ظلموني صديقاتي وأنا لاأثق بأحد
السلام عليكم
أسعد الله أوقاتكم بكـــــل خير....
بصرآحه دخلت هون لجل تساعدوني...من زمان انتظر تفعيل عضويتي,,,
تكفووون سآآعوني..
بتطفشون من مشكلتي بس ان متفاله فيكم...
عمري 21
أنا انسانه لآاثق بأحد لآن لما كنت بالمتوسط ظلموني صديقاتي ورب البيت اظلموني..
وخانوني واخذت موقف وصرت مآأثق بأحد كانو يتكلمون عني
تخيلو دقو ع امي قالو لامي اني اني اسوي حركات وسخه وهل الاشياء
اوقسم برب البيت واللي خلق سبع اني كنت ماعرف شي كنت باول متوسط وكان عهدي عهد البرائيه وكنا ذاك الوقت ..ماعندنا تلفزيون من وين اتعلم هالآشياء...كنت ع نياتي
ورب اني ابكي..حدي اتألم من هالشي...ومكتفو ع كذا حرضو اللي يمشي معي..
أمي احسها تشك فيني ..تدرون لهذا الوقت لما اجلس تطالعني ولما اناظرها تصرف النظر..
احيان ودي اسالها بس مابي افتح الماضي لآنه يجرحني..
احسها ما تثق فيني
أنتقلت لمدرسه جديده ..في الثالث متوسط..
تعرفت ع بنات يعني مو ذاك الزود لآني اخذت موقف وانعدمت ثقتي وشخصيتي
كنت مابي اتعرف ع احد كنت اكره الدراسه رحنا اول ثانوي ارتقت نفسيتي لان حسيتهم طيبات
وصرت مسانسه بس الثقه مافيه
لما تخرجنا...دخلنا جامعه ..كنت خايفه تركتها عشانهم
مابي اتقرب اكثر وانصدم تركت الجامعه ...وقلتلوهم خلص انتهت علاقتنا انا اسفه بس فيه شي يمنعني
تركتهم وانا بامس الحاجه لهم ..
بس مابي احد يجرح قلبي مابي احد اثق فيه
غيرت ايميلي وجوالي بس تدرون كانو يدقون ع جوال امي ولما ارد يبكون ليش تتركينا
اوقسم برب البيت ما أكذب
انا حسيت ع نفسي وأستلمت الطريق الخطأ اللي اني ارجع لهم ورجعت
يسولفون معي ويضحكون زي اول ..
ماعاتبوني,,ماصرخو بوجهي وقالو وش جابك..
رحبو فيني...بس
احس بقلوبهم شي احيان طريقه كلامهم مايكلموني زي اول ولا يرسلون لي مثل اول
طيب ليش رجعوني ابي اعرف
انا ودي اتركهم لآاني اتعذب معهم احسم يقولون اني اجاملهم لآن دايم يقولون عني اني اجاملهم
تعببت ساعدوني؟؟
اتركهم؟؟
والا اكمل معهم؟؟
وش اسوي؟؟
مع العلم ماقلتلهم عن الماضي اللي صار لي مابيهم يرفون بحالي ويحطوني حاله خاصه ومعامله مابي كذا؟؟
سااعدوني ولكم مني دعاء في كل رد
((من فرج عن مسلم فرج الله عنه يوم القيامه))
التعديل الأخير تم بواسطة روح المساء ; 19-01-2012 الساعة 11:36 PM
12-01-2012, 10:13 PM
ضوابط المشاركة
العرض الشجري