جمعت اخواني بعد صلاة العصر بالغصب قدرت اقنعهم و اخليهم يتجمعوا ... واختي اكيد معنا .. وخليت ماما تحضر وتجلس معنا ... وماعرفت كيف أبدأ .. بس قلت لهم ابغى حقي مابتنازل انا محتاجتها .. واختي تكلمت قالت حتى هي تبغاها وماتبغى تتنازل ... ورفضوا قالوا اذا احتجتو احنا نعطيكم مارح نقصر بشي ... وينعاد الموال حقهم ... وقلت لهم ابغاها لي لنفسي ... واذا دخلتوا بمؤسسه او مشروع وفي مجال بدخل معكم بإسمي لو تبون ... رفضوا وعصبوا انتي وانتي وانتي ... قلت لهم هذا حقي وشرع الله عطوني اياها بالطيب او ادخل احد سوا محامي ولا اعمامي ... عصبوا أكثر انتوا ماتثقون فينا احنا اخوانكم مابناكلكم ... ومانمشي بالتهديد ... وماما تقولهم حق خواتك اعطيهن وخذوا حقي المهم مانبغى مشاكل ...قلت لها لا حتى انتي ياماما تاخذين حقك وهم عندهم ضعف اللي معنا ليه عيونهم علينا ... اخوي الكبير قال لا تدخلين ماما بالسالفه خليها على جنب ... وانا قلت لك تبغين حقك خذيه بس انسي عندك اهل..وماتدخلين البيت ... قلت له حتى انا مامشي بالتهديد .. قال وش اللي غير كلامك ... اكيد زوجك له يد بالموضوع وهو محرضك علينا ... قلت له تطمن زوجي مو عارف شي وحتى هو مارح اعطيه ريال لا انتوا ولا هو* ... الفلوس هذي لي انا وعيالي ...والتفت على اختي قالها وانتي ؟ ... قالت انا مثلها ابغى حقي ..قال اوك اطلعوا برا الحين ومالكم دخله في البيت ولا تشوفونا ولا نشوفكم ... وماما تحاول تهديهم وهم مصممين نطلع برا ..يقول اتصلوا بازواجكم يجي ياخذكم ... والله لو نشوفكم هنا مارح يصير خير ... خوات اخر زمن ماعندهم ثقه باخوانهم ... وانا مدري كيف طلع معي الكلام وقلت لهم ... طلعه مارح اطلع وهذا للحين بيتي ولي نصيب فيه ..اعطوني نصيبي منه ومارح ادخل فيه ... ولا بعد من غير ماتبيعونه ... البيت ماما تجلس فيه وماحينباع ... هي قضت عمر فيه حرام تبيعوه.. انا واختي وهيا ماحنا موافقين .. حسيتهم انقهروا واخوي الكبير عصب ويقول احترمينا احنا اخوانك الكبار ... مو ناقص الا هالنتفه تجي تهددنا وجلس يسب ويتكلم وان لساني متبري مني من يوم يومي وماني محترمه ولا متربيه... قلت له انت اللي حديتني على هالشي* .. عطونا حقنا واحنا اخوان افضل من اني ادخل احد ويصير بينا مشاكل ... انا للحين مابغى اخسركم بس لو تبيعونا عشان الفلوس مارح نسكت...

طلعوا من البيت وهم متحلفين فيني وخاصة اخوي الثالث يهدد ويتوعد ...

مدري خايفه اني غلطت بشي واخسر اهلي ... احس بتأنيب ضمير باللي سويته..

__________________
-

فأجبر خَاطري .. بفيّض نعَمك ❤ ....

لا ماغلطتي بشي
انت وقفتي وقفة شمووخ وطالبتي بحقك وحق اخيتك المسكينة ..

لا سبيتي لا اهنتي لا قللتي احترامك لاخوانك ولاشي

طالبت بحق ..والحق مايستحى منه
بالعكس الساكت عن الحق شيطان أخرس
وهالحق ربي هو اللي عطاكي اياه مالهم وجه ياخذونه منكم

وماعليك منهم ومن تهديداتهم
دخلي مع اذن وطلعي مع الاذن الثانيه
اساسا مايقدرون يطلعونك بس هرج على الفاضي

واستغرب منهم قدرتهم بالتلاعب بالالفاظ
قال ايش قال ماحترمتينا
انتوا بالاول احترموا اهلكم ولاتاكلون اموالهم بالحرام

وقوفي بوجههم قلل احترامي لهم ... اقول يمكن هما محتاجين از مديونين او عليهم شي عشان كذا ماكانو يبغوا يعطونا حقنا ... الله يكون بالعون وان شاء الله ماكون غلطت بطلب حقنا

__________________
-

فأجبر خَاطري .. بفيّض نعَمك ❤ ....

هذا حقك الله كفله لك
واذا على اذا تحتاجين نعطيك
بالبداية بيعطةنك بحب بعدين كواجب بعدين تصيرين اثقل عليهم من الجبال..

مثل هالامور تحتاج وقفة جاااامدة والايام كفيلة ترجع المياه لمجاريها..

ربي يسهل أمرك ويعينك

ايه حقي بس قلبي وجعني عليهم ... قبل شوي اخوي دخل ولا حتى طالع بوجهي ... قسم بالله شي يحرق القلب ... وماما مقهوره علينا وبنفس الوقت مقهوره على اخواني ... والزوج حسبي الله ونعم الوكيل حتى ملابس للعيال ماجاب لهم ... ومارسلت له ولا عبرته لحد الحين ...

__________________
-

فأجبر خَاطري .. بفيّض نعَمك ❤ ....

اللي سويته عين العقل اياك والضعف خليك ثابتة انت للآن ماشية صح وإذا عادو عليك الكلام فقط ذكريهم بهذي الآية ((إِنَّ الَّذِينَ يَأْكُلُونَ أَمْوَالَ الْيَتَامَى ظُلْمًا إِنَّمَا يَأْكُلُونَ فِي بُطُونِهِمْ نَارًا وَسَيَصْلَوْنَ سَعِيرًا))
هذي الآية مرعبة عظيمة تزلل اي شخص في قلبه خوف من الله واذا ماخافو من الله مالك حيلة ياسمورة الا اخذ حقك بالقوة .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

ان شاء الله.. ربي يكرمك وشكراا لك ...

__________________
-

فأجبر خَاطري .. بفيّض نعَمك ❤ ....

حاولي لاتعادين اخوانك ولا زوجك مع المطالبه بحقك بكل ادب واحترام ...! وقوي علاقتك مع امك واختك....! واعتمدي على الله عزوجل راح ينالك ضغط وتهميش وتحقير وتسفيه احذفيه وراء ظهرك وتوكلي على جبار السموات والارض وذكريهم بالأحاديث الذي فيه وعيد من اكل اموال الناس بالباطل واكل الميراث وحرمان الاخوات من حقوقهم ...

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

اكيد مابعادي اخواني مهما صار .. بس زوجي الحين خلاص ماله مكانه عندي .. شكراا لك ...

__________________
-

فأجبر خَاطري .. بفيّض نعَمك ❤ ....

سموره قرأت احد الأعضاء هنا بيقول مادية زوجك ضعيفه وانتي تقولي ابوه عنده خير

هل عمك وابوك الله يرحمه كانو شديدين ع اولادهم من ناحية اعطائهم المال؟

احس كأنهم مشفوحين مااعرف ودي اعرف السبب

وامك قولي لها تطلب اخوانك ينكتب البيت بإسمها وتخليه بعدين وقف بحيث ماينباع أبداً بعد وفاتها الله يخليها لكم

ابويه سوى كدا ترك العماره الي فيها اهلي وقف ماتباع

وباقي ممتلكاته قسمها علينا باقي معاه أقل من 2مليون مع قليل من الاراضي الي نزل سعرها للنصف🌚واحنا كثير جاء للبنات كل وحده 500 الف

ابغى استفيد من موضوعك قسم ابويه كثير ماباقي الا شي قليل واخواني كثير ماشاء الله يعني ان شاء الله مايحصل بينهم قطيعه عشان القليل هذا



وبعدين هل ورث ابوك فوق 15 مليون لانه والله حرام تروح في يد شباب ماعندهم خبره خاصه العقار مايدخله الا واحد ذكي ويعرف كيف يتعامل مع الكبار لانه لو المبلغ كبير ويبغو يدخلو فيه شراكه بدون خبره ضروري عمك يوقفهم ويقول قسموها الاول بينكم وبعدين الي حاب يشترك بكيفه خوفاً عليهم من قتل بعض واعرف قصه مشابهه