08-01-2008, 04:45 PM
|
المشاركة الأصلية كتبت بواسطة الناصر 2007
لو على المهر بسيطة اكثر العوائل ماتشدد في المهر
لكن عندك المصاريف الأخرىيشترطون سكن مستقل يعني راح يستأجر شقة بما لايقل عن 15ألف ثم أثاث بيكلف 25 ألف ثم مصاريف ما بعد الزواج الأخت تبي تسافر ومطاعم واسواق وووو التي ترهق الشاب وتجمله الديون وبعد مدة تلقى المسكين مطلوب في الحقوق من كثرة الديانة الله يعين بس |
08-01-2008, 04:48 PM
|
المشاركة الأصلية كتبت بواسطة oOعبير الرياضOo
ساري ودنا تقولنا عن قصص حصلت معاك في الخطبة
بصراحه أحس غيباتك وراها كل مرة سالفه و هالمره المهور !! |
08-01-2008, 04:53 PM
|
المشاركة الأصلية كتبت بواسطة الحـــــــائرة
أقسم بالله أعرف ناس لو بيقدم الرجل مهر 15 ألف أو أقل بيرضون
بس أهم شي دين الرجل وخلقه هذا قصدي في الماديات أعرف كثير من معارفنا تزوجوا رجال رواتبهم 2000 أو 1500 و حتى بعضهم يزوجون اللي بدون وظيفة أرجع اكرر اهم شي دين الرجل وخلقة هنا محور الحديث |
09-01-2008, 01:22 AM
|
المشاركة الأصلية كتبت بواسطة غموض السنين
يااخوي من جد تحس اغلب الشباب طبعا مو الكل الغالبيه العظماء منهم مستهر بموضوع الزواج تلاقيه موهاين عليه يترك العزوبيه او يقول الحرمه تمسك حريتي الحرمه تمنعني من السفر مع اخوياي او او او الاسباب كثيرة من ناحيه الشباب عشان يعزفون عن الزواج
مو بس غلاء المهور فعلا مثل ماقلت اختي حائرة صار غلاء المهر شماعه لكل رجل مايبغى يتزووج الحين انا بالله اسالك يوم تجي تخطب وتعطي البنت مهرها عشرين الف ثلاثين الف هذا مهر غااااااااااااااااااااااااااااالي وزواج بستراحه مايكلفك خمس الاف هذا غالي الان اغلب العوايل السعوديه بناتهم مهورها 30 الف خمس عشرين لدرجه قسم بالله اعرف واحد مهر بنته 15 الف فقط لاغير هذا من ناحيه العوايل نجي من ناحيه الشباب الحين تلاقي الاغلبيه من الشباب رواتبهم تتروح مابين 400 الى 500 صح والا لا ولاحظ ان قلت هالمبالغ مع انه قليل عند اكثر الشباب الي ماشاء الله رواتبهم ب8 الاف الحين مايقدر ياخذ قرض من البنك بتعريف براتبه ويعطونه قل مثلا اقل شي 60 الف مايقدر يتزوج فيه وبعد يسافر ويستانس صح والا لا يعني لفكرت فيها من جميع النواحي تلاقي الشباب هم الى عاجبهم وضعهم كذا مو راضين يتزوجون ويتعلثون ويبررون موقفهم بالمهور يااخي عمااااااااااااااااااااااااار على مهور اول قبل تقريبا 15 سنه الى كانت تصك الرجال 100 الف و150 الف وكانوا يتزوجون بدال الحرمه ثلاثه وهالكلام مو من عندي اغلب قرايبنا الى كانوا متزوجين من 15 سنه مهورهن ماشاء الله بالميه وفووووووووق بس كان جيل مهمه العب والسفريااااااااااات كل سنه للخارج والا كانوا يفكرون بالي الحين شبابنا يفكرون فيه كم بنت يتعرف عليها كم جمع من راتبه عشان يسافر فيه هالعطله ومن ناحيه البنات يااخوي والله والله مافي اضعف من البنات والله انهم مساكين وهم الى كلوهااااااااا سواء من نظرات العالم لهم سواء من الكلام الى ينرمي بوجهم سواء من كل شي وكافي انهم اخذو لقب صعب جداً (عانس) اذا الرسول صلى الله عليه وسلم يقول فيما معنى الحديث (ارحموا الضعيفين وذكر منهم المراة) وحديث ثاني فيما معناة( لطفاً بالقوارير ) والله انهم لاحول لهم والاقوة وانا اتكلم عن الاغلبيه الكبيرة يرضون بالقليل اهم الشي الستر عندهم وانهم يتوفقون لكن الشباب الى مايبغون يتزوجون لقوها حيله غلاء المهور بس عشان يبتعدون عن الزواج ويعزفون عنه الين يطب كيفهم من العزوبيه بالاخير لو ترجع تلاقيه معادله بسيطه جداً وانا شخصياً دايم افكر فيه يوم الاقي موضوع واحد يبغى يتزوج بس مو عارف كيف بالله كيف مو عارف يتزوج وهو قادر ماشاء الله خصوصا اذا صار موظف بس مايبغى يتعب روحه بالبحث عن زوجه صالحه له والله يااخوكحتى الى ماعندة ام تخطب له والاخوات برضوا قادر لو يروح لامام مسجدهم قايله انا ربي الحمدلله يسرلي وناوي اكمل نص ديني تلاقيه يذكرلك بنات بالحي او من الى يعرف هذا ابسط شي فمبال الى عندة ام وخوات ماشاء الله تلاقيهن يستانسون انه يبغى يتزوج بالاخير الشباب هم اكبر سبب بعنوسه البنات وجلستهم في بيت اهاليهم عشان كذا تلاقي العنوسه يوم بعد يوم تزيد عندنا خصوصا بالسعوديه الله المستعان بس وطبعا الرجال يلعب ويستانس ويضيع تقريبا 30 سنه من عمرة او 35 سنه يرفض الزواج ويضيعهم بسفرات وطلعات يوم يقرر يتزوج تلاقيه يروح لامه ابغى وحدة ماتعدت 23 سنه هنا تلاقي المشكله الاكبر من عزوفهم اول حياتهم طيب الى عمرها فوق 26 من يتزوجها هذي ؟ تجلس عانس عند اهلها والا تنتظر واحد عمرة 22 يجي يخطبهاااااااااااااااااااااااااااااا يااخوي ياساري وش نكتب وش نخلي خلها على الله |
09-01-2008, 02:47 AM
|
المشاركة الأصلية كتبت بواسطة رادع
تتكلمين وكأن كل الشباب منحط وليس فيهم الصالح الذي ليس له تنفيس
الا في الزواج لأنه يخاف الله ... معذرتي لك .. لديك قصر نظر .. |
09-01-2008, 03:01 AM
|
المشاركة الأصلية كتبت بواسطة No#1
يا اخت غموض
المهر هو راس جبل الجليد العائم وما وراء المهر اكثر منه مشروع الزواج يكلف حوالي من 80 الى 150 الف ريال او اكثر مهر+ملكه وهدايا+تأثيث شقة+حفل الزواج وتكاليفه+شهر عسل ومن قال ان تكاليف الزواج تكلف 150 الف  يااخوي حنا ماقلنا تزوجلك بنت تبغى المظاهر ومادري ايش دورلك بنت حلال تبغى الستر واهلها ناس طيبه ويكثرهم بس يبغالك اشوي بحث وصبر اما تكاليف الزواج احسبها معاي قل اقل شي معاك 60 الف خذ 25 مهر للبنت ولاحظ لازم تكون بنت اهلها يخافون الله عشان يعينونك ويعونون خمس الاف حق الاستراحه مع الذبايح 15 الف حق الشقه الى راح تاثثها عند اهلك لانك اصلا مو طالع من عندهم وانت ظروفك صعبه واذا هي بنت ناس تخاف الله راح ترحب بالفكرة وتحبهاااااااا وتشجعك عليها 5 الاف الباقيه روح فيهم شهر عسل اسبووع لمكه والمدينه واستانس وارجع مو لازم تسافر برا انت وايااااااااااااااااااها على قولت المثل مد رجولك على قد لحااااااااااافك هذا الحين صعبه يااخووووووووووووي هونها وتهون وبعد مشروع الزواج هل يبقى من الراتب الذي اكلته القروض والديون الذي يعيشه ويسدد عنه ايجار البيت؟؟ لا تاخذ بيت مثل ماقلتلك اسكن عند اهلك احسن واوفر واريح بعد كل اصحابي الي اعرفهم وتزوجوا كلهم تزوجوا بدعم اهاليهم منهم الي مادفع ولا ريال كله من ابوه ومنهم من ابوه دفع المهر ومنهم من اخذ قرض ضخم لعشر سنوات وابوه ساعده ولكن لا اعرف واحد منهم دفع التكاليف كاملة ابدا ابدا طيب هذا رزقهم كذا ربي يسر لهم الزواج على كتوف غيرهم وانتي ربي ان شاء الله يسر لك بس توكل على الله وابداء البحث عن زوجه لكن الي اهاليهم ماعندهم فلوس وش يسون ؟ ياخذون قرض من البنك او بنك التسليف ومثل ماقلتلك اول ردي يتصرف فيهم بنفس الحسبه الى انا حاسبتها صدقني بتنجح ويبقى بعد منهم وش رايك الي راتبه 4-3 الالف ريال وش يسوي؟؟ العمل يقعد عزوبي !! وسفريات كل صيف السفريه ما تكلف ولا خمسه الالف ريال !! بس يعني لمتى السفر يكون هروووووووووب لازم يعقلها ويتوكل على الله وربي وعدهم يعينهم بحديث الرسول صلى الله عليه وسلم وفيما معنى الحديث ان من الثلاثه الى وعد الله يعينهم رجل يبغى العفاف بس يغى منكم اشوي شجاعه تصدقين مالي وجه اخطب خطبه لاني مامعي فلوس !!! يااخوي وش فيك مصعب الموووووضوع انت اخطب بس جرب خطبه شف يوم تلاقي ملايين البيوت تشتري الرجال شري اذا يخاف الله ورجل دين بس انت توكل على الله وشف يوم تتسهل ربي يوفقك بزوجه صالحه ولود ودود تخاف الله فيك هي واهلهااااااااا مجرد خطبه الزواج بعدين !! |
09-01-2008, 03:35 AM
|
المشاركة الأصلية كتبت بواسطة ساري10
يااخوي من جد تحس اغلب الشباب طبعا مو الكل الغالبيه العظماء منهم مستهر
يمكن ماراح تستوعبين اللي راح اقوله السالفه ياغموض ماهي غاليه ورخيصه .. والا اصبحت بيعه وشراء السالفه كيفية التوفيق وتقريب وجهات النظر بين المجتمع فالمهور متفااااااااااااااااااااوته كثيرا .. وهذا سبب المشكله فانتي تقولين كذا وياتي شخص آخر يقول خطأ هي كذا يااخوي كيف مااستوعب الى تبغى توصله وانا من بين كثير من البنات الى تضرروا من هالشي وبعدين مو صحيح الان تلاقي اغلب البنات متفقه على المهر الى قلت عنه واعمل استبيان بالمنتدى هنا وشف كيف تطلع الاحصائيه يعني لاتحطون العيب بالمجتمع العيب فين حنا الى مو راضين نعترف باخطاءنا مو عارفين نهون المشكله مو عارفين نتغاظى عن اشياء مالها لزمه اصلاً معك انا في النقطه لكن هل تعتقدين ان راتبه له وحده !؟ ربما ياغموض لم تعلمي عن الازمه والكذب الذي حدث بالسعوديه خصوصا كما حدث في الكويت بطريقة المناخ ...؟ اسهم / مساهمات وهميه بالاراضي / مساهمات سوى / كثير ناس شاركوا في البلاوي وسقطوا من اين اتوا بالمال هذا الذي دخلوا به هذا المشروع ..؟ طبعا اكثرهم من البنك يعني جالس مده لين يخلص مشكلته مع الديون ... بهذي انا معاك بس حتى ولو البنك ماياخذ كل الراتب صح والا لا اعرف ناس كثير خسرت ملايين بالاسهم وضاعت عليه كل فلوسه مع ذلك ومع ضيق العيشه الى هو فيها الا انه قادر يتعايش ويفتح بيت لانه اساساً يوم دور وحدة تبداء معاة من الصفر خذ وحدة من يبت يخاف الله تعينه وتعاونه ويمكن خيره للناس غير حتى اذا لقى زوجه ترضى فيه وفيها عيوب يآخذها مايتكبر عليها ويقول ابي جميله ووووووو .... فالمال جالب في رايي ان مصائب قوم عند قوم فوائد بكذا انت تقيس على كل البناااااااات الى متزوجوا ان فيهم عيب غلطان يااخوي هذا اول شي وبعدين اغلب البنات يرضون بعيوب ازواجهم الى تغطي عين الشمس حتى لو هم ملكات جمال عشان بس الستر والحياة تمشى وياكثرهم يعني العمليه عكسيه هي ترضى وهو يرضى وبالاخير الزواج ماجاء على الزين والشين جاء توفيق وتيسير من الله انا معك في هالنقطه وكانت متيسره الامور على الآخر بس ترى كانت فيه سفريات بعد .... يعني لا تحطين السفريات مشكله وكانت فيه المشاكل اللي تقولين بعد بس وش السالفه الحين ..؟ الامور الاقتصاديه تغيرت والمظاهر كثرت والحسد انتشر بين الخلق ومن ناحية البنات انا معك باسشعار الصوره الخارجيه للمجتمع المتوسط فقط! المستوى المنخفض والعالي لهم امور آخرى لان المتوسط .... يقع بالوسط يخاف يطيح تحت وهو ماسك يدينه باللي فوق ! يعني الكلمه المشهوره القويه ( عيييييييييييييييييييييييييب ) هذا الكلمه اخترعهاااااااااا الناس التافهه الى ماله شغله الى رضى الناس وكيف تفكيرهم وش اخر تطور صار عشان نلحق عليه مهمهم سعادتهم وراحه بالهم بقدر مهمهم ان العالم معجبه فيهم وانها تتكلم عنهم بالزين وهذا النوعيه من الناس كثيرة بمجتمعنا خصوصاً بس يضل يوجد ناس كالذهب تلمع تبحث عن راحه البال والستر قبل كل شي ويرضون بالقليل مقابل يشترون رجاااااااااااااااااااااااااال هنا المشكله ويمكن معه حق لكن وش حده على هذا .. يعني على قولتك لاقي لاقي طيب والى عمرها 26 ومافوق من تلاقي لها ؟؟ اذا كل العالم فكرت وقالت مدامني لاقي لاقي ودافع دفع ودي اقرب لك وجهات نظر بدون مجامله حتى لو كانت خطأ صححوها بس ودي تفهمون اللي ابي اقوله بطريقه بعيده عن التشنج واللوم .. الكلام بشفافيه بدون مجاملات اعتقد يفيد ان وضحت اشياء وطرق للغير ربما تفيده وتتيسر حاله الكلام اللي قلت تراه عادي وترى ماتكلمت باللي ابي اقوله واقربه ..!!! |
09-01-2008, 01:18 PM
09-01-2008, 02:32 PM
09-01-2008, 04:34 PM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
