اخوي مراهق ,,,
ما ابغي افاول عليك بس انا بعتبرك مثل اخوي و اكون صريح معاك ...
انت الان تعتقد انك جاهز للزواج و متحمس ، وفي بالك الاشياء الحلوة اللي تصير بين اي زوجين بما فيها الحب و الحنان و الاهتمام و الجنس ... كل شئ ...
لكن الحقيقة تختلف الي حد كبير عن اللي في بالك ... فيه اشياء كثير لازم تعرفها و كيف تتصرف في امور معينة ...
انت اسأل نفسك قبل 5 سنين هل كانت صورة الزواج بالنسبة لك مثل الان ؟؟
بعد 5 سنين راح تتغير فكرة الزواج كثير في بالك ، و بعد 10 سنين بتتغير بعد ...
فانصحك قفل الموضوع و اهتم بنفسك و بدراستك ... وبعد 5 سنين علي الاقل ارجع فكر بالزواج ..
تري احنا اعمارنا في اواخر العشرينات و يالله نتحمل الزواج ..
بعدين حتي لو افترضنا انك جاهز ... تري ممكن البنت ما تكون ناضجة مثلك ... اغلب البنات اللي اعمارهم صغيرة لايعتمد عليهم بعد الزواج ابدا .... حتي لو الحب موجود تري الحب ما يكفي ابدا ...

فوق هذا كله تري مصاريف الزواج جدا مرتفعه ... يعني انت راح تصرف يمكن حدود 200 الف ريال و بعدها لازم يكون دخلك عالي طول عمرك عشان تصرف علي نفسك و زوجتك اكل ، ايجار ، لبس ، سفر ، دراسة ، سيارة ، هدايا ، كماليات و اساسيات ...
خذها مني تري اغلب البنات يهتمون برأي الناس فيهم حتي احيانا اكثر من ازواجهم ، يعني لو صديقتها قالت لها في الاجازة ليه ما تروحون باريس ؟؟ .. راح تجيك ثاني يوم تطفشك تبي تروح باريس ، والسفر الان موضة يعني كل اجازة يلله اقل شئ دبي .. اذا بنت خالة عمت جدتها جابت ولد لازم تشتري هديه لها و هكذا ... و الشغل بالبيت مافيه ، ماراح ترتاح لاتشتغل لك بالبيت ولاتنظف و اذا جاكم ولد لازم شغالة ...هذا اللي صار عندنا بالسعودية الان ... هذا الا من رحم ربي ..

وحط في بالك حتي لو تزوجت و طلقت في المستقبل تري هذا راح يأثر عليك نفسيا بشكل ما تتصوره ، والان كثير من العوائل يرفضون يزوجون بناتهم لمطلقين خوفا من طلاق بنتهم في المستقبل ،، وانت صغير لاتسوي شئ تندم عليه كل حياتك ..

نصيحة راجع نفسك و حكم عقلك زين قبل لاتتهور .. ولاتحكم بعواطفك لان الطرف الاخر هو اللي يحكم بعواطفه لكن انت رجال و لازم تحكم بعقلك ...
والله يكتب اللي فيه الخير ..






نواف

ليش ماجاء ببالك انها وحده من البنات اللي ضجكت عليهم وحابه الان تلعب فيك وبمشاعرك
لا تقولي هذه ملتزمه .... كل شي جايز

بعدين حط في حسابك دامك انك في بلد خليجي مصير البنت محكوووم بقرار اهلها ان شاء الله لو كنتم متفقين وراكبين على بعض الا اذا كنت في بلد اخر

شي اخر االان بنت ال 18 مايخطبها الا واحد يكون مغلق دراسته وعنده وظيفه يعني عمره من 24 وانت طالع
انت لاتعشم نفسك كثير وثق تماما انت تريد وربك كاتب لك نصيب يمكن ماتخذه الا بعد 5 او 6 سنوات فلا تتعب حالكوتجهد نفسك فكر بدراستك اولى هي اللي راح ترف من قدرك لمن تخطب

موفق

والله يا نوآف كلامك مزيج مابين التحطيم والصراحه المؤلمة والتوضيح الي وراه خوف على اخوك
كلامك وآقعي جداً جداً
ماحسبت له حسآب ابد
بس اشوف ان بآقي فيه امل
طيب شف برأيك لو رفضوني بسبب صغر سني
بيقبلوني لو جيتهم اذا كبرت وانا متوظف واموري مستنعه ؟


والله اتمنى اني مادخلت بهالامور كله من البلاك بيري حسبي الله عليه
دراسه وانترنت ووبسطة بلا هالحب والهم الي بيضيع شبابي
بس عندي تفائل شديد اني لو خطبت بعد سنتين بيوافقون
انا بجرب حظي وبحاول ما احط املي كله فيهآ
ان قبلوني الحمدلله
وان رفضوني ماني متزوج غيرها قبل الثلاثين

يآ جماعة اتركونا مو موضوع اني مابقدر اتحمل المسؤوليه
الحين موضوع اني رآاح اتعب معها بعد الزواج غيره وشك وكذآ هل رآح يحصل ؟

طيب أنا أشوف الإخوان كفّو ووفّو

لكن عندي سؤال أعتبره جوهري جدًا .... البنت شفتها ؟؟؟ هل تضمن إنها بنفس المواصفات اللي في بالك ؟

هي...شافتك ؟؟ صحيح ممكن يتكون حب عن طريق البلاك بيري...وهه ممكن نقول حب روحي

لكن التجاذب الجسدي مطلوب وأنا أختك


أنتظر ردك لأقول لك أشياء أخرى

__________________
إن كان في العمر بقية مما مضى * * فالعيش في صدق هو أول الآمال.

لا ماعمري شفتها
بس بحسب كلامها عن نفسها وووزنها وطولها تخيلت صورتها برآسي
بيوم حلمت فيهآ وهي نايمه جنب امي في الصاله شفت وجهها بس مادري اذا هي ولا لا
المهم من كثر ما تتكلم عن وزنها وطولها صارت عندي صورة في راسي لها
والوجه ماهمني كثر ماهمتني اخلاقها الحلوة وتدينها
والجسم هي اقصر مني بحدود 30 سم يمكن اكثر بس عادي

الشيطان حريص ولن يترك مجال لاتتعلم بالطريقه الصعبه اسمع من تجارب الاخرين
شاات الاقدار ان اتعرف عل فتاه وانا في سن زواج وموظف ومو ناقصني شي وحصل التوافق والتناغم وخطبتها من بيت اهلها ورحبو فيني اخوانها وكان لدي تفاول كبير بالقبول لكن تجري الرياح بما لاتشتهي سار الرفض وتعبت تعب شديد وندمت اني تعرفت عليها وتعلقت فيها ولا ماعلمت انه ممكن مايسير نصيب وتعلمت بالطريقه الصعبه انه مافي اجمل انك تخطب البنت وانت ماتعرف عنها ولا شي حتا اردا ماسار النصيب سارت الامور بشكل طبيعي

اتمنا لك التوفيق

ماشاء الله عليك يا اخي
احترامي لشخصك

طيب خلينا نحسبها صح وانسى موضوع مراهقة وغيره
والله انا مع الزواج للمبكر للشاب حتى يجد من تعفه ويعفها
وبالأخص الفتاة اللي تخاف الله
شوف يا اخي انا اقترح عليك طالما اعجبت بها وتركت الشر لوجه الله عشان يعوضك بالخير
لازم الان تسعى
اول شي
اسأل عنهم وعن بيتهم واهلهم وعن البيت زين
تقدم لخطبتها رسمي
واول ماتجهز امورك تزوجها والله يوفقك
هذا رأيي
لأني ضد الانشغال بالدنيا وفي الاخر يختار اي فتاة يفرضها عليه المجتمع ولم يختارها هو بنفسه
ومن بعدها حياة تعيسة ومشاكل او انفصال لاسمح الله

لكن قبل كل شي
بما انك عشت تجارب وصرت تعرف تفكير البيئة هذه
اذا كنت ممن يوسوس له الشيطان بالشك
فأنصحك تبعد عنها عشان انت كذا بتخرب على بنت الناس
لكن اذا فعلا مقتنع فيها فأدعو الله لكم التوفيق

والله احترت امشي مع مين
الاول كلامه عن تجربه وعجبني وفيه تقريباً خط توضيحي عن الطريق الي بأمشي فيه : (
ودامه يوجع مابي امشي فيه
بس الي تحت تقول عكس كلامك تقريباً

والله حيره : (

يآ حنون ممكن انك مشيت معها بدون ماتتركها لوجه الله فقدر الله لك الرفض حتى مايخرب زواجكم وتتطلقون
انا غير انا تركتها
تقريباً انا كأني كنت في فترة خطوبه معها
ثم تركتها
يآ ارجع ولا اروح
لو بروح مابي اخليها كذا لانها بترفض الخطاب وترفض وترفض وتنتظرني وانا سآحب عليهآ !!

بس دنيا كلامها مقنع و وآقعي اميل له اكثر
اخاف امشي على كلامها ويصير لي الي صآر لحنون :"(
دنيا انا ماني من النوع الي يشك انا الحيآة عندي ماخذهآ بركآده وهداوه وحسن ظن مريح مخي من كل شي ينرفز
اي شي ينرفز ابعد عنه
اتوقع مآ رآح اشك فيهآآ لاني بيتوتي درجة اولى
وبعد الزواج بكون معها دايم وبحسسها بقربي واعطف عليها كما لو انها انا او اكثر
ما بخليها تحتاج غيري
ولو شكت فيني بسدح لها كل شي تشك فيه
شكت بجوالي فتحت لها خذي هاه سوي الي تبين
تشك اني اطلع بجيب له برنامج يوضح الخط من الدوام للبيت وويني انا عنه
يعني زي كذآ بخليهآ دايم متطمنه ما بسمح للشك يدخل الحيآة ابد 3>

لاهنتم احد يرسيني مابين جنون ودنيا : (