السلام عليكم احبتي اهل المنتدى الراقي الي يجمع ناس اتعلم منهم بكل ثانية

يشهد الله اني احبكم في الله

انا بخير ولله الحمد والمنة

لكن في مشكلة بسيطة واحيانا تكبر باعماقي اهل زوجي مايعزموني حمواتي وخواته وخاصا انا بمنطقة مع زوجي واهله واهلي بمنطقة ثانية

هما يجون عادي بعيالهم ماشاء الله بس انا لحالي ولا عندي عيال ونفسي يعزموني ولو على قهوة بس اغير جدران بيتي ببيت اخر

تكلمت مع زوجي كثير بهالموضوع بس يسكت وقلت له بصراحه ماصرت افرح لجيتهم عندي لانهم مايجاملوني

وانا مابي اروح عندهم عشا ولا غذا ولا ابيهم يتكلفون بس مجرد انهم يحطوني بقائمتهم

انا اهلي لو مايعتنون بزوجي ورب الكعبة ازعل عليهم اذا رحت اقعد اوصي امي وكل اهلي يعتنون بزوجي حتى جدتي الكبيرة بالسن تعتني فيه وتعزمه

ام زوجي على راسي والله هي ماعندها بيت خاص ساكنة مع اولادها بس ماتقصر معي الله يطول بعمرها وتفكر فيني

بس حمواتي وخواته مافي تعالي ولو بمزحة

المهم خلاص حطيت زوجي وامه في اول قائمتي وقلت خلاص ماعلي من احد اهم شي زوجي وامه وهما بكيفهم

الحين احنا من شهر ونص مسوين برنامج نسافر على احدى الدول العربية ومنطقة ساحلية ومنظر يجنن وقلنا نسافر قبل رمضان نستغل اخر الصيف وخاصا ان العزومة من عند اهلي

لمن جت اخته وزوجها قال وشرايك ناجلها قلت لا اصلا باقي على رحلتنا عشر ايام يعني يكفي هالوقت تجلس معهم ونسافر واخوانك الثانين مايقصرون

يعني لو احد منهم مسوي برنامج بيقعد عشانا

والصراحى غضب قالي طيب روحي انتي مع اهلك

قلت طيب وش الفاييدة انا ابغاك انت معي يعني استمتع لحالي والله احس مالها طعم بدونه

رجعت عصبت على روحي لحال قال خلاص خلاص يصير خير ان شاء الله

صراحة مدري كيف اضبط نفسي عند هالمواقف وخاصا ان هما مايجاملوني حسيت صعبة نؤجل سفرتنا عشانهم ومابقى على رمضان شى وهما ماراح يسافرون الا اذا قرب رمضان

احس مضايقة لاني ماصدق نجيني فرصة سفر اغير جو فيها وخاصا انه ماروح لاحد ولا لي علاقات كثيرة

وبعد تحز بخاطري ان زوجي ماينبه اهله لهالناحية انهم يهتموا فيني وكل ماكلمته يسكت

والله انه ادنى شى لا رجنا لاهلي ولمجرد احسهم قصروا بشي ازعل لانه بالنسبة لي ااهتمامهم بزوجي من اهتمامهم فيني لدرجة ان امي صارت تحسب حساب لجيتي معه وتضبط لي كل شيء الله يحفظها لي

ابغى مشروتكم كيف اتعامل مع الوضع ياهل الخبرة

زوجي مايقصر مع ادنى واحد من اهله وهذا شي جيد بس ماهو على حساب سفرتنا هما جايين يغيرون جو واحنا بعد نبي نغير جو واحس زوجي يزعل لا قلت له هالكلام وفي نفس الوقت مابغى اضغط على نفسي

والله احدى خواته نقلت شقة جديدة من شهور لحد الحين ماشفت شقتها

رمضان العام اخو زوجي عزم زوجي وحماتي ماقدرت تقولي تعالي افطري معنا فطرت لحالي وزوجي عندهم
وشهرت عليه قلت كيف تروح تفطر وماعزموني ويشهد الله اني ماقصرت معهم بشي
بس قلت مع نفسي خلاص براحتهم فصرت اتضايق لا جوني وانا ماروح لاحد هل الشي هذا من حقي والا مو من حقي اتكلم

وهل مو المفروض زوجي يزعل علي ويعملي قدر عندهم

من جد مضايقة من هالناحية

وخاصا الحين نبي نسافر واحس زوجي مجبور يجلس عشانهم

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...