السلام عليكم ورحمة الله وبركاته


كيفكم جايبتلكم شي رووووووووووعة بعمركم سمعتوا عن بف باستري بالكاسترد يا سلام اليوم عملته واخ من حلاوته وللامانة هو مش من اختراعي ولا من النت بصراحة هي الطريقة عطاني ياها صديق زوجي هو شيف باحد المطاعم وانا جربتها وطلعت رهيييييييبة ان شاء الله يعجبكم واكيد بالصور من مطبخي

نبدا بسم الله

المقادير والطريقة

جيبي عجينة بف باستري ورقيها شوي



جيبي صحن بايركس مدور ادهنيه شوية سمنة وحطي العجينة فيه



قطعي الجوانب الزائدة بالسكينة وسكري الاطراف باصابعك شوي



غطي العجينة بالقصدير عشان ما تنفش كتير وحطيها بالفرن




وهي وبالفرن رح تلاقي العجينة بتنفش والقصدير بيعلى بتقدري تشيلي الصحن شوي من الفرن وتكبسي بايدك على القصدير عشان يروح الهوا من العجينة وبعد شي عشر دقائق اخرجي العجينة من الفرن وانزعي عنها لقصدير ورجعيها الفرن لحد ما تحمر من الداخل

شوفو من الداخل مش محمرة لساتها بيضا




وهيدا شكلها بعد ما انتهت



طبعا بنكون محضرين الكاسترد على جنب وطريقته كتير سهلة

اربع اكواب حليب اربع ملاعق كاسترد والسكر حسب كيف بتحبي حلاته حطيهم عالنار لحد ما يثقلو وشيليهم واتركيهم يبردو



بعد ما بردت العجينة شوي نحطها بطبق التقديم ونحشيها بالكاسترد



ومنزينها بالفواكه وحطيها حوالي ساعتين بالبراد وقدميها




وهي حطيت عليها قرفة زوجي يحبها



وخلصنا بالهنا والعافية



ها شو رايكم بصراحة لازم تجربوها والله لذيذة جدا

__________________


لا احلل نقل اطباقي دون ذكر المصدر

(ام علي وريما شخص واحد وهو انا )