اختي انا واحد من اللي خطبوا مطلقه عندها ولد وبنت واشترطت انهم يصيرون عند جدانهم ويجون زياره
مع اني احب الاطفال جداً
ولكن اختي فيه اسباب تخلي اكثر الرجال يشترطون هالشرط
وهو اولاً عشان اولادها يسكنون معنا فـ لازم ماتكون حساسه بزياده بالنسبه لعيالها
يعني طالما انهم ببيتي راح اعاملهم مثل عيالي وراح اعاقب المخطىء واشد ببعض الاحيان عليهم وبعض الحريم ياساتر ماتبي احد يقول لولدها لا
بعضهم تزعل من ابوها اذا هاوش ولدها وهذا صعب طبعا

ثانيا الموضوع صعب للي عنده اولاد
لان طبيعي راح يصير فيه مشادات بين الاطفال وطبيعي راح تحامي عن عيالها وهنا راح يكون المشاكل
هذا غير ان الولد بطبيعته يغار على امه من اي رجال غير ابوه وهذا يسبب بعض المشاكل

نعم .. كلامك صحيح واضيف عليه بعد لو كان عياله وعيال زوجته فيهم أولاد وبنات
وشلون يعيشون مع بعض في بيت واحد لما يبلغوا ؟!



الأخت ام الغالي .. أبسألك
لو تقدم لك شخص عنده أطفال وشرط عليك أن أطفاله يعيشون معكم
بتوافقين ولا بتقولي مثل معظم الحريم وش دخلني بعيالك ؟

__________________

لا والله يا أخي لم يكن عقيماً.

كانت له زوجة وأبناء .. وإن لم أكن أعلم هل كانت زوجته الأخرى على ذمته أم لا.

وأنجب من أمي (أم زوجتي) ستة تبارك الرحمن.


أما لماذا بذل جهده ليتزوجها .. فهو الحب يا أخي .. فقط.

__________________


اللهم طِيبَ الأثر .. وحُسْنَ الرحيل.

كان الله بعونك واسال الله لك الخيرة في جميع امورك يا أم الغالي1406

__________________
سبحان الله وبحمده سبحان الله العظيم

كثير مطلقات باطفال تزوجوا وازواجهم تقبلوا اطفالهم
حالات كثيره من صديقاتي وقريباتي
الرزق عند الله
ادعي ربك ماخاب من دعاه

__________________

انا مطلقه ومعي اولاد

واشوف من حق الخاطب يخطب ويوضح انه بدون اولاد

ومن حقك ترفضين بدون ما تنجرحين

وانتظري اللي يبيك ويحب وجود اولادك

انا اقتنعت ان كل انسان اكيد احد يرغب فيه وبظروفه

ومووفقه والله يرزقني ويرزقك

__________________
أعلل النفس بالآمال ارقبها .. ما أضيق العيش لولا فسحة الأمل

اغلب المطلقات عندنا يتزوجن وياخذين عيالهن معاهن بس طبعا الموضوع مايخلو من حساسيات
من طرف والد الاطفال عشان كذا المطلقه تفضل السكن مع اهلها او قريب منهم
حتى يشعر والد الاطفال انه ابنائه مع امهم واهلها هذا جيل الجديد ..

اما زمن الطيبين مثل ما ذكرت اختنا ام سلطان الزوج المتقدم ياخذ المراه وعيالها ويتكفل بهم
كانهم ابنائه..

كثييير عندنا ربو عيال زوجاتهم وعاملومهم مثل ابنائهم سوا كانو ايتام او اهلهم مطلقين

__________________
اللهم اغفر لي ولوالدي واخواني واخواتي الاحياء منهم والاموات .. اللهم نسألك حسن خاتمه يارب .. لاتنسوني من دعواتكم

حقيقه هذا من اهم الإسباب اني مابي متزوجه مع أطفال.

كل ام ترمي اطفالها من اجل زوج ما فيها خير ولا احترمها ( هذا رأيي )

من يقول ان الام اتخلي عيالها في بيت اَهلها مثلا علشان اتجابل زوجها او الفلم الفكاهي الي اسمه اتنسق بين زوجها اليديد وأولادها الي عندها. هذا ضحك وفلم هندي

يا اما يكون الزوج اليديد يتقبل عيالها بكل صدر رحب واهما يتقبلونه ولا لا يصير الزواج احسن. المصيبه الثانيه اذا اب الاولاد رفض ان اولاده يربون مع الزوج اليديد

الله يعين كل من ينحط هالموقف

نسيت اذكر اني مطلق وعيالي معاي وفرصتي بالزواج مره ثانيه كل مالها واتقل لان حتى مع محاولات تأهيل عيالي اني بتزوج مره ثانيه لكن يغارون عليي وايد هههه ف الله المستعان والحمدلله على كل حال