صراحة زوجتك هذه اهلها للاسف ماعلموها احترام الزوج والقيام بواجباته

ياخوي احنا اللي تربينا في بيوت فيها خدم وطباخين ماسوينا اللي سوته (( هاه وش بتطبخلي ))

شين وقوي عين صراحة ..

يعني صحيح الوحده فينا تحب ان زوجها يساعدها لكن مايقوم بدورها


عندي اقتراح لك لاعادة تقويمها لانها رفعت ضغطي هالحرمه

خلي بيتك معفوس فوق لتحت لاتصلح ولاتنظف ولاترتب فيه واعزم اهلها واهلك

خلاها تتفشل منهم يمكن تتربى صح
... خليهم يشوفوا كيف عايش .. صراحة سنة وانت بهالحال مااقول الا يازين العزوبية

الاخ ابو الاخلاق
حلوة منك

السلام عليكم ورحمة الله وبركاته ..

اول شي اخوي الله يعينك ويصبرك ..

شكلك اخوي في بداية زواجكم كنت تريد تساعدها وتخفف عليها من شغل البنات بس هي استغلت هالنقظه ..مب غلط انه الرجال يساعد زوجته في اعمال البيت لكن مب لهالدرجة ..

يعني هي شتسوي في البيت .. يعني اقصد شاللي مانعها من انها تقوم بهالاعمال ..

اختلف مع باقي الاعضاء اللي اشوي عصبوا ... بس الريال ماحط الموضوع الا عشان يبي اقتراحات تساعده ..

اخوي اجلس مع زوجتك جلسه مصارحه وقولها الي في خاطرك وفهمها انك عاذرها لانها حامل ... لكن بكرة بعد ترى وراها بيبي بعد بتخليك انت اللي تسوي كل شي حق البيبي .. مايصير جي ..

فهمها بالحسنى .. واذا مانفع كلم امها يمكن تفهمها لانها تخاف عليها وتحبها .. وان شاء الله ربي بيصلح الاحوال ..

طبعا لاتنسى انك تدعي لها بارك الله فيك ..

الله ييسر اموركم ويوفقكم لما فيه خيري الدنيا والاخره ..

والله ياخوي اسمح لي يداكا اوكتا وفوك نفخ

انت سكت على الوضع من البدايه من اول زواجك مو من الحين لانها حامل

اذا ماوضعت حد للامر من الحين انت الي بتخسر

والله اخوي فيه شئ قهرني هي ولا همها وانت تفكر بالبيبي واهلك واهلها وكلام الناس

تفكيرك تفكير وحده خايفه من الطلاق

قوي قلبك وخذ خطوه ايجابيه

__________________

الشكــــــــــــــــوى للــــــــــــــــه ! ! !

__________________

ما بعرف اضحك ولا ابكي
معلش يمكن اكون معك قاسية شوي
بس يا اخ الاخلاق انتا السبب انتا اللي وصلتك حالك لهون
الزوج يفرض احترامو على المراة من اول يوم وما تفهمني غلط يفرض احترامو بانو كل واحد عليه واجبات والو حقوق ومن واجب الزوجة انها تطخ وترتب البيت
وازا انتا ممكن تساعدها كتر خيرك بيكون احترام وحب منك الها
عفوا يعني انتي كيف الشغل عندكم
ما في دوام
وقت البيت بدو حد متفرغ وايضا الطبيخ
الله يعينك
وانتا اللي بتقدر ترجع الامور لطبيعتها بس بالتفاهم وبدون تجريح او اهانات او ضرب
واسفة ازا دايقتك

أخوي لابد انك تحط حد لهذا الموضوع
حتى لو كانت حامل .. لازم تراعي انها زوجة وعليها مسؤوليات
الزوج ممكن تفضلا منه يعينها ويساعدها مو يتحمل مسؤولياته ومسؤولياتها
اليوم خايف عليها وعلى الجنين وبكرة حتخاف عليها عشان هيه مرضع وبعده تطبخ وتغسل أغراضها وأغراض المولود
أخوي .. الله خلق الأنثى وأعطاها القوة اللي تقدر بيها تتحمل مسؤوليات بيتها وتربية أولادها
هذا وهو أول مولود كيف لو جا الثاني والثالث
أقترح عليك تجيب خادمة عشان موضوع حملها والوحام والتعب
وضروري تجلس معاها جلسة جادة وتقول لها انك راح تجيب خادمة عشان تساعدها بسبب حملها
وبمجرد تصير طيبة انها راح تتحمل مسؤولياتها .. وخبرها انك ماتحب الوساخة وتبغى الترتيب في كل شي
ولو ما قبلت هددها بأنك مو مرتاح في حياتك معاها وانها حتضطرك تفكر تتزوج عليها (كلام بس)
وشوف بنفسك إيش راح يصير
الله يصلح حالك وحالها ويقومها بالسلامة

__________________

هذى مشكلتكم يالازواج تدللون الزوجة بزيادة الين ماتتعود عالدلال وبعدها

تجيون تشتكون...

صدقنى ماراح احد يحل مشكلتك الا انت لو توقف يومين فقط عن عمل كل هذا وقمت باليوم

الثالث بعزيمة امها وابوها وقلت لهم هذى بنتكم..شوف كيف تتصلح حياتك..

اتخاذ القرار بيدك وهو قرار شجاع راح يريحك بقية حياتك الا اذا اردت ان تعيش بهذه

المهانة طوال عمرك وتتحول الى دادة ايضا..

__________________

__________________

أخواني أخواتي :

شكراً لكل من شكك في رجولتي ..

ولكن هذا الموضوع إنما فتحته لأفضفض ليس إلا ... وأحب أبشركم جميعاً وخصوصاً من شكك في رجولتي :

خليتها تنظف البيت من و إلى قبل أشوي ..



وللحديث بقية .