________

تعالي نسيت اقولك جربي تبحثين عن طيران تذاكره مناسبه للميزانية ورخيصه ...يمكن يقتنع زوجك ..

واذا تبين اسم شركة طيران اسعاره مناسبه انا جاهزه .. بالتوفيق

__________________

__________________

>>>عندها فوبيا من الطيارة وتخاف
وقل مايصيبنا الا ماكتبه الله لنا ] في علاجات بالصيدلية اذا كانت عنده فوبيا من الطيارة ياخذها قبل الاقلاع بساعة ومرة مرتين راح يتعود
احكي لك شى تضحكين زوج خالتي والله عمره ماركب الطيارة ولو تقوله خالتي نسافر على اروبا او اي مكان يقولها لو طاحت الطيارة بياكلني القرش.ههههه تقوله لو انفجرت الطيارة بتحس ان القرش راح ياكلك مانت خلاص بتصير حطام قبل لا تنزل الارض ويتكلم جد مايمزح تقولي كنه طفل
انا والله من عشر سنوات تقريبا صار يجيني خوف كان في مطبات هوائية والصراحة كل الي بالطيارة عاش لحظات الموت
اقسم بالله وقتها الانسان مايفكر الا كيف انه بيقابل ربه وهو مو محضر شى لدينه كلنا مقصرين نسال الله ان يعاملنا برحمته وغفرانه
السفر بالسيارة ممتمع نوعا ما وخاصا اذا كان في مناظر جميلة الواحد يستمتع حتى بالنظر والسوالف لكن الرحلات الطويلة صعبة .انتي حاولي تقنعيه ولاتزعلي نفسك واعتبريها فسحة ايش ماتكون وسائل السفر المهم تغيرين جو

استخيري ربك في امر سفرك الي اين كان



الله يوفقكم