امممم ماصار شي للحين
والمساله زي ماقلت لكم الى الحين ماتتعدا كونها كلام حريم وزيارة امه وخواته
ومن ناحية الشكل هو صحيح يهمني واتخيل شكلي معهم ومدري وشو
بس مو لهادرجه تاثيره واني بانهي ارتباط كامل لمجرد شكله او شكل خواته
انابعد ماعلي قاصر والحمدلله بس مختلفين جدا...
عموما الله يقدم اللي فيه الخير ويتمم الموضوع ان كان فيه خير لي وله !
وبالنسبه لاخوي انه وسيم اللي قصدته يعني ان اخوي قدامه وهو بيعرف ان مافينا لون غريب او قبح باين او اي عيب من اللي تعارض الجمال ...غالبا الاخوان يتشابهوا >>>>وهذا تفكيري قبل لما كنت معارضه زيارة امه بس الحين كل شي زال وتم والله الله يعين

الحمدالله تعدت على خير

الله يوفقك لكل خير

وان شاء الله تتم الفرحه بامرالله

واهم شي صلي استخاره واكثري من الدعاء في السجود باي صلاة ولو ركعتين قبل الفجر او قبل نومك

__________________
للمتزوجين..من يريد منا الذريه فلنستغفر كل يوم وكل دقيقه
من دعاء زكرياسورة الأنبياء..نقول دائمافي السجود(ربي لاتذرني فردا وانت خير الوارثين) وآل عمران(رب هب لي من لدنك ذرية طيبة انك سميع الدعاء) لغيرمتزوجين..من يريد منا الزواج فلنستغفر كل يوم مع الدعاء..نقول دائما في السجود (ربي اني لما انزلت اليي من خير فقير) لطلب الوظيفه والمال وغيرالكثير...فلنستغفركثيرا..دعواتكم لي بالزوج الصالح ولإخواتي المسلمات
اللهم ارزقنا ازواج صالحين عاجلا غير آجل اللهم آمييين

الله يكتب لك اللي فيه الخير وييسر امرك

موفقه اختي بأذن الله

الله يسلمكم ويخليكم يا رب
ماقصرتوا كلكم

بس بغيت اسال.. الحين كم الوقت المتعارف عليه عشان يردون ؟؟
يعني الحين صار لهم يومين.. المفروض بعد اسبوع او اقل او اكثر؟؟
وغير كذا الحين هل اعتبر انا حاليا بحكم المخطوبه؟؟
يعني مايجوز احد غير يتقدم لي؟؟

وردة سنية.. وش عمل مختلط ومش عارفة ايش!؟ الى متى هالكلام؟؟ العالم يتطور وانتو تركزون على شغلات تافهة.
شي طبيعي الطبيب يشتغل في مكان مختلط، اجل وين تبينه يشتغل؟ وحرام الطبيب يتزوج بس لأنه شغال في مكان مختلط!؟
مو كل اللي يشتغلون في مقر عمل مختلط يعني منحرفين أخلاقياً وفكرياً، والله البلاوي تلقينها عند اللي يعانون من الكبت واللي شغلهم من تحت لتحت! واللبيب بالإشارة يفهم!!

ريوف الخبر.. وش فيها اذا جات أمه؟ هذي من العادات والتقاليد ومعناها انها جاية تتعرف عليكم مو تشوف شكلك وبس... جاية تتعرف على شخصيتك وأسلوبك قبل كل شي وهذا من حقها.... والله الله في أم زوجك من الحين اقول لك؛ أهم شي أمه عشان الله يوفقك في حياتك الزوجية لاحقاً.
والمفروض تفرحين وتتفاخرين ان خاطبك طبيب وبرستيج!

groovy..
ماقلت شي عن انه طبيب وبالعكس هذا شي كويس بس انا سؤالي عن قضية وقت الطبيب وكيف باتعامل معها وانا طلبت المشوره من وحده مجربه موب رايهم فيه كطبيب ..
ومن ناحية اهله انا ماعترضت على مستواهم ولا احتجيت على جمالهم.. بس كذا حكيت لكم الوضع واللي جا ببالي بسبب الفرق !!
امممم والحين اصلا مادري لسا ماصار شي ولا ردوا علينا..!
يعني تو الناس على انها تصير ام زوجي

زودي المكسرات والحلويات

وابتسمي ابتسامة الرضاء وخففي شوي من المكياج وخليك على الطبيعي
ولاتتصنعين اي امر كوني مثل ماانتي
وندعو لك بالتوفيق

بكرا بيجون رسمي ابوه واخوه وهو
:$

الله يوفقك ويتمم لك على خير ولاتنسين تبشرينا .