باستا بالبنك صوص تجنن ولذيذة وسهلة (دون صور) - الصفحة 3

06-11-2007, 05:31 PM

البحلة بالنفس

قلب المنتدى النابض

تاريخ التسجيل: May 2004

المشاركات: 1,970

باستا بالبنك صوص تجنن ولذيذة وسهلة (دون صور)

بصراحه ماقد تجرأت اشارك بهالعالم لانكم ما شاء الله فنانات وانا اعتبر نفسي فاشله

لكن بعد ماسويت هالمكرونة ولاول مرة تضبط معاي الطبخة من اول مرة :14: ويطلع طعمها يجنن قررت انزلها هنا يعني انا استفيد من هالعالم فواجبي اني افيد اذا قدرت وعشان كذا تحمست وصورت

ويارب تضبط معاكم وتعجبكم ..

اول شي المقادير بصراحه انا مقاديري مو مضبوطة مرة وبعدين انا اطبخ كمية قليله مرة عشان مافيه الا انا وزوجي وماحب اكب الاكل ولا ناكل من الثلاجة لذلك انتم ادبلو مقاديري لوول هذا اذا لقيتو مقادير يعني احط على حسب الشكل انا..

تحتاجين مكرونة اي نوع تحبينه حتى لو مكرونة الفوتوشيني الطويله او سباغيتي و ويب كريم او قشطة الخفق وصلصة مكرونه او معجون طماطم اذا مافيه انا احب استعمل صلصة مكرونة جاهزة ومتبله اسمها بريغو وحبة ماجي وقطعة دجاج فيليه ونص بصلة مقطعه وفطر مقطع وشوي زيت وزبدة واذا حابه جبن موزيريلا..

اول شي تسلقين المكرونه في موية وشوية ملح وملعقه زيت صغيره وبعدين تحمسين البصل في زيت على النار..

لما يشقر البصل شوي تضيفين الفطر المقطع وتقلبينها شوي بعدين تحطين نص حبة الماجي مفتته وتخليطنهم وتقصرين النار عليهم..

في هذه الاثناء تحطين قطعة زبدة صغيره في قدر منفصل ولما تذوب تضيفين الدجاج المقطع وتقلبينه مع نص مكعب الماجي الثاني لين يستوي تقريبا..

بعدين تضيفين الدجاج لخليط البصل والفطر ونسيت اقول ممكن تضيفين فلفل بارد مقطع مع البصل والفطر بس انا مو متوفر عندي يعطي نكهة تجنن....

بعدين تضيفين قشطة الخفق والصلصة..

بعدين تتركينه على النار عشر دقايق على نار هاديه ويكون شكله صار كذا وعلى فكرة ممكن تضيفين شوي ملح بس لا تكثرين لان الماجي مالح..وانا اضفت حاجة ماصورتها قررت اخر لحظه ملعقة جبنة بارمزان مع الخليط يعطي نكهة حلوة..

تجيبين قدر للفرن تحطين المكرونة اول شي بعدين خلطة الدجاج بعدين ممكن شوي موزاريلا وتدخلينه الفرن شوي لين تسيح الجبنه ويشقر وبالهنا والعافيه..

من الجوع مالحقت اصورها لما طلعتها من الفرن بس طعمها لذيذ مرة مرة ويارب تعجبكم واسمع ارائكم لاني اول مرة احط موضوع في عالم الطبخ

الإشراف: تم تعديل العنوان

indienne

__________________

التعديل الأخير تم بواسطة indienne ; 17-07-2008 الساعة 11:23 AM

مواقع النشر

« الموضوع السابق | الموضوع التالي »

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

الساعة الآن 01:09 PM.

روابط سريعه