من الامس حصل بيني وبين زوجي نقاش كبير
يريد مني ارتداء حجاب اكثر من الواجب
يريد ان يضيق علي لاااعلم هل يريد مني ان اطلب الطلاق او ماذا يريد بالضبط
اعلم ومتاكده انه مازال يخون
الضمير ميت منذ زمن والخوف من الله لايمتلكه

للاسف اصريت على حجابي ورفضت اوافق على مايريد لاني متاكده حجابي مافي اي غلط

والبارح للاسف كنت من قبل مجهزه حجز بفندق لااجل العشاء والاسترخاء انا وزوجي وطفلي
ولم استطع الغاءه لانه محجوز من كم يوم حبيت اسوي منه انسان
البارح واحنا رايحين طلبت منه نشتري وجيه فواكه للبيبي لانه يحبها كثيرا
قال اوك بانزلك واشتري بفلوسك
انا عادي باشتري مليون حبه منها بس قهرني بكلامه عشان شاف معاي كم قرش وهذا وهو مايعطيني مصروف ولا عندي دخل
للعلم لست موظفه ولكن اهلي الله يخليهم مايقصروا معايه
وطول مو حنا بالفندق عيونه لاصقه بالحريم ولا عبرني
اسال الله في هذه الساعه يحرمه منها ويحرمه متعة النظر هو كل خاين
وهو للاسف مايعطيني مصروف
كلام الحب عنده مافيه احساس حلو فقر
جاف
صحراوي
مايعطيني مصروف
يلعني ويسبني
سبق ولعن والدتي
لايستقبل اهلي
ولا يهتم لهم
مايهم الا الدنيا فقط
وزملائه
اصبحت احتقره واخاف من مستقبلي
اصبحت افكر بامر الطلاق فعليا
هل الجاء لغيره حتى يشبعني عاطفيا وماديا ؟؟؟؟؟؟؟؟؟؟؟؟؟؟
ماذا يريد مني
والليله ايضا يحاول يضيق علي
رجع من سهرته وانا بكامل كشختي وعطري واستقبلته عند الباب وحضنته بس مايستاهل
خاين
جلس يغلط علي ويلعني ويسبني
استغنى بالحرام عن الحلال وحلل الحرام وحرم الحلال

حسبي الله ونعم الوكيل

البسي الحجاب اللي قاله زوجك مافيه شي اسمه حجاب اكثر من اللازم
حتى لو طلب تلبسين قفازات و عباية راس واسعه المفروض من نفسك قبل يطلب
الحجاب اللي على الغالبية بالسوق ماهو حجاب
خليك بكامل حشمتك وشوفي كيف تكبرين بعينه ويستحي منك
ماله داعي تسوينها قضية صراحة .. كان قلتي حاضر و لطفتي الأجواء
احرجيه باخلاقك وحشمتك وقربك من الله لابد يتأثر منك

ياعزيزتي انا مو محتاجه منه تنبيه على امر حجابي
وانا البس مااشوف انه صح حسب الشرع
متربيه ببيت اهلي على الطاعه والتقوى من قبل ادخل بيته الي كله فجور ومعاصي

توقعت هذا الرد
اولا العباءة لازم تستر جميع البدن بما فيها القدمين العيةن الساعد اليد
انتي تعاملينه باستعلاء صحيح عنده مشكلة ..لكن اذا نصحك بامر طيب مثل كذا نفذيه ..هو يشوفه صح وانتي أكيد شتمتيه وحسستيه بالنقص فطبيعي يرد عليك
وانتي ماتبغين الطلاق ... ايش بيضرك لو سويتي مثل ماقال ؟؟؟؟؟تبين الصراحة اسلوبك معاها ماش وملاحق وحالة
قوي الجانب الديني عنده قصي له قصص دينيه من غير ماتتقصدينه فيها خلوا لكم عمل تطوعي تشتركون فيه صدقات مساعدة الارامل والايتام هيئي له جو الصيام صومي قدامه طبعا باذنه والله يفرج همكم
بعدين الدين النصيحة... ماحب الشخص اللي يقول انا متربي ولا احتاج النصيحة .. بعدين عندي فضول صراحةكيف عباتك برا كتف و لا راس as

اختي اتمنى ماتتركين الاصل وتذهبين للفرع
انا اتكلم انه زوجي خاين ويحلل الحرام لنفسه
الاحترام مفقود تماما
مايصلي جماعه الا الجمعه واغلب صلواته تاخير
مايحترم اهلي اطلاقا
عيونه تلاحق الحريم انا احط نفسي مكان الحريم واقول لو رجال يناظرني اكيد راح اتضايق وراح اسبه
هو عارف ويعلم مية بالمية انه ماعلي ولا ملاحظه
لدرجة يعايرني بزواج ابوي من غير امي وللاسف كان قبل زواجنا ب11 سنه والزواج الاخر قبل زواجنا بست سنوات
يعايرني باخواني
تتوقعين و المعايره
ان اخوي ضابط وماسك حد كامل من حدود السعوديه وماسك مركزين مو مركز واحد
بالله هل هذا شي يعايرني فيه ؟
يعايرني ان اخوي محامي بالله هل هذا شي يعايرني فيه ؟
يعايرني بتفوق اخوي وذكاء اخوي ؟
يعني ماحصل شي علي
اختي اتمنى لما تحبين تنصحين تقدرين الوضع الي انا فيه

لا حول ولا قوة الا بالله ،، ما ادري ايش اقولك اختي ملكه
الخيانه إذا جرت بدم الرجال خلاص يغرق في هالمستنقع
وصعب يطلع منه الا برحمه من ربي ،، بصراحه ما الومك
لأني جربت وعشت وضع يشبه وضعك مع زوجي ،،
أدعي يا أختي ان ربي يبعده عن الحرام وأستودعيه الله
كل وقت ،، حاولي ما تبيني له انك دايما تراقبيه لأنه الرجال
بطبعه يمل واذا واجهتيه بكل شيء خلاص ماعاد يهتم
وبيخلي الوضع عادي ومايسوي اعتبار لمشاعرك ،، ارسلي له
شغلات حلوه ب الواتس عن اللي يلجأ للحرام وعنده حلال وان
اللي يستمر بهالطريق وهو يدرك عقوبة هالشي مارح يتوفق بحياته
ومن هالكلام ،، رغم انه الخيانه بالذات إذا الزوج ماكان عنده قناعه داخليه
انه يترك هالطريق من نفسه مارح يتركه لو اتجمعت عليه أمة لا إله الا الله ،،
بس أنتي جربي لعل وعسى يتأثر بشي ،، واحتسبي أجر صبرك
عند رب العالمين ،،

أسأل الله العلي العظيم انه يهدي لك زوجك ويجعل فيه الخير
والصلاح ويسخر لك قلبه وجميع جوارحه ياحي ياقيوم ،،

الله يسعدك زي ماسعدتيني بردك ودعواتك الحلوه
والله ماخليت شي الاعملته مع زوجي
بس
يشوف الاشياء الكويسه حرام علينا ويشوف الفرح حرام علينا والحزن لنا لباس
الله يبعد عنا كل مايضايقنا

أسأل الله العظيم رب العرش العظيم
أن يفرج كربك ويزيل همك ويرزقك الفردوس ويقر عينيك بما يرضيك

الله يجزاك خير ويصلح حالك وبريح بالك
ولك بمثل هذا الدعاء

طيب أختي هو ماهي مآخذه عليك
مأهولة النقاش الذي يستدعي ان يسبك ًيشتمك؟
كيف يتصاعد الحوار بينكما لهذا

__________________