انا معاك بان المسؤوليه احلى لمن تكون عليا باني اقدر اعلمها وافهمها احسن من انها تكون متعلمه حاجه وتنصدم بواقع مغاير ولكن المساله انا ادرس بكندا والحمل علي كبير بهتم بمذاكرتي بصحتي بدوامي وبشغلات كثير,,,البنت ماني فاهمها بحكم علاقتنا البسيطه وبحكم اختلاف الجنسين و اختلاف طرق التفكير وهذي سنة الله,,,ولكن ماني قادر اعرف عنها شي,,,كل الاشياء اللي بعرفها مجرد دراسه خاصه فيني لمن بكون معاها بحكم اني دارس علم نفس فاستنتجها من تصرفاتها,,,احيانا بتتكلم بكل اريحيه وبتضحك مع نوع من الحياء واختلاس النظر من تاره لاخرى متعوب عليها الكلمه دي ما ادري من فين صرفتها هههههههه,,,بس جد المساله مجرد احساس بالشخص الاخر ,,,انا احاول اني افهمها بس ضايييع معاها,,, المقصد اني ما اعرف هل هي من البنات اللي بتحب انه زوجها يسال عنها و يكلمها يوميا او من نوعية البنات اللي بتحب يكون الاتصال مره بالاسبوع والباقي يكون ع الواتس,,, هيا بتحب اني ادلعها وتنبسط لمن اغار بس تحب انه الاهتمام يكون دائما مسلط عليها وانه اعطيها كل الاهتمام اللي هي كانت فاقدته بس بنفس الوقت انا برضوا محتاج للاهتمام والدلع والغزل والشغلات ذي,,,ولا ما عندنا احساس يعني؟hh

يعطيكم العافيه ع المرور و بكذا حلينا وحده من المشاكل

ههههههههههههههه الله يسعدك,,,,انا ما قلت باني فاهم كل حاجه بالحياه بحكم اني اكبر منها ممكن هيا بتكون فاهمه شغلات انا ما اعرفها و احنا كل يوم نتعلم في الدنيا لين نموت ومافي انسان نقول عليه فاهم وكامل غير وجهه سبحانه,,,ولكن المساله مسالة مسؤوليه ومسالة واقع,,,الحياه ماهي مفروشه بالورود والمال والذهب وكل شي جميل,,,الدنيا دواره والواحد ما يعرف ايش ممكن يصير في المستقبل,,,انا متحمل مسؤوليه بيت من عمري 14 سنه وطلعت لكندا وانا عمري 18 ومابفهم شي بالحياه ومافي احد فهمني اي حاجه,,,بس عادي تعلمت وفهمت وصرت اعرف اطبخ وانظف واكنس واغسل واهتم بنفسي وباللي حولي ومن غير مساعده فمن الصعب اني اجيب انسانه تقعد معايا ما بتعرف شي وكل تفكيرها يكون بالنوم او الجنس او الاسواق هذي مجرد اجزاء من الزواج ولكن فيه اشياء في نظري اهم من الشغلات ذي ولكن المساله انا ما الومها انا الوم اهلها و ع اسلوبهم الخاطئ,,,تحياتي

اخت ايمان: انا درست علم نفس لمدة سنتين ومتابع جيد للدكتور طارق الحبيب بالاضافه للعديد من المشايخ اللي يتحدثوا عن العلاقات الزوجيه من الناحيه الدينيه وبقرا كتب ولكن المساله انه البنت متقلبه المزاج,,,انا بعرف انه البنات بيكون عندهم عذر شرعي اسبوع في الشهر كاقصى حد اما انو يكون الشخص متقلب المزاج طول الشهر فمعناته ان فيه مشكله,,,كلنا فينا عيوب وفينا اخطاء وبنتنرفز وبنزعل و بنتنكد بس برضوا بنضحك وبننبسط ونفل وبالعاده بيجيني يوم في الاسبوع بتجنب الناس وبحاول ارتاح من المشاغل وبحاول اني اتكلم مع انسان عشان انسى تعب اسبوع كامل ولكن اذا ماكان هذا الشخص زوجتي,,,فمن الصعب اني افضفص لانسان غريب

انا صابر ماعندي مشكله وعندي امل انها حتتغير بس محتاج شغل كثيييييير ووقت,,,انا ما ابغى اضغط عليها من بدري بس بنفس الوقت ما ابغاها تتعلم متاخر وتكرهني بعد الزواج,,,ما ابغاها بيوم تجي تقولي انت كنت مسؤول عني بس ما علمتني حاجه وماقلتلي ايش راح اواجه في حياتي,,,ما ابغى اخسر ثقتها ونبدا مشاكل ويقل الود والاحترام بيننا هذا مقصدي في الموضوع

اللي يلزمها انها تطور شخصيتها و تكون لك سند

المعنى انك لو كلمتها تتقبل الكلام و ما تحس انك عدواني اتجاهها

كيف عاد ؟؟؟ انتو الاحساس كله واخرتها بتنعدي منك وتصير مثلك ... انت بس ما تيأس وبتلاقيها أخذت من أطباعك ومن طريقة معاملتك لها بتصير تعاملك بنفس الطريقة

ترى موضوع تعليمها ما راح ياخذ من وقتك كثير لأنك عارف الكتب المطلوبة ومحاضرات البرفيسور طارق ....
كلها مكالمة لأختك أو أخو العروس وتعطيه أسماء الكتب وبيشتريهم لها
وبهذي الكتب بتشغلها عنك شوي اضافة لتثقيفها ...
وانت بكل الأحوال تكلمها تليفون فحلو يكون جزء من المكالمة عن هذي الكتب ومحتواها .

__________________

الأنثى خلقت من ضلع الرجل ليحتويها
احتويها واكرمها وستكون لك بإذن الله كما تريد
الله يوفقكم ويجعل حياتكم كلها سعادة ورضا

ما دام انك تزوجت فتاة بعمر 17 يعني ما زالت طفلة اكثر من كونها ربة بيت

يعني ذلك أنك ما عندك مشكلة في الصبر عليها وعدم الأنتظار منها كل ما يحلو لك

من فتاة ناضجة تمام النضج , بالذات اذا كانت الفتاة في بيت اهلها لم تتعلم المسئولية

وهذا كثير من البيوت حاليا دلع من غير سنع , والكثير من الشباب أسمعهم يشتكون

ويعانون أشد المعاناة وهم جزء من المشكلة فهم من اختار الفتاة ولم يختار البيت أولا