اولا لازم تزرعين الثقه بنفسك .. ولا تقارنين نفسك بأحد ثاني .. يعني ارضى بما قسمه الله لك تكن اسعد الناس ..

ثانيا .. تزوجك وهو عالم بمرضك .. لذلك لا تحطين اللوم على مرضك وتربطينه بموضوع الخيانه ..
كنتي تدرين عنه راعي بنات ومكالمات والله العالم اذا مو طلعات .. مع ذلك قبلتي فيه وما اعرتي الموضوع اي اهميه ..

ليش سامحتي اختك وهو ما سامحتيه !!! مع ان الغلط منهم الاثنين .. !

انتي بس لا يذبحك التفكير والمقارنات اللي ما تجيب الا الهو والغم .. وشوفي اذا زوجك يستاهل الرجعه والا لاء .. يعني القرار بايدك ..
بس ما تضمنين انه يرجع يخونك لو رجعتي له .. يعني القرار بايدك ..

راعي مكالمات فقط ، ومتاكده من هالشي ، لو كنت اشك انه راعي طلعات ماكان قبلت فيه ، هو تغير بعد زواجنا وغير رقمه ومكان عمله وترك كل شي يتعلق بالماضي بس خانني مع اختي

سامحتها لانها اختي بس هو صعب اسامحه ومتاكده اذا رجعت مارح يخون ، هو كثير يفكر باهله ببنته يقول اخاف على خواتي وبنتي ومايبي يسوي شي حرام وربي يعاقبه باهله وبنته

انا رح اقدر اثق فيه واغيره بس مشكلتي مقدر اسامحه

اللهم امين حبيبتي

حاسه فيك والله
يابنت وسعي صدرك

الله يعين بس هذا حال الدنيا ماحد مرتاح ..بس بضحك اشويه

انا كتبت موضوعي هنا تعرفين كلمة مقفله اخلاقي لو جات ذبانه ذبحتها

هههه المهم دخل قال ويش تسوين قلت لا بس اطقطق على الجوال ....ههههه مادرى اني كاتبه معروض عنه هههههه

ادور حل وكنت كاتبه بموضوعي ماني طايقه اكلمه لو كلمني انفجر والله سكتني باسكريم ههههه

هذا الي تقول ماني مكلمته ولا اقوله بلاه بكرا بروح للعرس ولا متشيكه له

والله دخلت موضوعي اقرا واضحك

هههه يعنني مابي اكلمه اخرتها يمزح معايه واضحك معاه

ربي يهديهم ويسعدكم ويبعد عنكم بنات الحرام

الله يجبر بخاطرك وييسر أمرك ويصلح حالك مع زوجك

اختك هي الغلطانة.. ولو انك ناوية تسامحي واحد منهم سامحي زوجك لان ذنبه ما يوصل لذنب اختك..

انتي بتطلعي حرك في الشخص الغلط.. لو فعلا مو قادرة تسامحي فالأحرى ماتسامحي أختك لان خيانتها لك أشد وأعظم.. فلا تكذبي على نفسك وتلقي اللوم على زوجك وتجعليه كبش فداء لأنك غير قادرة على مواجهة أختك ومحاسبتها على فعلتها..

مادمتي قد سامحتيها فمسامحة زوجك سهلة جدا. هو احتفظ بكل الرسائل لأن رايته بيضاء. هي من كانت تحرضك على رفضه ثم أصبحت تحرضه على طلاقك واظهرت لك الكره مرارا.. أما هو فقد كان مستقبلا فقط لم يقم معها علاقة ولم يرضخ لطلباتها وأخبرك بالحقيقة كاملة من نفسه، حتى انه كان ينبهكم ان تنتبهوا عليها.. موقفه صعب جدا ربما كانت تهدده باخبارك لذلك يعطيها وجه ويسمع حماقاتها.. ماذا كان سيفعل؟

لقد عاقبتيه بشكل كافي، واذا كنتي قادرة على اصلاح العلاقة بينك وبين اختك.. فكوني منصفة واصلحي علاقتك مع زوجك.

اختك سامحيها لكن ابتعدي عنها قدر الامكان،،

كلما رأيتيها ستتذكرين ماحصل وتلجئين إلى صب غضبك على زوجك لأنه الحلقة الأضعف،، فأنتت غير قادرة على صب هذا الغضب على اختك.. تفضلين ان تتعاملي مع خيانة زوجك وتقنعي نفسك انه هو المسؤول..على ان تتعاملي مع خيانة أختك لأنها مؤلمة أكثرررررر..

واضيف ان العين حق.. ماشاء الله حبكم يقتدى به حافظي عليه ولا تفرحي الشامتين.

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

الله يجزاك خير واللهم آمين

لا شك ان أختي غلطت وغلطها اكبر بس ماعرف ليه ماقدر اسامح زوجي يمكن لاني حبيته وصدمتي فيه كبيره لدرجة اني ماقدرت اتقبل خيانته لي

اريد ان انسىواسامحه لكن كيف كيف

بين فتره وفتره ارسله واقوله اني شتقت له وهو يقول نرجع وبعدها أتراجع

صار ماعندي قرار ثابت حاسه بضياع كل يوم بل كل ساعه لي رأي

الصبح قررت ارجع اما الأن صعب علي لا ادري لماذا

اشوفك مكبره الموضوع بصراحه!!

اختك اللي راميه نفسها عليه وهو يصدها
وكان يلمحلك تنتبهولها لين اضطر يصارحك!

وانتي شفتي محادثاتهم ما كانت جنسية ولا حب وغرام
كان يجاريها لانها مريضه زي ما قلتي ويقولها الزواج قسمه ونصيب
وقالك كملي المحادثات وشوفي كلها كلام اخ مع اخته وانتي اللي رفضي تشوفيها

خلاص ماله داعي تكبير الموضوع وجالسه عند اهلك لك سنه!!
على ايش؟!
اللي يشوف ردت فعلك يحسبك شفتهم بوضع مخزي بصراحه!!

مشكلتك عدم ثقتك بنفسك مو ان زوجك خانك
زوجك ما خانك زوجك كان يصد في اختك وهي اللي راميه نفسها عليه
هي معذورة انها مريضة وهو معذور انه ما تمادى معها بل كان يتكفى شرها وعارف انها مريضة

زوجك كان يكلم بنات ومع هذا وافقتي عليه
فليس من حقك ان تصدمي كل هذي الصدمه المبالغ فيها!!


نعم تزعلي وتنصدمي انها اختك
لكن لو انه تمادى معها كنت عذرتك لكن كل كلامه جواب على اسالتها ليش ما تزوجتني
وليست محادثات جنسية ولا حب وغرام اشوف انك بالغتي!


تعوذي من الشيطان وارجعي بيتك
ومره اخرى مشكلتك ما عندك ثقة بنفسك وليس لان زوجك خانك
(وما زلت اراها ليست خيانه حسب القصة التي ذكرتيها)

اختي كبرتي الموضوع وحملتيه اكثر ممايحتمل
اختك من اخطاء وتتحمل النسبه الأكبر
ارجعي الزوجك واحتويه لاتخسرينه بعد مايفوت الفوت
ماينفع الندم بدل ماتتخيلين زوجك مع اختك تخيليه مع زوجه جديده
عوضته فقدك وصدقيني مهما حبك ماراح يصبر
واهله ماراح يسكتون وكثر الدق يفك ألحديد
وبدايته انك كلمتيه ولقيتيه متغير عليك والمقبل اعظم
ارجعي البيتك وداوي جرحك فيه البعيد عن العين بعيد عن القلب

لو طلع لك فأر في غرفة النوم
بتحسي بخوف وتقفلي الباب وتركضي
ويمكن تنامي بالملحق او المستودع

وتتركي غرفة نومك الجميله وسريرك المريح
تتركي غرفتك اللي فيها اغراضك وذكرياتك
غرفتك اللي تعبتي بترتيبها وتأثيثها
لانك منقرفه من الفأر
هل يعقل هذا اختي؟

اذا تنازلتي عن غرفتك
مع الوقت بيتكاثروا فيها الفئران
لكن لو من البدايه حاربتي أول فأر شفتيه
وقتلتيه وطلعتيه من غرفه نومك
كان نمتي بسريرك مرتاحه
ومحافظة على اغراضك


فكري اي التصرف اذكى وافضل؟


اذا عرفتي الجواب بتقرري ترجعي له او لا
قلبي معك

مشتاقه لبيتي ولكل شي اكذب عليك اذا قلت مابي أرجع

كل صباح اشوف رساله منه واقوم اتجهز واجهز شنطتي واطفالي واخر شي اهون واجلس

ابي اسامحه ابي أرجع له مو قادره كيف

امس يقول لي لو رجعتي رح اسفرك واسوي واسوي بس ماقدر اسامحه قلبي ينزف الجرح مابرى بهالسنه

كل اسبوع يجي بيتنا البس واكشخ عشان انزل اشوفه وباخر لحظه اهون ومانزل وهو يجلس مع عياله وينتظرني وبالاخير يطلع