والله انا متعذب بحياتي

ما قدرت اشغل نفسي

دايم ارجع افكر بالبنات

وهالشي مرررره معذبني

لدرجة اني اتضايق كثير من هالحاله اللي انا فيها

مأثره علي كثير بكل حياتي

انا احياناً حتى برمضان ما اقدر اكمل صيامي للأسف اقضيه بعد رمضان

رمضاان تقضيه ؟؟؟

معناته هنا مربط الفرس عندك
1|اقضي وقت فراغك بمايفيد ادخل تحفيظ قران <<<ماتحتاج تعب ولا شي ومتوفر بالمساجد
اختر مسجد قريب من بيتكم وادخل تحفيظ وابحث عن الجليس الصالح
وبكذا تكون قضيت وقتك واشغلتك نفسك وكونت لك صداقات
الان العطله جايه لازم تسوي لك برنامج
وكن جدي شووي وتحرك قليلا وغير من وضعك فكر بشكل جدي ولاتحجر نفسك بهالوضع

يعني لما نعطيك حلول اقل شي حاول ولو مجرد محاوله ماراح تضر

__________________
وعند الله لاتموت الامنيات

حاولت كثير اشغل نفسي

حاولت بكل الطرق

والله العظيم عجزت

اخوي

انت ليش تحصر تفكيرك بالزواج والبنات

ترا ابليس لقا عليك باب وباب كبير بعد
وبيبقى وراك الين ما تطيح بالحرام سواء معاكسات او غيرها

اخوي كل ماشفت هذي المناظر تذكر خواتك يمكن احد يناظر لهن بنفس نظرتك
وانت عارف ان الشي هذا دين اذا سويته ببنات الناس ... الناس تسويه بخواتك

من كلامك واضح ان عندك طاقه كبيره جدا
ياخوي نصيحه لوجه الله ترا الدرب اللي بتمشي فيه مسدود
اختر طريق الجنه
وتذكر الحديث (وشاب نشأ في طاعة الله )

اخوي من كلامك واضح انك محافظ على دينك بس ماتسوي النوافل من صيام وذكر وحفظ قران وصدقه وغيره وغيره

وبعدين ايش قصة انك تقضي رمضان وانت شاب ؟
اتقي الله في نفسك

كلامك هنا زادني اصرار اني التزم بحجابي الساتر
عشان ما يتعلق برقبتي يوم القيامه شاب تغريه مفاتن النساء

بالأخر ابيك كل ماشوف هذي الاشكال من البنات تقول ما قاله يوسف عليه السلام
وإلا تصرف عني كيدهن أصبو إليهن


الله يصرفهن عنك
بس انت لا تجلس تطول النظر فيهن وتتعب بعدين
خلاص بالتلفزيون لا تفتح على قنواتهن
وبالشارع اذا رفعت عينك وطاحت على بنت اصرف نظرك الجهه الثانيه واستغفر ربك

والله يرزقك العفاف

__________________

اختي كلامك فاهمه زين

ومستوعبه

بس انا هالشي يتغلب علي ما عاد اقدر امسك نفسي


ياليت كل البنات يتسترون

كان والله العظيم المسأله تهوون كثير

ياليت اتمنى ما اشوف بنت بعبايه مخصره


اتمنى ما اشوف بنت تطالعني بعيونها بنظره غريبه


اتمنى ما اشوف بنت تفتن بنظراتها لي وبجسمها المغري


بعبايتها اللي لو انها ما لبستها احسن بكثير


اتقوا الله فينا تكفووووون

اول شي انا تعبت من المتصفح لأني اكتب مليون مره رد وتتقفل الصفحه وارجع اكتب من جديد

ثاني شي انا قلت ان كلامك زادني اصرار اتسك بحجابي مو معناته اني كنت من صاحبات المخصر
ولله الحمد من كنت باولى ثانوي وعبايتي ساتره واذا كنت بالشارع او السياره ما افتح عيوني
وحتى لما اروح السوق ما اكلم صاحب المحل اخلي اخوي يكلمه

ثالث شي الان الجو مطر واحنا في الثلث الأخير من الليل وقت نزول الملك جل في علاه
ودعيتلك من قلبي ان الله يثبتك ويصرف بصرك لما تحب
ويرزقك العفاف

__________________

عطر الحياة


ياليت كل البنات مثلك


الله يوفقك ويسعدك

المشكله مو بس عندك أنا أعاني مثل ما تعاني

أنا عندي هوس بالنساء من يوم كان عمري 17 واليوم عمري 22 ولا زلت أميل للجنس الناعم وأمنيتي أتزوج لكن الشكوى لله

لكن نقطة الاختلاف بيني وبينك أنا أبوي يقدر يزوجني لكن قايل لي اعتمد على نفسك حتى سلف ماراح أسلفك والوالده الله يحفظها راسه يابس تقول تخلص دراستك وتتوظف وبعدين أدور لك مع إن دخلي الشهري فوق ثلاث آلاف ولله الحمد بس براسه حب ما طحن وظيفه يعني وظيفه والظاهر ما تبي أي وظيفه

قلت له أنتي دوري لي وخليني أتزوج وإذا جيت أشكي لك قولي لي قلعتك أنت الي أصريت على الزواج

قلت لها زوجوني ولا عليكم من حياتي والي بياكلها أنا مو أنتم لكن مشكله لاصار الراس يابس

والي يزيدني قهر وغبنه يوم أمك تحسبك ملك ما يمكن تغلط ولا يخيل لها إنك ممكن تتعرف على وحده أو تزل قدمك مدري هي تتوقع إني جماد ما أحس ولا أشعر يابشر يا عالم حنا نحس بشر لحم ودم أحاسيس ومشاعر

عشان كذا مبرده ومو حاسه بالجمره الي تغلي بقلبي

مشكله إذا صاروا الأهل ما يفهمون وش يمر فيه الشاب من فتن وبلاوي واليوم إذا قدر يمسك نفسه بكره مايضمن نفسه

كلام وتكلمت نقاش وتناقشت تقتنع بيوم وتقول خلاص بدور لك وتتغير الفكره من بكره

والله إن الحرام أسهل بكثير وما يحتاج كل هالتعب والمعاناة

يعلم الله إني ما سامحت لا الوالد ولا الوالده على الي سووه فيني وآخر قرار اتخذته ما أتكلم بالعرس وأذل نفسي لهم أكثر من كذا حتى لو أجلس طول عمري عزوبي

أدري إني ما عطيتك حل لأني أمر بنفس مشكلتك بس حبيت أقول لك إني أعاني مثل ما تعاني الله يفرجها بس

__________________
إن بعض القول فن ، فاجعل الاصغاء فناً ..
>> المعرف لرجل <<

عليك بوصية رسولنا الكريم قال – صلى الله عليه وسلم –: "يا معشر الشباب من استطاع منكم الباءة فليتزوج، ومن لم يستطع فعليه بالصوم فإنه له وجاء" رواه البخاري (1905) ومسلم (1400) من حديث ابن مسعود – رضي الله عنه

أذا أتبعت أمر الله بغض البصر امتثالاً لأمره - قال تعالى -: "قُلْ لِلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ" [النور:30].
ولجئت أليه بالدعااااء أن يصرف عنك الفتن ماظهر منها ومابطن بأذن الله ربي رح يعينك ويسر أمر زواجك مافي شب صعب على رب العالمين لاتقول أبوي مايقدر يزوجني ولاتحط أعذار أنت أعمل بالأسباب وأدعي الله وخلي عندك يقين بأن الله رح يستجيب لك وصدقني رح تشوف الي يسرك
أهم شي غض البصر أذا رحت السوق أو أي مكان وحاسس أنك رح تنفتن على طول أذكر الله وأشغل لسانك بذكره وربي رح يصرف عنك الشيطان الي يزين لك الفتن المرأءه أذا خرجت من بيتها أستشرفها الشيطان ليزينها بعيون الرجال فلا تترك للشيطان قوة عليك
روح أعمل عمرة وألجئ الى الله بالدعااااااااااء
أطلب العلم روح ندوات وحلقات في المساجد روح لدروس ماشاء الله الدنيا فيها خير كثير بس أنت أبعد عن دائرة الفتن
أهم حاجه
اجتهد في الدعاء وتضرع إلى ربك الكريم بأن يصرف عنك هذا البلاء،وهذه الفتن وأن يثبتك على طاعته، وأن يهيئ لك سبل الزواج إنه سميع مجيب
الله يوفقك ويعينك عل طاعته

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.