هذا نصيبك ومانتي اول او آخر واحده على قولك تنفصل بالعكس عيشي حياتك طبيعي والدنيا ماتستاهل تعبي نفسك فبها

الله يعينك ويعوضك خير

قريت في أحد المنتديات سؤال من احدى الاخوات كانت تقول كيف أتعامل مع الناس الفضوليين .. وكيف أتحاشى اسألتهم بدون ما اضطر الى اسلوب غير مؤدب معهم .. في اسألتهم السخيفة الفضولية .. مثلا ان كانت متأخره في الزواج .. ليش ما تزوجت الى الحين .. ان كانت مطلقة ليش تطلقت .. وليش ما تزوجت بعد طلاقك ...فردت عليها احدى الأخوات بقولها .. اذا واحده سألتك مثل هالسؤال انت ردي عليها بسؤال .. ليش تبين تعرفين .. ان كانت عاقله تبي تتلعثم ولا تلقى رد وتسحب سؤالها وتغير الموضوع .. ان كانت وقحه تبي تقول بس كذا ابي اعرف قولي هذي اموري الخاصة وانت ما ترضين اتدخل بامورك الخاصة..
اسال الله بليلة يوم عرفة ان يرزقك الزوج الصالح الي تقر عينك فيه

كنت رايحــه أجدد جواز السفر..سألني الموظف الحالة الإجتماعية؟؟
قال لي بنت ولامتزوجــه..قلت بصوت واطي علشان الناس مايسمعون مطلقه..!
قال شنو؟؟
أنقذتني أختي حبيتي وقالت بصوت كله ثقه..مطلقــة (( داشين حرب ))
المهم قالت لي زميلته اللي جنبه..شوفي راح أذكر إنج مطلقة في خانة الحالة الإجتماعية مو تزعلين وتقولين مابي وغيرو هالشي
قلت لها وعيوني حسيت يطلع منها شعاااع قوي...عاااادي حطي كلمــــة مطلقــــــــــــــة مع ابسامــه جدا عريضه
لما شافوا إن طلاقي خلع..طالعوا بعض وقال الموظف لازم تجددين ورقة طلاااقج في المحكمــة..
طنشتهم وعصبت شلوووون أجدد ورقة الطلاااق..وفوق هذا المراجعين يتفرجووون علي واختي ياعمري تشد من أزري
ما حل القضية إلا المدير..الله يعااافيه

أحس إني ثرثاااارهـ وايد..بس اللي أبي أوصله إن الوحده هي اللي توصل للناس الإيجابية أو السلبية من خلال ثقتها بنفسها أولاً

__________________
اللهم صلي وسلــم على سيدنا محمد
وعلى أصحـــاب وأزواج سـيدنا محـــمد
يارب إني مسني الضر وأنت أرحم الراحميـــــن..لا إله إلا أنت سبحانك إني كنت من الظالمين

وربي احراج ..
مايصير الواحد يقول سنقل
ههههههههههههههههههههههههه

__________________
إلى من تحدثه نفسه بترويض مهرة برية حرة
نوّآرة ( .. لا تروّض أبدًا .. !

__________________

عادي كم مره وحده سئلتني اقولها مطلقه احب الواقعيه الطلاق موجود حتى في القران ليه اخجل

اختي الكريمه
لكي والى كل مطلقه والله تخنقني العبره ولكن قدر الله ماشاء فعل
ارفعي راسك فانتي حره بنت احرار
والانفال او الطلاق لستي اول ولا اخر انسانه تنفصل من زوجها
انظري الى الجانب المشرق لحياتك واهتمي بنفسك
لو تنظري الى نعم الله عليك لا تعد ولا تحصى
صدقيني اختي الكريمه لا اجاملك ولا اواسيك
فقط
تنعمي بنعم الله عليك
وان شاءالله ان الانفصال او الطلاق خير لك للفراغ الكامل لما خلقتي لاجله(عبادة الله)
الله يرزقك لما تحبي وترضي وان يعوضك خيراً عاجلاً لا اجل

اختي الغاليه تعاملي مع الموضوع على أنه شيء عادي بالعكس ليش تستحين هذا نصيبك ولكي الاجر من رب العالمين , خليج مثل اختج ميثى كل ما سألني احد على طول أرد ومن غير تفكير بالعكس يمكن في أحد يدعيلي دعوه بان الله يعوضني.