أخوي WISH1

أنا فعلاً أعاني من هالمشكله هذي .. وأنا ما أخفي عليك اني رحت لطبيب نفساني في يوم من الأيام ووصف لي دواء يمنع تقلب المزاج. يقول لي انت عندك تقلب بالمزاج. أنا أحب زوجتي حب شديييييييييييييييد مثل ماقلت. بس اني عصبي عليها. والمشكله حتى زوجتي اقتنعت بشي وتقول لي لو انت تحبني مان ماشوف تصرفاتك هذي. بحاول ان شاءالله أعالج نفسي بنفسي.. وزوجتي صادقه .. المفروض ماتشوف منّي أي أذيه .. أقصد عصبيه .. وربي يفرجها .. يارب

الله اكبر الله اكبر


اول مرة رجل في المنتدى يعترف انه اخطأ بحق زوجته و ما يقول ابي اتزوج عليها......


الله اكبر الله اكبر

حدث في التاريخ !!!!!!!!!!!!





اخي الكريم......الشي اللي يريح بموضوعك انك تدري من وين الغلط....وانت تعترف بانك تغلط بحق زوجتك كثير وهذي ميزة انا اجدها مفقوده عند كثير من الرجال....والاهم انك شايل موضوع التعدد من بالك....

بهالحاله اقدر ارد عليك من غير نرفزة



اخي الكريم

اشوف ان الخلل الوحيد هو غيرتك الشديده...لدرجه انك تغار حتى من ابنتك على زوجتك...
من خلال قراءتي لمشكلتك وجدت ان حياتك الزوجيه تنحصر في ثلاث مراحل...

1-ماقبل الحمل
2-فتره الحمل
3-بعد الولاده و انجاب الطفله.....الله يخليها لكم


وفي جميع هذه المراحل حسيت ان زوجتك بعيده عنك عاطفيا....وبصراحه هي معذوره....باول الزواج قد تكون الزوجه مستحيه او حتى مو متعوده على زوجها....وفي فترة الحمل نفسيه المرة تتعب....وتكون العواطف اخر ما يشغلها....اما ما بعد الولاده تنشغل الام بمولودها الجديد....ولكن بنفس الوقت الزوجه الشاطرة ما تنسى زوجها و لا تنسى حقوقه

الحل براييي في ايدك
1-نبه زوجتك اذا كانت مهملتك و مشغوله دايما بالطفله....بس من غير ما تجرحها و اترك عصبيتك على صوب....لان المرة ممكن تتحمل فترة بس بعدين راح تمل منك

2-بالنسبه لغيرتك الزايده.....حتى و ان كنت لا تستطيع السيطرة على نفسك....لا تبين لها انك تغار من وجود الطفله معها لانها مهما كانت بنتك و اظن ان هذا الامر يضايق الام كثيرا...
لان معنى انك تغار من بنتك......يعني كان زوجتك مقصره في حقك و هذا شي يضايق المرة نفسيا....


ودايما حط في بالك ان كثره المشاكل و كثره العصبيه تبعد بين الزوجين عاطفيا و جسديا....
ولاتنسى ان عصبيتك دايما على زوجتك راح تبعدها عنك و مراح تخليها مرتاحه معاك و تعطيك الحب اللي انت تبيه.....



والله يهديك و ييسر امورك


دوووووت

__________________

ياأخي ياما سوينا مصايب في بداية حياتنا الزوجية ..شي ينقال وشي ماينقال ..!!

ياأخي لاتلتفت للماضي ولاتأنب نفسك كثيرا ، عش حاضرك وانظر إلى مستقبلك حتى تسعد ..

أنا أفضل إنك توديها بيت أهلها وخلها تنام عندهم يومين ثلاثة ، وإذا قالت ليه : قل أبغاك تنبسطين ، وبعدين ناوي أحضر لك مفاجأة حلوة ..
خلها تنام عندهم الاثنين والثلاثاء ، وإذا جاء الأربعاء إلا أنت محضر سفرة للشرقية (بعد رمضان طبعا) يومين ثلاثة ، انبسطوا وتمشوا وإذا حسيت الجو خالي ورومانسي وكنت حاس إنك ودك تفضفض قل لها اللي في خاطرك واوعدها بصفحة جديدة أفضل من قبل ..
وإذا كنت حاس ماودك تفضفض ، خلاص مو لازم ، فالأفعال أصدق من الأقوال ، وكثرة الحكي في الماضي والأخطاء وكثرة الوعود أحيانا تجيب نتيجة عكسية ..
نتيجة عكسية كيف ؟! ، لما تحس زوجتك إنك توعد وتخلف ، ولما إنت تشوف نفسك ماتقدر توفي بوعدك ..!

عشان كذا ماله داعي فضفضة ابدأ حياتك الجديدة من يوم السفر وإلى الأبد ، حاول تكون خفيف بسيط وحاول تتغيفل عن أخطاء زوجتك وتقصيرها ، وصد عنها واثقل شوي صدقني بتلحق وراك ..

وإذا ماقدرت تسافر بها الشرقية ، خذ لها غرفة في فندق مميز من فنادق مدينتك ..

والحمدلله ..

وفقك الله وجعل من زوجتك قرة عين لك..

__________________
أحب جبالك يالجنوب وأحبك لأنك أنتي الجنوب

وبعدين كلنا نعصب ونتهاوش ، بعدين نتصالح ..

أخ ، أخت ، صديق ، صديقة ، زوج ، زوجة ..

قل لي من منا تخلو حياته من المشاكل ؟!!

بس انت مشكلتك حساس ، حاول تغير نفسك فإنما الحلم بالتحلم ، إذا تهاوشتوا اليوم ، صبحها بكرة بكلام عادي جدا ، يعني ماكأن صار شئ ، مو لازم كل مرة وردة ، خل الورد للهوشات الكبييييييييييييييييييرة مرة (الله لايجيب الشر) ..

أعتقد مشكلتك في اثنتين :
- حساس .
- عاطفي .
-عصبي .

وإذا عرف السبب بطل العجب . ومعرفة السبب نصف الحل .

__________________
أحب جبالك يالجنوب وأحبك لأنك أنتي الجنوب

أختي دوووت ..
الاعتراف بالحق فضيله .. وأنا أصلاً شايل فكرة تعدد الزوجات من راسي والله يخلي لي زوجتي وبنتي. وأعقب على كلامك ان الرجال اذا أخطا في حق زوجته وما اعترف أقول عنه رجال فيه غرور. المرأه لها حق أكيد وبالعكس أنا متأكد ان الزوجه تنبسط كثير لو زوجها غلط مره وجاء يتأسف ويعترف بغلطته. عموما مشكوره على الرد وتحليلك منطقي لمشكلتي. وأنا متندم والحمدلله الحين الحال أفضل من أمس

أختي زرقة البحر .. كلامك صحيح وأتوقع انه كل بيت فيه مشاكل. مستحيل مايكون فيه مشاكل الا من رحم ربي. لكن مشكله عن مشكله تفرق. بس من جد أنا انسان عاطفي وحساس وغيور وعلشان كذا أحس اني أناني لما أضغط على زوجتي وأطالبها بشي .. لكن لازم أحل مشاكلي علشان تنحل مشاكلي مع زوجتي. والحين أنا بديت بأول خطوه وإن شاء الله راح أكمل سلّم الحياة الزوجيه لآخر خطوه .. شاكر ومقدر على ردك ومساعدتك لي

اخي انسان غير .. صح كلامك ومشور على تحليلك. بس أنا غيرتي على بنتي مو لدرجة أكرها والعياذ بالله. يشهد الله إني أمووووت فيها الله يخليها لي ولزوجتي. بس اللحظه اذا صرت فاقد شي من زوجتي وقمت أشوفها تعطيه لبنتي ما أمنعها ولا أقول لها شي .. بس أفكر ليش ما يجيني أنا كذا .. وثل ماتفضلت انت والاخوان اللي ردوا علي (اذا عرف السبب بطل العجب) .. يعني السبب في صد زوجتي عنّي هو أنا .. وأنا قدامي أشياء كثيييييييييره علشان أسويها وأعوضها لزوجتي علشان أشوف منها اللي أبغى .. وان شاء الله خطوه بخطوه .. شكرا أخوي على مشاركتك في موضوعي .. وجزاك الله ألف خير.


تنبيه : أخي الفاضل الكتابة الصحيحة لكلمة ( إن شاء الله ) كما هو موضح ، وكما كتبتها صحيحة في المرة الثانية . شكرا

جددوا شهر العسل وافتحوا صفحة جديدة بس لو سمحت في مكان خارج البيت.. نحن النساء نحب دعوات الفنادق (الكشخة )!!

ما عندي كلام اضيفه على اللي قال
لكن تأكد انك انسان رائع وتحب الحنان من زوجتك وزوجتك رااااااائعه وصدقني اسهل حل انك تخليها تقرأ اللي انت كاتبه هني صدقني بروح كل العتب
وبس اترك العصبيه والنرفزه عنك
تحياتي

__________________

الله يجزاكم خير ومشكورين

ماعندي اي اضافات اكثر من الاخوة .. كفوا ووفوا
بس ليش ما تخليها تقرأ موضوعك هذا !!!! اكيد بيكون وقعه عليها و اثره كبير في نفسها
بتعرف كم انت تحبها و ان تصرفاتك معها و قساوتك خارجة عن ارادتك ...

اخي ... اكثر الدعاء في هذا الشهر الكريم
وربي يوقكم و ترجع السعادة و يرجع الحب يملأ بيتكم و يخليلكم بنتكم آميين يا رب

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله