كل ارائنا اجتهادات
لانها حسب ماقرئنا
انا لااعتقد انها فوبيا وهو يعرف انك محترمه ومتربية...
وكتابة الرسالة لن تهز فيه شعره.
واذا قلتي خل ترضاها لبنتك واختك
بيقول نعم ارضاها اذا سوت مثلك...
طيب والحل.
اولا هو يسقط تجربته عليك
الكلام والسب موجه لها وليس لك
لانه يبدو طلقها قبل يبرد قلبه
هو يعاقبها في شخصك...
والحل ان تتجنبي كل ماينكش ويثير انزعاجه
من المواقف.
او تتحملي النوبات كل مره..
او لو يرضى يزور مستشار نفسي.ممكن يساعده

ينابيع الهوى ..
صراحة انا حاسه كذا اصبح عنده خوف شديد من كل شي من برامج وانترنت وكل شي لدرجة تسوق من المواقع لا يرضى فيه ..
وفي المقابل صار يتحكم واي شي لو بسيط يستثير غيرته ويقول لي انا رجال وهذا بيتي لازم احافظ عليه .
بس انا صعب اقول له لاتعاقبني بذنب غيري ، لان هالشي راح يجرحه ..
بالنسبة للرساله قلت ممكن يتأثر بكلامي اذا قرأة لاني لما اتكلم مااحسه يسمعني ويصير يسمع نفسه بس .
وبالنسبة للمستشار ماراح يوافق يزور طبيب نفسي

انا ماقصد ابد تقولي له
راح ينجرح جدااا ويغضب منك...
لكن اقصد تتفهمي ظروفه.
وسبب تصرفاته
لان راح تكوني اكثر هدوء وصبر
هو تعرض لاذى لنفسي كبير من خيانتها

اخواني الكرام كتبت الرساله لزوجي وارسلتها مع الاولاد وارسل لي رساله طويله جدا فيها من العتب الكثير والاعتذار ..
وقال لي انه يشوفني اختلف معاه في التفكير واني لازم كزوجة اراعي ظروفة وطريقة تربيته وطلب مني عدم الخروج مررره اخرى من البيت . وان البيت موحش من دوننا وقال لي انا اعتذر لو اخطأت في حقك .

صراحة اثرت فيني رسالته كثير ويشهد الله انه غالي مهما سوى وله في قلبي الشي الكثير ..

افكر اتصل عليه واقوله تعال خذني !
او اخذ رأي اخوي عشان مايقولوا هي راحت بكيفها ؟؟
ايش رأيكم ؟؟ انصحوني

الحمدلله يارب..

قدري اعتذاره وقولي لأهلك عشان هم كمان يطمنوا عليك

أنا من رأيي ترسلي له رسالة وتقولي له حتى انت مشتاقة له و مشتاقة لبيتك..
وكوني طبيعية كونه اعترف بخطأه واعتذر

حبيبتي .. نوعية زوجك ماشاء الله رائعة
وهو إنسان حساس رغم قوة شخصيته. . ومن النوع اللي اذا قدمتي له خطوة، أعطاك 10 خطوات..

لكن والله أعلم كلامه الجارح وقت الزعل احتمال يتكرر لا سمح الله ،
وغالبا ما يعنيه، ويندم عليه، بس الغيرة تعميه وتخرجه عن طوره

قوي نفسك وحاولي تدخلي من إذن وتطلعي من الثانية

لازم في جلسة صفاء توضحي له هالشيء إنه يأثر في نفسيتك، ودايما فكري نفسك بإيجابياته الحلوة وحيهون عليك

اهلا اختي اشراقة .. الله يسعدك على كلامك وجزاكي الله خير . وفعلا هو من الاشخاص اللي اذا عصب يغلط بالكلام ..
وانا بصراحة ماتوقعته يتأسف في نهاية الرسالة هالشي فاجأني كثير .
اتمنى اعود نفسي اني اتكيف على طبعه والله مو عارفه ايش اقول كان نفسي يترك لي مساحة اتحرك فيها لكن هو يطلب مني اني اراعي طبعه واتفهمة ..
وبينا حب واولاد واتمنى مااخسره ولا اخسر بيتي ... يارب قويني واصلح حالي ...

ماشاء. الله
شيء جميل
اعلمي اهلك انكم (تفاهمتم)

__________________

الحمد لله مستجدات مفرحه جداً جداً

أسأل الله أن يديم بينكم المحبة و يبعد عنكم كل ما ينغص عليكم صفو الحياة...

جزاك الله خير أخي الفاضل الرسمي على نصائحك الثمينة فعلاً نصيحتك كانت موفقة أسأل الله أن يجعلها في ميزان حسناتك

الله يجزاكم كل خير .. وطبعا اخوي الرسمي ماقصر الله يجزاه الجنة وكل كلامكم اثر فيني .. واسأل الله انه يقدرني واحافظ على بيتي ويصلح زوجي ويرتاح خاطره وباله ..

ارجو اغلاق الموضوع لو امكن ...
في امان الله ♥