مااعرف ليش احس
انه الحل

بيد زوجي

لو كلمها و عرف كيف يقنعها انه هو مرتااح معااي و عطاها كلمتين حلوات و مدح فيني واني ماتكلم عشان لاتصير مشاكل .. .بينحل الوضع بشكل سلس .

السلام عليكم ورحمة الله وبركاته..

مساء النور يالأميرة الأمورة ..

1/عشان ترتاحي لاتستفسري عن سبب تصرفاتها شو ما كانت..

2/ اتقبليها كما هي بأسلوبها بكل شيء..

3/ لا تتحدثي مع زوجك عن أمه أبدا لأنه لو فتح حيجلب لك مشاكل أخرى..

الله يرقق قلبها عليك وادعي يالأميرة..

انت تعرفينها اكثر مننا
و اذا تحسينها طيبة بس شايله عليك عادي كلميها و طيبي خاطرها
بالكلمة الحلوة تملكين القلوب
خاصة انك تقولين القلوب مليانه
لا تدخلين زوجك لانها زعلانة ممكن تتكلم عنك بشي مو كويس

__________________
ي رب رضاك و الجنة

طيب اللي اعرفه انك ساكنه معهم بنفس البيت ..
ممكن تقللي اختلاط معهم .. يعني بس ربع ساعه قهوة وكلام عااادي ...
بعدها ادخلي غرفتك ..

هل انت ساكنه معهم بالغرف ولا بسكن ملحق ؟
لان الملحق يعطيك بعد قليلا .. وحتى ان كان بحجم غرفه ..المهم انك بعيده عنهم في البيت

ولا تدخلي زوجك يخبرها بما ذكرت لانه هذا الشي راح يغيظها اكثر ..وتفهمه انك قالبه عليها ابنها

أذن من طين
و أذن من عجين

طالما ما قصرتي انت و عارفة نفسك
خلاص لا تهتمي

مشكلتك مع زوجك .. هي مالها دخل فيه

انتي كتبتي الموضوع لأنك حاسة ان في شي غلط بعلاقتك مع أم زوجك ..
ياأختي كما تدين تدان ...حاولي ان تضعي نفسك مكانها ..اتخيلي ابنك حبيبك يتزوج وزوجته
تكون ساكنه معاك وتاكل وياكم ولكنها مبوزه وماتتكلم ورسمية هل هذا الشي يزعلك ولا لا..
طيب اتخيلي زوجة أخيك اتعامل أمك نفس تعاملك مع أم زوجك ..ساكنه معاكم ولا تتكلم مع أمك ولاتعطيها وجه بالله مو شي يحز في الخاطر؟!
ياحبيبتي الكبار في السن تقدري تكسبيهم باللسان الحلو والتعامل الطيب ..يكفي ان ديننا أمرنا باحترام الكبير وانتي ايضا ماشاءالله تعملي في تحفيظ القرآن واكيد مرت عليك الآيه (ادْفَعْ بِالَّتِي هِيَ أَحْسَنُ فَإِذَا الَّذِي بَيْنَكَ وَبَيْنَهُ عَدَاوَةٌ كَأَنَّهُ وَلِيٌّ حَمِيمٌ) ماانصحك تقاطعيها ولا تكلمي زوجك عنها بالعكس تعاملي معها بالطيب وتعاملي معها بأصلك
لوجه الله أولاً ...وثانياً صدقيني الزوج يحب يشوف زوجته تتعامل بالطيب مع أمه وابوه وهذا الشيء يزيد قدر زوجته عنده كثير ..
الله يوفقك..ويسهل امرك..