خلااص سيرتى بقت فى المنتدى عادى كده
فتوشى بتعانى
اهىء اهىء

لا مش بعانى انا معاناتى خلصت من زماااااااااااااااااااااان
هى معلمه فى اه بس خلصت

عارفه خلصت ليه يا نور عيونى ياللى مقهوره وانتى لسه 23 سنه
عشان عرفت ان قضاء الله كله خير..........
ربنا ما بيعملش حاجه الا لها حكمه ممكن ما تبانش ساعتها بس لو كل ازمه عدت بصيتى وحاولتى تعرفى حكمه ربك فيها والله والله لتلاقى انه اختار لك احسن من نفسك

اولا انتى معادك لسه ماجه........لسه
واللى ندمانه عليه حاولى كده تتصيدى اخباره هتعرفى ربنا الهمك الرفض ليه!!!!!!!!!!!
عارفه لو مشيتى بطريقه انك تحاولى تعرفى الحكمه من كل شىء بيحصل وحش من وجهة نظرك ........هتلاقى بعد شويه الحكمه دى بتظهر لك فوريه ......ربنا هيلهمك سبب تصرفه وانه كان افضل شىء بالنسبه لك
هتهدى خااااااااااااااااااالص وهترضى بأى شىء
حتى الموت بعد الشر هتشوفى فيه خير ليكى لو فقدتى عزيز
هترضى رضا القانع مش العاجز ...........
القانع
فرق كبير اوى اوى

شغلك اوعى تسيبيه ده نعمه الانشغال نعمه
ما تهلكى دماغك بالموال بتاع الجواز ده ..........ده رزق يا بنتى
ينفع دماغك تتفرم على المال مثلا ........هل هيجيلك المال وانتى بتفكرى فيه
بالعكس هيهرب منك

انتى عارفه ان المك ده بيبان عليكى غصب عنك ............
وبيدى ايحاء مش تمام للى بيشوف الالم ده عند كل فرحه لحد تانى.......
انتى عارفه ان ده ممكن يهرب الناس منك ويخوفهم ويحسسك بالوحده اكتر

افرحى بايامك وشبابك ونعمة الحريه فى النوم والصحيان ولمة الاهل والاخوات والهواش والاكل والشرب..........
حبيبتى مستعجله على الهم ليه جاى جاى يا امى .........هيسيبنا ويروح فين؟

وبعدين يا ستى ما تزعليش انتى اكبر من ابنى ب9 سنين هو لسه 14 سنه خلاص هخليه يخطبك ولا يهمك واهو تربيه على ايدك :14:........بس خللى بالك ابنى تقييييييييييييييييييييييييل اوى هيغلبك يعنى!!!!!!