المشاركة الأصلية كتبت بواسطة مبتعثة متفائلة

حبيبتي
شوفي مصلحتك انت
امه وابوه طبعا بيشوفون مصلحه ولدهم
وانتي من بيشوف مصلحتك لاصارت مشكله
استخيري
ومن وجهه نظري قرار الطلاق كان مناسب
لانه بالاضافه لعدم الانجاب فيه مشاكل اخرى صعبه
ممكن يتقدم لوحده عقيمه او عندها اطفال ويربي عيالها
وانتي الله يرزقك
والله يرزقه هو

المشاركة الأصلية كتبت بواسطة المحتارة2016

السلام عليكم ورحمة الله وبركاته ..
اتمنى من الله أن يكون الجميع في افضل حال .. انا مطلقةمن شهر ونص تقريبا طلقتي زوجي عند القاضي طلقة وحدة .. مشكلتي كالتالي ..
طليقي مريت معاه من بداية زواجي اللي استمر سنه بعدة مشاكل اولها واللي خوفني اهماله في الصلاة وثانيها نومه الطويل جدا واللي يستمر لاكثر من 13 ساعه بدون احساس بالمسؤوليه كذلك اسلوبه في الزعل المتمثل في الهجر وعناده الشديد وكذلك عدم احترامه لمشاعر انوثتي وادمانه على المقاطع الاباحية التي تجعله عازف عن زوجته واللي فهمته انه من قبل الزواج على هذه المقاطع .. في الشهر الثامن من زواجنا اجرينا تحاليل وكانت الصدمه
انه طلع عقيم وانا مااعرف اذا هو عارف من قبل الزواج او لا لانه طلبني نتبنى من الشهر الثالث من زواجنا واستغربت من طلبه لانه راتبه ع قدنا واعترضت على هذه الفكرة وقلتله نربي عيالنا باذن الله .. طبعا استقبل خبر العقم بكل برود وماظهر عليه اي حزن ابدا .. طبعا شكيت في عزوفه عني انه رجع للمقاطع وحلفته وزغل مني رحت لاهلي لاني كبت كثير وتحملت كثير ولا قدرت اكمل معاه لين يتعدل جلست في بيت اهلي 5 شهور مارفع الجوال ولا ارسل ولا شيء واهله كانوا دائم يتصلوا ويحاولوا يرجعوني طلعا في ليلة رمضان طلقني لانه اخوي قاله انه اختي ماعد تبغاه وخيروني هم بين ابقى معاه بدون اطفال او اتطلق واختار اخوي الطلاق .. واتطلقت االحمدلله وبعدها رجعوا اهله في رمضان والعيد يججيبوا نفس المواضيع ويبغوا يحننوا قلبي..انا بعد تجاهله لي فكرت جديا بالطلاق والذريه لانه في اي وقت يرمييني زي كذا الان في الوقت اللي جفاني ذي الفترة كلها وغاب عني دي الفترة فيقدر يكرره في اي وقت
انا الان تجيني لحظات حنان له .. واهله يكلموني كثير ومدري هل هم مرسولين منه او له ؟ ويحننوني عليه ويقولون هو ماياكل ولا يشرب ونفسيته تعبانه ؟ انا ماانكر انه كان يحبني وله ايجابياته بس سلبياته اللي ذكرتها تعبتني نفسيا .. والله اني تعبانه نفسيا ومدري ايش اسوي مع اهله خاصه انه هو ماعمل اي خطوة تدل على انه يبغانا نرجع لبعض .. ساعدوني واعطوني رأيكم .. الله يجزاكم اعالي الجنان ... اختكم المحتارة

تم تعديل العنوان ليتناسب مع المضمون

المشاركة الأصلية كتبت بواسطة المحتارة2016

فيه ايحابيات انه مايرفض طلباتي وانه يحاول يرضيني وانا والله لاني حبيته من قلبي صبرت على اشياء كثيرة لكن كلامكم عين العقل .. وابوه وامه يقطعون قلبي واحزن عليهم لاني معتبرتهم مثل امي وابوي وعاملوني زي بنتهم لكن هو انسان سلبي جدا حتى العلاج مايبغى يحاول يقول انا راضي بقدري وهذا نصيبي .. انا سجلت ابغى اسمع اراءكم وانتم ماقصرتم وجزاكم الله أعالي الجنان

المشاركة الأصلية كتبت بواسطة Herona

امه وابوه طيبين وما يخالف الله يجزاهم خير

لكن انتي محتاجة زوج يشبعك ويعطيك عيال

مو تهميش وحرمان عاطفي/ من الذرية

فكري بنفسك وخصوصا ان الطلاق وقع وانتهى.


وبيني وبينك طليقك من كلامك عنه مريض نفسي الله يشفيه

لكن فيه شيء لفت انتباهي كيف عرف انه عقيم ؟

هل كان متزوج قبلك او ايش؟

المشاركة الأصلية كتبت بواسطة المحتارة2016

انا مااعرف اذا هو عارف من قبل الزواج ولا لا
بالنسبه لي عرفت يوم رحنا حللنا في الشهر الثامن او التاسع تقريبا
بس التحاليل جات بالحاح مني لاني حسيته بالمرة مو مهتم
ويوم عرفنا النتايج كانت الصدمه لي لكن هو والله مااظهر اي ردة فعل
ولا شفته مصدوم وعايش حياته فشكيت انه عارف من قبل الزواج لانه من ثالث شهر في زواجنا عرض عليه فكرة التبني وانا رفضتها .. احتمال كبير يكون عارف من قبل واحتمال لا