ما راح اكون مثالية واقول لج هذيل احباب الله
ووووو إلخ .. كله كلام مأكول خيره ونعرفه وشبعانين منه وكتبنا عنه وايد في حصة اللغة العربية في حصص التعبير...

بس مع ذلك كلمة كره وايد عوده على ياهل
خل نقول ما تستلطفينها...
بصراحة ؟ معاج حق ما تستلطفينها
فيه ناس عبالهم ان قلة الادب لما تصدر من عيالهم يعني ظرافه ..
آنه احب اليهال وايد .. لكن ما اتحمل قليل الادب اللي يمد يده او يتعبث بأغراضي
ويزيد عدم استلطافي للطفل بسبب سكوت اهله عنه...

صادفني موقف .. كنت في المسجد
وكان فيه محاضرة..
كانت فيه وحده وعيالها جنبي..
الصغير اسم الله عليه شاق القاع .. يتنطط وراي و جدامي .. ظهري الله وكيلج راح وطي..
بعدين قعد .. وظل يصارخ .. يصارخ .. يصارخ
يمكن عمره جذي 3 سنين
بعدها شفت عنده اكل .. طبعا ياكل ويمسح يده في عبايتي الله وكيلج صرت له كلينكس " مناديل "
وين أمه ؟ أمه جنبه بكل روقان تقول له : واااي حمودي حبيبي اقعد .. عيب ..
لو بكيفي ؟ خذيت حمودي و ام حمودي طقيتهم طق سنة بساعة ..

الاطفال ب ايدنا نمسكهم اذا اعرف ولدي حركي ومؤذي امسكه بحضني .. اكفخه على ايده .. مو نقعد نناظره ببرود ...
عيالكم يمونون عليكم .. خو الناس مو مجبورين يتحملونهم .. عاد يايج ارمضان والله يعينا على هالعينات في المسجد

😆 يختي قلبييييي متروووووسه

المهم .. بخصوص مشاعرج احس ان مو بايدج تغيرينها
المهم ان عامليها بلطف ..
ولما تزودها لا تسمحين لها تتمادى

__________________

حاجة الناس إليكم من نعم الله عليكم ، فـ لا تملوا النِعم ☁✨

ههههههه ، اي والله بعض الأطفال تقولي شياطين مصغره ، يعني تتعوذي منهم بعض الأحيان ، اذا قلت لك عن عيال اخي ما شاء الله عليهم ، جد جد ودي أتخلص منهم ، ودي يعني يختفون ههههه ، من فتره كان احدهم يملى فمه ماء و يجي عندنا ويكبه من فمه ، ويرجع يملى فمه ماء ويكبه عندنا ، ما كان بيدي الا اني اتعوذ منه ، الا ان تزحلق بالماء اللي يكبكبه هههه ،

9 سنين حرام عليك
مدري وش اقول. تخيلي لو بنتك كذا فيه شخص مايدانيها ويكرهها ؟ وش الشعور
عموما لاتحتكين فيها خليك رسمية

الحل تقليل مدة بقاءكما معا ... ان طلبوا اهلها تعتني فيها قولي مشغولة وعندي التزام معين او تعذري بطفللك ..

البنت ناقصها شي معين او تتعرض لشي معين بالتالي قاعدة تصير متنمرة عليك .. المشكلة الحل بيد اهلها وللاسف هم حاسين وعارفين ان فيه شي غلط ولكن لاحياة لمن تنادي .... الله يعينك فغلا فيه اطفال يكونون ثقال رغم انهم اطفال ! ومحد يستلطفهم حتى من هم بسنهم وتكون وحيدة المسكينة وهي مو عارفة السبب ويكتشف بالنهايو ان والديها هم من تسببا بكل هالحياة الاجتماعية الغلط !

بالنسبة لي اذا حصل هاذي التصرفات حتى من ابناء اخواتي مباشرة ارفض ، ابين لهم الصح من الخطأ امام اهاليهم ، اخبر اهاليهم وان لم يعجبهم ! واعيد تحويل تركيزهم في العاب معينة او اخترع لهم لعبة او هواية يستمتعوا فيها تيغصوا بصر عن اغراضي ههههههههه ..

مااستطعتي تحببيها فيك عادي وقفيها عند حدها بحيث ما تتعدى ع شي يخصك


هي أكيد مدلعه وتبغى الكل يعاملها زي أبوها وأمها لكن انتبهي لا تشعريها بكرهك خاصه لو كنتي عمه أو خاله لها

اتذكر مره عمتي قالت لي وانا في سن 10 يوه أكره هالبنت 😭😭والله مانسيت كلمتها وتمردت عليها أكثر
ماأعتقد كنت دلوعه لكن كان عندي ثقه بنفسي إنه ماأحد له شغل فيني أسوي الي أبغى وأمي كانت تخاصمني لكن ماكنت أهابها ...

أحب عمتي الآن لكن لما أشوف شقاوة أحفادها وزي العسل ع قلبها 😂😂أتذكر كيف كانت تعاملني وأنا صغيره صح ماتضربني لكن نظراتها ونفورها مني كان واضح

ع فكره أنا الوحيده من بنات أخوها الي ساكنه الان بعد زواجي عندها أجيها بأكل اذا مرضت وأسليها اذا راح زوجها 😬 واعتقد إنها تحبني دحين😅

مو كره بقد ماهو انزعاج..

عادي طبيعي تنزعجين

لكن لاتنسين انها طفلة

__________________

اختلافي عنك لا يعني اختلافي معك

اذا طلبو منك تدرسينهااعتذري لاتضغطين ع نفسك..اذا شفتيها جت وجلست يمك قوليلها بصراحه( روحي اجلسي مع الاطفال اللي بسنك باسلوب حازم)،،، تجاهليها اذا جاءت ...وانشغلي بموبايلك عنها لحتى تمل وتجالس الاطفال..ابو 9 سنوات يفهم واكيد بتفهم انك تصرفينها،،