كيف تتعاملي مع تصرفات زوجات زوجك و أبنائه
بسم الله الرحمن الرحيم
السلام عليكم ورحمة الله وبركاته وطيب صلواته
أبدخل بالموضوع وطبعآ بالهجة العاميه 
الموضوع فيه سؤالين .. سؤال للرجال وسؤال للنساء
نبدا بالموضوع لو قابلتي أهل زوجك من زوجاته الثنتين وبناته وعياله
وشفتي منهم بعض الحركات يعني بالعربي تجي بنته تلف بوزها وتناظر فيك
تجي الثانيه تسلم عليك بطرف خدها بوسه وحده وتستدير وتبعد عنك
الحركه الثالثه تجين تبغين تبوسين بنت زوجك الصغيره ترفض أمها وغيرها وغيرها من الحركات!!
والادهى إن اغلب الحركات ماتصير أمام الجميع مثلآ يكون الناس لآهين مشغولين بأكل أو رقص او
سوالف وأنتي تحصل لك هالحركات وأمام الناس لاااا يتغير الوضع قليلا" يصبون لك قهوه ويكلمونك وكأنهم متقبلينك!! 
للنسآء :هل سوف تخبرين زوجك بحركات الإستفزاز إللي تصير منهم لك
أو تبلعينها أو تردينها وحده بوحده بنفس الحركات والإسلوب؟؟
للرجآل: لو أخبرتك زوجتك بس طبعآ بدون صياح وبدون صوت عالي وبدون ليه وليه مجرد إخبار بإسلوب هادي لإخبارك بحقيقة تعاملهم معها .. هل سوف تكرها وماهو العآئد على هذه الزوجه التي تخبر زوجها بكذا حركات وش ينظر لها زوجها وهل ينزعج منها .. وهل الأصلح لهذهِ الزوجه أن لاتخبر زوجها أبدا؟؟
آرجو التفاعل مع موضوعي لأن هذا الشي حصل معي مادري أرشدوني أبي ماينداس لي على طرف وبنفس الوقت أبي أبقى على طيبتي
>>زوجه ثالثه
التعديل الأخير تم بواسطة ملكة الهدوووء ; 17-12-2010 الساعة 03:57 AM
17-12-2010, 03:42 AM
ضوابط المشاركة
العرض الشجري