لينة العريكة ..

تسلمي يا قلبي .. يكفيني ردك ^^


زهرة الرمان ..

الله يسهل لكم يارب .. : )

.
.

جمانة ..

شكلنا أنا و إنت بنفس الوقت ردينا .. الفرق دقيقتين بس ^^
أقرى النقاط و أرجع ^^

حسستيني ( بكبر المسئولية ) ..

كنت قبل أراقب و أساعد الكنترول بالتصوير و عد الورق و كذا ..
بس كانت مساعدة مني ..

أما كذا ، كل شي فوق رقبتك .. تحسي من جد لازم لها تجهيز من بدري
و ترتيب ..

بأكتب الأسئلة هنا ..

و خاصة عجبتني طريقتك ( كتابتك للبند رقم كذا ) ..
عشان أتفادى أي اخطاء لا سمح الله عشوائية ..

شكله عندك خبرة ماشاء الله ..

طبعاً أنا كنت بالخارج و مادري عن الأترام السابقة ..

فاللي فهمته من الإجتماع القصير اللي حصل ، إنه الملفات و الأوراق الخاصة بالكنترول موجودة
و حيدوروا عليها و يطبعوها ..
((راح تحتاجون لتنظيم الكنترول بحيث يحتوي على دواليب فيها أدراج كبيرة لحفظ الملفات الخاصة بالاختبار وأوراق الإجابة /راح يكون هناك أدراج يكتب عليها /صحح وأخرى /لم يصحح /بحيث لما تستلمون من المصححات تضعون الأوراق بها كلاً حسب حالته

( لكن أظن إنها قديمة من الأترام السابقة ) و برأيي إنها بحاجة لتحسين و تعديل ..
لكن لحد دحين ما عرفت إيش تفاصيلها .. و حابة أكون ( ملمة بالموضوع ) و عشان لو ناقص شي ..
يصير اقترحه عليهم و أجهزه قبل موعد الإختبارات النهائية .. يعني كلها مجهودات شخصية ..
((خذي الأوراق منهم وأشتغلي على أخراجها بشكل جيد ويخدمك ))

الكشوفات المطلوبة من أي كنترول تعليمي:

. محضر فتح مضروف الاختبار

. محضر غياب طالب عن الاختبار

.محضر تعهد تاخير طالب عن الاختبار

محضر تصحيح المادة والمراجع والراصد للدرجات

محضر غش

تلك المحاضر موجود بشكل دائم في الكنترول وسوف تجدينه بالتأكيد لديهم

يوم الاختبار يفتح مضروف اسئلة الاختبار حسب جدول الاختبارات الموجود نسخة منة في الكنترول

توزع اوراق الاختبار على عدد الجان الموجودة عندك في الكلية

لجان الاختبارات هي قاعات الاختبار المعدة وطبعاً يكون موضوع على كل قاعة اسماء الطالبات مرتبات حسب أرقام جلوسهن

بعد ما تجهز الاسئلة وتصبح جاهزة في ملفات كل لجنة توزع على المراقبين المكلفين على كل دور او مجمع

يدق جرس بداية الاختبار وتوزع على اللجان (طبعاً كل لجنة لها رقم مثلاً لجنة 1 ولجنة 2 وهكذا))
بعد نهاية كل فترة اختبار تسلم الاوراق مرتبة للكنترول ويعمل الي في الكنترول عند الاستلام على عد الاوراق والتوقيع على .

محضر او ورقة استلام الكنترول من الاستاذة الملاحظة على اللجنة بأن اوراقها كاملة .((هذه خطوة مهمة جداً جداً وتجنبكم المسؤولية ويجب الحرص الشديد عليها لاتستلمي من أي ملاحظة ولاتخليها توقع إلا بعد ماتعدي الأوراق وتتأكدي أنها كامله ثم توقع هي بالتسليم وعدد الأوراق إلي سلمتها

بعدها تفرز جميع الاوراق كل مرحلة على حدة

حابة أعمل شي مرتب، مثلا :
لائحة للطالبات قبل موعد الإختبار ، بحيث ما ترتبك الطالبة وقت الإختبار إذا نسيت شي ..
لائحة مثلا للمراقبات ،،
و إيش الشي اللي ممكن تعمله المراقبة في حالة اكتشافها لغش لا سمح الله ..
أو مثلا حالة طارئة أو تأخير أو مرض أو أو ... إلخ
إيش الشي اللي لنا و اللي علينا ,, و زي كذا ..

يعني مطلوب مننا ، إنه كل شي ( توب و تمام ) و هما متفائلين بنا جداً ..
و نحن نقسم العمل ما بيننا .. و الحمد لله العضوات كلهم متفهمات و هدفهم المصلحة العامة
و سير العمل بشكل منظم و صحيح ,,

بإنتظارك

بعد ما تجمعي اوراق المادة لجميع طالبات الكلية توضع في ظرف كبير مع محضر التصحيح وكشف الدرجات للرصد ويكون في كشف الرصد مراجع للدرجات .

يعني مطابقة الدرجة في الكشف مع ورقة الاجابة .

ويكون التصحيح في الكلية


يوضع جدول مناوبة لاعضاء الكنترول يعني من الصباح حتى الساعة التي تحددها لكم الكلية مثلاً لنقل الساعة 2 ظهراً طبعاً كل مكان وتحكمه قوانينه الخاصة أسألي عن طريقتهم في الأعوام السابقة حتى لايتم أستغلالك ووجهي سؤالك لمن كن يمسكن الكنترول في الأعوام السابقة أو زميلاتك بالعمل قبل أن تتوجهي بالسؤال لكبار المسؤولات

وبعدها يقوم العضو المناوب في الكنترول بالتنسيق مع المصححين الجالسين في الكلية ولن يخرجوا ويتفقوا على موعد لاستلام الاوراق .


بعض المواد تحتاج لاكثر من يوم فيسلمه المصحح للكنترول ويذكر ان مظروفة مغلق يعني لم ينتهي من التصحيح او المراجعات .

عند انتهاء التصحيح من كل مادة تسلم للكنترول بعد عدها ومراجعة كشف الدرجات من حيث اسماء المراجعين معه حتى يكون العمل اكثر دقة .

وبعدها يتم التوقيع في محضر اخر هو استلام مادة كذا مصححة ومدققة وجاهزة للرصد .

فية زيارات للمشرفات الكبار أو الجهة التي تراقب سير عملكم في التعليم العالي كل يوم وتطلع على سير الكنترول وتعرف المادة التي انجزت والمادة التي لم تنتهي من التصحيح .وهذا ايضاً راجع لأسلوب العمل لديكم وهل فيه لجان تخرج لمتابعتكم أولا وهذه النقطة أسألي عنها زميلاتك بالعمل هل كان يخرج لهم لجنة متابعة أم لا

وفقك الله

نقطة أخيرة:
العمل بالكنترول ليس صعباً أبداً وخاصة لو كانت أوراقكم وملفاتكم مرتبة وشغلكم منظم وفريق العمل من أساتذة وملاحظات
ومراقبات دور متعاونين معكم , لاتخافي من كم المعلومات التي كتبتها لك هي أمور لتزيدي خبرتك لكن العمل فيه ليس مخيف
لكن أهم شيء الدقة ,الإهتمام بالتواقيع ,الإهتمام بعد الأوراق بعد التسليم من اللجان وبعد الإستلام من المصححين
وضع الكشوفات والملفات بدروج خاصة وعليها من برى ملصق
يوضح محتواها , وضع الأوراق منظمة بالأدراج الخاصة بها والابتعاد كلياً عن خلط الأوراق ببعض فكل قسم لوحده وكل مرحلة لوحدها ,أكمال جميع البيانات والدرجات
قبل البدء والتفرغ التام للاختبارات ودرجاتها

؛
روح ؛ أنا كنت مرآقبة بس ..
و كنت مشرفة على الجدآول ..

الحمدلله هالطويلة مادخلت فيها ..
الله يكون بعونك و ييسر لك أمرك بجد مسؤولية بس آن شاء الله آنتِ قدهَآ ..

__________________

-
يَاربِ تمّم بالفَلاحِ مَسيرتي ..

مرحباً اختي روح الطير ،،،
غاليتي أنا عملت عضوة في لجنة الكنترول قبل سنة وبالنسبة لي كانت ممتعة اكثر من الملاحظة ولكن المهم هو التنظيم و روح التعامل كفريق واحد ،،،
أنا انضميت للجنة قبل الامتحانات باسبوع ،، وعندما انضميت للفريق كانوا قد جهزوا جزاهم الله خيرا القاعات وقوائم اسماء الطالبات وقوائم التوقيع ،،، قامت مشرفة الكنترول بتقسيم الاعضاء واوكلت لكل عضو مسئولية قاعة معينة طيلة ايام الاختبارات ،،، مهمة العضوة طباعة قائمة الطالبات ،،، وطباعة جدول اختياراتهم وقائمة الملاحظات عليهم و قائمة
التوقيع ،،، تحضر العضوة مبكرا اي قبل الامتحان بساعة على اقل تقدير ،،، تنضم للفريق ،،، و تجهز قوائم التوقيع وتستلم من مشرفة الكنترول اظرف اوراق الاختبار وتوقع على ذلك ،،، ثم تسلم العضوة الظرف للملاحظة وتسلمها أيضاً قائمة التوقيع وتكون متواجده حول القاعة المسئولة عنها في حال احتاج الطالبات او الملاحظات لشيء معين او عند حالات الغش ،،،

هذا ما يحضرني الان ،،، و كما قلت اهم شيء التعاون وتنظيم العمل ،،، بالتوفيق ،،،*

__________________
علمتني الحياة .. أن استمع لكل رأي واحترمه وليس بالضرورة آن اقتنع به ...

اسفة تأخرت ، بسبب الاختبارات .. لكن متابعة معكم و بأسجل النقاط عشان اقترحها بكرة وقت الإجتماع ..
و بكرة أفضى بإذن الله و راجعة أرد ..

بكرة ان شاء الله بأشوف النماذج اللي موجودة عندهم و اللي جهزوها ،
و جداول الاختبارات النهائية المقترح الأخير ..
و اكتب هنا كل الخطوات اللي اتفقنا عليها ،،

و بأعلق عالردود ..

جمانة

ماشاء الله عليك ، يبغالها ورقة و قلم من جد و اسجل كل النقاط .. ^_^