كل الايام تزعل او قبل الدورة واثنائها؟!
ترى المرأة بهالاوقات نفسيتها تتغير مو الكل لكن الاغلب
جرب تسوي نفسك انت زعلان شف وش بتسوي لك ؟!

هذا أكثر شي يتعبني صراحة أوصل من الدوام تعبان أحصلها مكشرة أبغها تضحك تمزح تسولف و هي لا أي شي...

و لا أذا سكتت تسأل ليش شنو فيك ساكت اليوم تكلم !!!


والله ما زعلتها بشي والله بس كذا طبعها !!! بدون أي سبب مرات اشك أنها من النوع اللي يحس و يتوقع أن كل الناس ضده و أنها مظلومة وووو من هالدرامة...

ظروف قاسية معاي عايشه حياة تتمنها أي بنت (لا تقولين تمدح نفسك ما أحد يعرفني هنا و لا ابغى أعرف أحد ابغى حل لمشكلتي فقط لا غير) احترام و تقدير و كل شي تتمناه عندها و اسال دايم اذا محتاجه شي اقدر اهلها و احترمهم و كل ما ازورهم يدي مليانه اغراض... كل شي تمام و ممتاز بأعترافها هي مو أنا....

حالتها قبل الزواج مصدعه راسي من كثر ما تمدح حياتها قبل الزاوج !!!

حياك الله أختي,,,

وقت الدورة اعذرها و عادي لو تزعل اتفهم الوضع !!!

لا حتى الايام العادية و لما صرت اطنش على طول جت تشتكي من اهمالي و تغييري عن قبل ؟؟؟

اذا سويت نفسي زعلان تنجن ليش شنو فيك وووووووووووو لين اتكلم و اقول ما فيه شي و ما تصدق و تبكي و حالتها من الله حاله !!!

الظاهر دلعتها أكثر من اللازم !!!

صارحها ان طريقتها ممله وغثيثه ومنفره

فيه ناس كذا لا يعرفون يبتسمون ولا يعرفون يقولون كلمة حلوة يمكن زوجتك من هالعينة .. سبحان ذولا الناس لو شفت ابتسامتهم تستغرب تقعد تسأل نفسك الشمس من وين طالعة اليوم 😅😅

عموما .. المثل يقول اللي يزعل من كيفه .. كيفه يراضيه 😅😅

الحل / ط ن ش ه ا

__________________
فقدتك يا بعد عمري وحبي وأطهر أشواقي، فقدت أيام ما ترجع فقدت البيت واللمة، رحلتي بالفرح كله وبعدك مابقى باقي، وتركتي وحشة الذكرى تجر الروح يا يمه، يا أغلى قلب ودعني ومثله صعب أنا ألاقي، يا أروع من عن الدنيا رحل وأطهر ثرى ضمه ..💔

طيب أنا أعطيها كل الاهتمام.... الا اذا الاخت تبغى أنه ما أكلم أي أحد بالدنيا غيرها هذه مشكلة !!!
مع أن أغلب وقتي معها أيام الاسبوع من بعد الدوام كلها لها و ايضاً بالويكند لها يوم كامل !!!

ما فيه أهتمام أكثر من كذا...

شكلها المصارحة جاية بالطريق....

فعلاً قليل ما تبتسم من قلب و حتى لو ابتسمت دقايق و لازم تخربها و تغير وجها !!!

أنا بصراحة الان بديت أنفر منها يعني أيام الاسبوع حتى لو كنت جاي تعبان من الدوام أحاول أحصل شغل او أقابل أحد علشان ما اجلس بالنكد معها !!!

و على نفسها جنت براقش...

مرحباً أخي

خليك واضح وصريح... وقول لها بصوت هادي وبهدوء ... أنا ما أحب الزعل والنكد والتكشير في كل وقت وكل يوم
وخصوصاً إني اسألك يمكن فيه شئ مزعلك أو مضايقك سواء مني أو غيري... وتقولي مافي شئ... طيب إلى متى سنبقى على الحالة هذه... أنا ما أصدق أرجع البيت عشان أرتاح وأنبسط... مو ألاقيك زعلانه وينقلب البيت كله نكد... ترى الناس مايحبوا كده ويضايقوا من إللي هذا طبعهم وأسلوبهم ... خليك مرحة وأبسطي نفسك وفرحي إللي حولينك وخلي حياتنا حلوة في كل وقت ... وأنا حاس بيك وما أحب أزعلك... بس الشئ إذا زاد مو حلو... ولو حاولت تناقشك وتبرر لنفسها... فقدر حجم كلامها... فإذا كانت تواجه مشكلة حقيقية فحاول أن تحلها... وإذا كانت مبرراتها غير مقنعة وماهي عارفه إيش تقول... فلا ترد عليها بكلام كثير... قول... أنا قلت إللي عندي وبس


وبعد فترة... حاول تلطف الجو وكأنه ماصار شئ وأعزمها على مطعم وأشتري لها وأنت راجع شئ تحبه مثل آيس كريم أو شوكلاته



أعانك الله

(لازم تعرف طبيعه المرأه )
هي محتاجه منك شي وتتمنى اشياء تحققها في بالها بس تبيك تفهمها وهي طايره !!!
كيف ؟!
_ يمكن زعلت من موقف انت عملته دون قصد <<هنا زعلت وسكتت ومدت بوزها حتى انت تفهم بأن هذا الموقف زعلها .
او
_ يمكن رفضت لها طلب << كمان زعلت والتزمت الصمت
..... والامثله كثيره ........

وبما انك سئلتها ايش مزعلها ؟! وردت عليك ب ولاشي خايفه تتكلم وتخبرك بالاشياء الي مضايقتها ،
وانتو لسى اول سنه زواج وكل شخص فيكم مو فاهم طبيعة الاخر مع مرور الوقت تفهمو بعض وان شاء الله تفتح لك قلبها وتخبرك بالاشياء الي تضايقها .

__________________

ما اتوقع ان هذي شخصيتها او اسلوبها على طول...
ما انفي ان فيه ناس يحبون لفت الانتباه ...بس مو لهاالدرجه
اعتقد ان المشكله في طريقه التواصل بينكم
اطلع على كتاب لغات الحب الخمس ... لعل وعسى..
والله يوفقكم

طيب أذا حصل و أني زعلتها مرة أو مرتين عادي اتحمل بس الموضوع لا مرة و لا مرتين و لا عشرة يعني مو معقل كل يومين أنا مزعلها و أنا ما دريت...

قلت لك مو مقصر معها بأي شي كل شي موفر لها و لو تبغى شي و تكلمت عادي ما عندي مانع و دائم اسالها اذا محتاجه شي و تقول لا ؟؟

أنا ما أعلم الغيب و على قولتك افهمها على الطاير اذا هي حتى تلميح ما تلمح بس تمد البوز و تسكت و لا أي كلمة و أذا كلمتها ترد ب (ايه و لا) فقط لا غير !!!


الله يعطيك العافية...

كل شي ممكن,,,

شكلها مزاجيه

وحاسه بفراغ أو تعبت من شغل البيت و ملت من الروتين

أنا مريت بهذا شي بالبدايه ثاني شهر من زواجي بس ما كنت أبين

أبتسم وأسلوف لأنه عصبي شوي بس غثيته من ناحية التوصيل لأهلي


أجلس معها جلسة مصارحه وأعرف منها السبب إلي يخليها تتصرف بهذي الطريقه

حاول تطلعها كل ثلاث أيام و يوم يكون الغدا برا لما تطلع من الدوام تكون هي جهزت نفسها

بتروق شوي وبتتغير أصبر عليها الوضع جديد عليها وما كملتو سنه