بسم الله الرحمن الرحيم
السلام عليكم ورحمة الله وبركاته وطيب صلواته
أبدخل بالموضوع وطبعآ بالهجة العاميه
الموضوع فيه سؤالين .. سؤال للرجال وسؤال للنساء
نبدا بالموضوع لو قابلتي أهل زوجك من زوجاته الثنتين وبناته وعياله
وشفتي منهم بعض الحركات يعني بالعربي تجي بنته تلف بوزها وتناظر فيك
تجي الثانيه تسلم عليك بطرف خدها بوسه وحده وتستدير وتبعد عنك
الحركه الثالثه تجين تبغين تبوسين بنت زوجك الصغيره ترفض أمها وغيرها وغيرها من الحركات!!
والادهى إن اغلب الحركات ماتصير أمام الجميع مثلآ يكون الناس لآهين مشغولين بأكل أو رقص او
سوالف وأنتي تحصل لك هالحركات وأمام الناس لاااا يتغير الوضع قليلا" يصبون لك قهوه ويكلمونك وكأنهم متقبلينك!!

للنسآء :هل سوف تخبرين زوجك بحركات الإستفزاز إللي تصير منهم لك
أو تبلعينها أو تردينها وحده بوحده بنفس الحركات والإسلوب؟؟

للرجآل: لو أخبرتك زوجتك بس طبعآ بدون صياح وبدون صوت عالي وبدون ليه وليه مجرد إخبار بإسلوب هادي لإخبارك بحقيقة تعاملهم معها .. هل سوف تكرها وماهو العآئد على هذه الزوجه التي تخبر زوجها بكذا حركات وش ينظر لها زوجها وهل ينزعج منها .. وهل الأصلح لهذهِ الزوجه أن لاتخبر زوجها أبدا؟؟


آرجو التفاعل مع موضوعي لأن هذا الشي حصل معي مادري أرشدوني أبي ماينداس لي على طرف وبنفس الوقت أبي أبقى على طيبتي
>>زوجه ثالثه

ترى اللي يصير معك شي طبيعي يعني صعبه شوي يتقبلونك في البدايه تدرين مرت ابوي الثانيه ماتقبلناها انا واخواتي ابدا طبعا عمرنا ماحسسناها بهالشي ولاقد اذيناها بس شي طبيعي اشوف امي تحتر اذا شافتها بس بعد مرور خمس سنوات صارت امي تعتبرها مثل اختها وباقولك نصيحه مجربه اذا قلتي لزوجك على اللي يسوونه بناته وهاوشهم راح يكرهونك وعمرهم ماراح يتقبلونك وبياخذون فكره عنك انك فتانه وتقسين ابوهم عليهم فاستري على ماواجهتي منهم ولاتركزين على اشياء تافهه -

أنا مع الأخت مطلقه صغيره في كلامها والله يا أخواتي مدري الناس وش صار فيها بالذات الحريم في هذا الوقت مثقفات ومتعلمات وماتقبلوا بعض لازوجه أولى ولا ثانيه أنا والله إن أبوي الله يرحمه معدد وأمي كانت الثانيه وعندي إخوان من زوجة أبوي الأولى وأمي مخلفه عددنا عشره وزوجت أبوي عندها أربعه طبعا زوجة أبوي الأولى والله إنها حرمه طيبه وعلى نياتها وكانت ماترضى فينا كانت تحبنا مثل عيالها وقسم بالله إنا كان نترك أمنا ونروح بيتها ونجلس عندها والله إنها تغدينا وتعشينا
وتغسل ملابسنا يوم إناصغار وتخاف علينا وأذكر إني كنت أنا وأخوي أكبر مني بسنه كنا نتضارب على من فينا ينام جنبها على السرير وكانت تفك بيننا وتجلس بالنص وأنا يمين وأخوي يساروكنا مانحب بيت أمي كان نحب نجلس عندها لأنا ناخذ حريتنا بالعب والهوشه وهي تنبسط معانا ودايما ترسل لنا لوتأخرنا عليهاماجيناها وأخواني منها معنا طيبين ويحبونا جنان بالذات إن ماعندهم أخوات بنات من أمهم أخوي الكبير أول ماتوظف أخذ راتبه كله وأشترى لكل وحده فينا حنا خواته من أبوه طقم ذهب هدايا غير الساعات والملابس والألعاب وحتى بعد ماتزوجوا جاهم بنات قاموا سموهم علينا حنا أخواتهم من شدة حبهم لنا وكانت متفاهمه جدا هي وأمي وبعد ماماتت أمي الله يرحمها شافت حالنا أنا وأخواني حزينين لمتنا حولها وقالت أنا أمكم ولا ماتعتبروني أمكم قالت أنتم عيالي أنا ربيتكم على يديني وأمكم بحسبة أختي والله وحده العالم بحزني عليها كانت أخت وونيسه لي واليوم خلتني وراحت لجوار ربها وبكت بكاء شديد حتا حنا صرنا نبكي من بكائها وهم الثنتين أميات لاقرأو كتاب ولا تصفحوا منتديات بس نفوسهم طيبه وقلوبهم صافيه ماعرفت لاغيره ولاحقد ولاحسد بالرغم إن الوالد خطب أمي قبلها وماصار نصيب وأمي تزوجت رجل قبله وجابي منه بنت ومرض زوجها ومات وصارت أرمله وأبوي عرف إن أمي ترملت بس كان متزوج زوجته الأولى ومخلف منها أربعه أولاد سافر أبوي لديرة أمي وخطبها مرة أخرى وكان عندهابنت وأمي رفضت تاخذه علشان بنتها بس أبوي قال لها أنا أريدك وبنتك إعتبريها بنتي وأنا أروح لأعمامها أتفاهم معاهم ما أحد يقدر ياخذها منك دام خشمي يشم الهوى وراح وتفاهم مع أهل البنت وافقوا إنها تجلس مع أمها وبعدهاوافقت أمي على أبوي وكانت زوجته أول وحده تستقبلها وسوت لها حفله وعزمت الناس وأبوي سوى عشاء وهي جمعت الحريم عندها في بيتها وسوت حفله لأمي وسبحان الله أنا شفت زوجات في الأجيال السابقه متفاهمات كأنهم أخوات بس اليوم ما أدري إيش صار بالنسوان مدري هو كيد حريم ولا ظلم رجال وفيه عندنا مثل يقول إللي ياخذ ثنتين أما تاجر أو فاجر أنا من معايشتي لمعامله أمي وزوجة أبوي لبعضهم ماعندي حساسيه من التعدد بس إذا قدر الله وصار تعدد بعدين لكل
حادث حديث حبيت أنقل تجربة أبوي وزوجاته لعلا تكون فيها فائده لك الله يعينك ويحبب قلوبكم في بعض .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

معاها حق الأخت مطلقه صغيره
كفت و وفت ^_^
بالتوفيق

مطلقه صغيره الله يجزآك خير ويوفقك ويعوضك إن شاءالله
همسات آنثى الله يجزاك خير ويوفقك
مشكوووورات ع الرد الله يسعدكم يارب..

مااااالك شغل فيهم .. اهم ماعليك زوجك ونظرته لك.. ولاتجيبين له سيرة عن تصرفاتهم..

لانه راح يفهم انك غيرانة منهم.. او راح يفهم انهم غيرانين منك وراح يهتم فيهم زياااااادة!!!!

ويراعي شعورهم ..

فأنت لاتجيبين سيرتهم لا بخير ولا بشر.. اعتبري نفسك انت زوجته وبس.

وثقي تماماً انهم ماراح يتقبلونك.. ولا انتي راح تتقبلينهم.. فليش التعب!!؟

عيشي حياتك مع زوجك .. مو مع اهله وزوجته وعياله.

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

تبين حل لاتبوسين اولادهم وسلمي زيهم هذا الحل

آحلاهم واتحداهم بالعكس انا متقبلتهم بس هم !!!
مششششكوووره ع الرد جزاك الله خير
رجل هيبه فكرت اسوي كذا وحده بوحده بس بعدين هونت قلت بيطول الموضوع وتكبر الغيره والكرآهيه
بالعربي بطنششششهم وبقلل روحاتي لهم يعني هم يجتمعون بالشهر 4 مرات انا بشوفهم مره وحده بالشهر
مع تطنيشي لتصرفاتهم احسن شي..
مشششكورين على الرد جزيتم خير

خلاص حبيبتي طنشيهم.. ماعليك فيهم .. اهم شي لايشوفون منك إلا الزين.. عشان لايزيدون عليك ..
وعشان هم بينهم وبين بعض راح يقولون والله المسكينة ماسوت شي ماشفنا منها الا كل خير

وابونا ما تغير علينا.. احنا ليش قالبين عليها كذا ؟!

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))

يجب ان تتحملي وشكرا