السلام عليكم
اشكر كل من رد علي برد قاسي ورد طيب اتقبل ردودكم بصدر رحب

اولا.: انا انسانة رومانسية وعاطفية

2.:الولادة ماأثرت علي لانها قيصرية يعني من البطن

3.: اللي تقول الحياة انتي عندج جنسية من قالج انا الحياة عندي جنسية

4.: زوجي حياته كلها فالبيت مع بنته لدرجة والله يسوي لها الرضاعه وينيمها

احين بتكلم انا حياتي مو كلها جنس لا والله بس انا طاهرة من اسبةوع وزوجي عندي فالبيت فذمتكم منو مابتطهر وبتشتاق لريلها يجامعها

خاصة انه يلمح لي برمسته وانا اذا زوجي مابطفي شوقي من بيطفيه يعني انا اكلمه وابين له بس ماينفع معاه


بعدين زوجي مافي اي شي شاغل باله والله ثم والله ثم بالله لو تعرفون يعني حياتنا الحمد لله حمدا لايشكر مفتوحة من ناحيتي وناحيته اي شي عنده يخبرني فيه سواء العمل الاهل حياتنا الخاصة


بعدين احس اكثر اللي رادين يقولون يمكن انتي تغيرتي لا والف لا انا مثل ما انا ماتغيرت بعدني اكلمه اتدلع له كل شي بس مادري هو سبب تغييره لي يمكن من كثر ماقاعدين ويا بعض ملينا

وعلى فكرة زوجي من النوع اللي يحب الاطفال يعني تقولون الوقت ماخذني عنه في تربية بنتي للاسف والله لو تشوفونه

هو قايم بكل واجباتها يمكن انا بس البسها واسبحها واغسلها الحمد لله الله يخليها لنا يارب

حتى كلام حلو ماقاعد يقول يعني صار وقته كله فبنته وتلفزيون

والله لدرجة قمت اغار من بنتي يوم بيقوم الصبح بيصبح عليها وبيبوسها وانا ماشوف شي يوم بقله بيرجع لي وبيقول اكيد انتي امها الغزل لج بس ماشوف شي

مايقول لي شي واحين والله صاير لي من 3 ايام ماكلمه لانه غلط علي باسلوبه كنا راجعين من خطوبة اختي ولا اعتذر حتى بس البارحة قال لي قومي بوديج البحر وبعد اصرار منه سحبني وسرنا بس بعد ماتكلمت لانمه مااعتذر لي

وهو اللي عودني على الشي الاعتذار واحين بدا يهملني ؟؟؟

والله مب عارفه شسوي قلت بسير بيت هلي يمكن يحن ويشتاق لي ويشتهيني بس ماداريه شو اسوي

حتى بنتي مومهتمة فيها من النفسية الارف الله يخليكم خففوا بردودكم القاسية علي .........؟ انا ضفت موضوعي

للتخفيف وليس لزيادة الضيق

والسموحة ترا كنت كاتبة الموضوع على نيتي والله ماكنت اعرف انه في اشياء ممنوعه اعذروني

انتظر ردودكم الحلوة والنصيحة

(فليقل خيراً أو ليصمت )

ياحبيبتي قولي له كل الكلام بس بدلععععععععع
قولي له تبي الحق صرت أغار من بنتي
وقولي له هذا حق "وانت اللي حببتني فيه"ليش الحين تحرمني منه
البس مغري وتعطري وخلي الشوق يبان من عيونك وبسمتك
كوني فاتنة دائما

الخير اختي الكريمه انج تذكرين الله وتوسعين صدرج وتصلين لج ركعتين....

وتحاولين في تسوين شي جديد لكم وتكسرين الروتين مثلا طلعه يوم عشاء في مكان جميل وهادء مع كشخه وكلام طيب ...

وان شا ءالله بتتيسر امورج اختي بس انتي حاولي تغيرين من الروتين بروتين جديد طيب يوسع صدركم انتو الاثنين وبعدها ان شا ءالله خير...

__________________

__________________

ياحبيبتي انت خلاص لاتزعلين انا كل اللي قلته من مصلحتك حبيبتي
بس لاعاد اسمع منك خيااانه وماخيااانه هذاا اللي ضااايقني حييييل

شوفي حبيبتي سوي زي ماقالت لك أختنا ناني تغلي عليه
والبسي ملابسك المغريه واهتمي بنطااافتك وتتدلعي
والباااقي انتي ادرى


واذا مافاااد مافيه غير المصااااارحه
صااارحيه لانه هو عودك على هذا الشي لازم يستمر
مب على كيفه
بيتغير لاتخااافين ولاتسيرين بيت أهلك
ولاتخونين انتبهي
حلي الموضوع بطريقتين هذي وان شاءالله بينحل الموضوع
الله يسخرلك زوجك ويسعدك ويحفطك يارب

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

والله فاضية ورايقة شوفي بلاوي الناس تبغي تخوني زوجك عشان انبساطك انتي ماتحبي زوجك انتي تبغي الجنس وبس لو اي واحد اعطاك اياها خلاص بسد محل زوجك يعني اكيد زوجك حس فيك هالشي وبعدين مجرد التفكير بانك تخونه فانتي بالفعل اصبحت خاينة اتقي الله ايش هالتفكير اقلبي المسالة وزوجك الي ملاحظ انك ماتبغيه وراح خانك ايش ردت شعورك حتسبي وما حتخلي وحتطلبي الطلاق صح ولا لا ارحمي اكيد زوجك زهق صار عنده شبع واكتفاء جنسي اثقلي التقل صنعة واعذريني على جراتي بس والله كلامك مايبرد القلب

__________________

اختي الكريمة
مسامحة
كوني صريحة مع زوجك
استغلي الاوقات التي يكون فيها زوجك رايق و ما عنده هم و فاتحيه بالموضوع
بما انك قلتِ انك ما بتخجلي من زوجك
احكي معه بكل صراحة و اطلبي حقك الشرعي بدون خجل
و ذكريه بحقك عليه و انك مالك غيره يحصنك
و إلا لما كنتِ تزوجتِ

تم دمج الموضوعين ليتم التفاعل بشكل أفضل

__________________
.
.

استودعتك أهلي في سوريا يا من لا تضيع ودائعه

ام لؤي اولا مشكورة على مرورج على موضوعي

ثانيا مومن حقج تتهميني بالجنس انا انسانه مو جنسية فقط انا انسانه فيني الصفات اللي تدور على بالج كلها ولله الحمد وتقولي شوفي مشاكل غيرج انا ماقول غير كل مشكلة ولها حل عمرها ماكانت مشكلة بدون حل وانا مشكلتي مش دايما مشكلتي هاي من اسبووع فقط مسوية لي حالة نفسية
يعني انا زوجة ومجتاجة راحتي من زوجي بس ماطلبت شي بعدين غناتي انتي داخلة بعصبية ليش اذكري الله واانا يوم قلت ادور العاطفة من غير زوجي لاني محرومة واصلا والله مابتجرأ اسويها اولا خوفي من الله بس والله ثم والله ثم والله الذي يشهد علي من الضيقةوالغصة والنفسية ماعارفه شسوي الا واصابع يدي تكتب
استغفرك يارب
وبعدين لاتقولين زوجك مل مني
رجاءا ماتعرفين حياةة غيرج خلاص كتبي كلام خير او حياج لا تمرين على موضوعي

بعدين انتي تقولي انتي تبي الجنس وبس لا يالغالية وكيف ضميرج يسمح لج تتهميني اني انا بس من يطفي ناري وراحتي وشهشيتي كيف يعني انتي تبي من يعطيج الجنس وخلاص والله تفكيرج جذا ليش ولا بنت الشارع بعدها بتقول جذي ابا من يعطيني الجنس وخلاص صدقيني ماراح اسامحج وفذمتج هالكلام
هاي رمسه فذمتج بتم اوكي
الغالية انا قلت حاطة موضوعي للحلول موب للنكد الزايد


عموما مشكورين كل اللي ردوا علي
وبعدين شو دراج انه زوجي ماخاني بس ياني يصيح عسب بس اسامحه

خاني كذا مرة بس الحمد لله الحمد لله انه مرت بسلام واحين لو شو ريلي مايلفت لغيري خاني وغفرت له خاني وسامحته انا ابغيه احين ومطنشني انتي شو تفسرين هالشي فذمتج

انا ماتجرأت اخون اخاف من رب الارباب اولا ثانيا تربيتي بس يوم اعصب منه اقوله خيانة وبرمس غيرك يعوضني ابغيه بس يحس ولكن بلا جدوى يحس ساعات وعقب يرد مثل ماهو

الله يخليج يوم بتكتبي وبتردي ردي برد لائق هب رد بلا مستوا الظاهر حطيتي عصبيتج علي
بس في رمسة فذمتج بتكون يا ام لؤي انتي ادرى فيها .............؟


والسموحة
موضوعي للمساعده هب للنكد علي اللي فيني مكفيني .......؟

وش فيك يابنت الحلال معصبه؟؟؟
تلاقي هنااا الردود اللي تعجبك واللي ماتعجبك
اقبليهاا حبيبتي بكل صدر رحب
وخدي الردود اللي تعجبك وطنشي اللي ماتعجبك ولا كأنهااا فيه مري عليهااا مرور الكرام
بس لاتضيقي حالك
دااام الخيااانه طلعت كدا بدون قصد
خدي بوسه هديه
ادري فيك الحرمه فينا بس تتكلم ويوم تجي تنفذ تفكر مليون مره

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

حبيبتي .. أنا بأكلمك كأني أكلم أختي, وكأنها أختي اللي طالبه المشورة مني

والله إن هالشيء اللي يصير طبيعي جدًا، وأنتي مكبرة الموضوع عن حجمه حبتين ..

أكيد تتساءلين ليش ؟

أقولك إن بداية الزواج تختلف تمااااما عن الحياة الاعتيادية اللي يعيشونها الأزواج !

يعني مستحيييل تستقيم الحياة عن الرجل خاصة، إذا كانت كلها رومنسية × رومنسية

بعدين شوفي يا قلبي..ترى الرجال بالذات ما يحب الجريئة بزيادة..واسمحيلي يعني، يحب تكون المرأة غامضة، ما يعرف وش اللي وراهـا..مو كل شيء ع المكشوووف !

لا .. هو يبيها غامضة، يبي شيء يشد ناحيتها، يحب يحس إن في عندها حياتها الخاصة, اللي هو مو من ضمنها، هواياتها .. قراءة رسم، كمبيوتر .. شيء مختلف عنه وعن عالمه

لا تحصرين نفسك وسعادتك معاه، لأنك بتتعذبين جدًا !

لا تخلينه هو كل عالمك، وسعادتك كلها ما رح تتحقق إلا بين أحضانه، وما رح تلقين الإشباع العاطفي إلإ من عنده


شوفي اهلك/ أمك/أبوك/أخواتك/صديقاتك

سوي علاقات كثير، زوري صديقاتك، اعزميهم، غيري بستايل البيت...

والله ثم والله أقولها لك عن تجربة إن الزوج يموووت على زوجته إذا انشغلت عنه !

زوجي مثلاً .. من النوع الصامت اللي ما يتكلم كثير، ما تطلع السوالف إلا إذا جيت أذاكر، أو انشغلت بكتاب أو صرت بالمطبخ !!

لما أكون متزينة ومتعطرة يعني متبعلة له بالعربي، يصير مو فاضي لي ويبغى يتفرج !

ومو الزوج بس، الناس كلهم بشكل عام، يحبون الشخص اللي مو ميت عليهم..اللي عنده إهتمامات وهوايات

لأنهم يحسّون إنه إنسان واثق من نفسه، وإنسان يحب نفسه قبل كل شيء !




الله يسعدك ويوفقك


بالنسبة للردود القاسية، فأقول يا إخوان ويا أخوات خافوا الله..الحرمة ما حطت مشكلتها تلعب! حطتها تبي حل

ترانا إخوان والله ما يصير الهمجية بالردود كذا ..!