ام داليا بتعيط ونورين رجعت قرت القصه
تأثيرى مذهل!!!!!!!!!!!!!!!!!!!!!!!
انا مش يأسه بالعكس ........انا عندى ولد وبنت كبار 14 سنه و10 سنين وعلاقتى بطليقى كويسه الحمد لله بس كويسه بحكم انى عشت معاه من وانا 17 سنه وهو كان اكبر منى ب20 سنه عشت معاه سنين طويله بس القسمه ( هبقى احكى لكم قصة جهاد وسلامه بعدين لان دى ولا قصة ابو زيد الهلالى )
هو هددنى فعلا بانه ياخد الولاد لو اتجوزت ...... طبعا كان منظر مميت وانا راكعه وبعيط قدام عيالى وقلت له هفسخ الخطوبه .......... البيه متجوز وعايش حياته بس ما علينا
والقانون يدى له الحق ده فعلا لو انى اتجوزت ......... يعنى حتى القانون احيانا بيكون ظالم وبيقولوا ده شرع بس شرع من غير عقل او قلب او تفصيص كل حاله على حسب ظروفها ( مش مجالنا دلوقتى نتكلم فى ده )
اه فى مصر الوضع اهون ( ده بالشكل بس من بره بس حبيبتى .......مناظر )
انا اقتنعت انى لو اتجوزت هلاقى مصاعب كتير اوى
اولادى .......طليقى .......اهل الننوس الجديد .......زلعريس يعنى ......... مراته بقى وللا طليقته وللا عياله ......قرف وقلة قيمه....أنا ناقص يا اخويا
بالعكس انا كده الحمد لله والفضل لله .......... منتهى الثقه فى حكم ربنا وفى انه هيجازينى خير.......ده كفايه الستر وان ما حدش بيشمت فى ولا يقول يا عينى غلبانه!!!!!!!
وبصراحه اخدت عالوحده ....... يعنى مش بقيت اتحمل حد فى حياتى وراجل بقى والبس واتهندم عشان رضا سيادته وافضل خايفه طول عمرى
ربنا كمان ما ارادش وانا مش مهتمه يوم ما يريد هتتشق الارض وهيطلع لى نصيبى.......ثم انا عاوزه اتجوز فى الجنه حد من اتنين إما سيدنا عمر أو سيدنا حمزه .......اعتقد دول افضل من الرجاله اللى على الارض ومين هيتحمل ست عندها مخ ودماغ بتفكر ........
انا ببيتى على طول ومش اكتئاب بالعكس انا بموت فى البيت وبكره الطلعات والخروج .......
ما بتكسرش بالعكس كل ازمه بخرج منها اسد واقوى بكتير .......تخيلوا محسوده عالقوه وعلى انى مش بشتكى
ماليش صديقات وبرضه مبسوطه صديقاتى انتم والورقه والقلم
بكتب قصص قصيره وعملت كتابين منهم واحد فاز بجايزه من الامارات
يعنى مقتنعه بنفسى .......
فتوشى تكتئب وللا تزعل ........فششششششششششششششششششر
موضوعك مهم يا ام داليا ......... والناس بس عامله روحها متحضره........سيبك سيبك كله محصل بعضه
21-11-2009, 03:19 AM
ضوابط المشاركة
العرض المتطور