للأسف خنت ربي واهلي ونفسي
السلام عليكم ورحمته وبركاته
صباح\مساء الخير
أنا جديده بمشاركتي أول مرره أشارك بس متابعتكم من زمان وتقريبا أعرف أغلب الأعضاء هنا
قبل ماأدخل بمشكلتي بطلب منكم طلبين
أولا 00الدعاء لي بالستر والمغفره
ثانيا00قولوا الحمد لله الذي عافنا مما أبتلاك به
لا تستحقرونني فيوم ما كنت مثلكم
أجرحوني بالكلام مو مشكله عسى الله يبدل حالي بعد كلامكم ويحيى قلبي الذي مااات أو شبه مااات
أو في طريقه الى الأحتضار الله المستعان
قبل كل شي والله أني من عائله محافظه سمعتها زي العسل يضرب الناس فينا بالامثال
عمري مامشيت الغلط الحمدلله لا ببداية شبابي ولا بمراهقتي يمكن تكون لي بعض الهفواات البسيطه جدا فأنا بشر لست بملاك
بس بالأشياء الكبيره مالي فيها وأخاف الله سابقا فيها
أنا متزوجه عمري 27 وعندي أبناء الله يحفظهم لي ولايوريني فيهم مكروه
بس تاركه زوجي من سنتين لأسباب خاااصه لاأستطيع ذكرها ليسى لشي بس أخاف
أحد بالمنتدى من معارفي ويتعرف علي ومابي الفضيحه دام الله ستر علي
بدخل بالمشكله
من جيت لبيت اهلي وبسبب كثرة مشاكلي وبسبب الضغوطات اللي مريت فيها
تعرفت للأسف للأسف جدا على شاب من جيراننا من بعيد وكنت أحادثه بالجوال
والله كانت مكالمتنا جدا رسميه وماكان ببالي شي سوى التسليه والهروب من مشاكلي
كانت مكالمتنا مافيها الا الاحترام الشديد وهو أنسان ضعيف وطيب كنت أتركه لما احس بتانيب الضمير
واطلب منه تركي وعدم الأتصال بي وهو يفعل كما أريد
بس لما أمر بضغوطاات ألجأ له لاني واثقه فيه وأثق أنه ماراح يسوي بي شي غلط
مرت الايام وأنا مره اتركه ومره أرجعله وهكذا
كنت واثقه بنفسي أنو ماراح أسوي غلط وان مكالمتنا ماراح يسير فيها شي
قربنا من بعض أكثر وأكثر بالمكالمات ونسيت قول الله ولا تتبعوا خطوات الشيطان ووثقت بنفسي وااغتريت فيها
بيوم أثناء حديثنا سحبنا الكلام وتكلمنا بما يسير مابين الازواج كلمه وراء كلمه وسؤال وراء سؤال
الين وقعنا بالمحظور وسمع مني مايسمعه الزوج من زوجته بعدها
حسبي الله ونعم الوكيل
ندمت وخوف وبكيت وتبت واستغفرت ومرت الايااام ورجعت له بغرض معرفة اخباره الشيطان قالي كذا
والباطن اللي بصدري عكس الظاهر
تقربنا هالمره من بعض اكثر عكس المرات الاولى وأعترف لي بحبه الشديد
وأغتريت بكلامه ووقعنا بالمحظور مررره ثانيه
وندمت بعدها وتركته ورجعت مررره اخرى
وكل ماارجعله تتطور علاقتي معاه ونتقرب من بعض أكثر
واضفته عندي بالماسنجر وارسلي مقاطع أباحيه
انا طلبتها منو ماكان ببالي شي كان بس مجرد فضووول
لأن زوجي كان دايم يقولي انتي بارده وجاهله وكنت بشوف
العالم الخارجي والناس اللي حولي بشنو يزيدون عني
وشنو الشي اللي مو عندي وعند غيري
وصرت أتكلم معاااه بجراه مطلقه وانزع مني الحياااء وماعاد يهمني أحد
العلاقه كلها مكالمات وهو والله العظيم عمره ماشافني او شاااف جزء مني
اللحين تركته من فتره وفهمته أن هالشي مايصير وهزئته وجرحته بالكلام وجرحت نفسي
بس قلبي مااات مو مثل أول صح أني احس بالذنب وبالغلط بس مو حاسه أنه شي كبير
وأنكسرت نفسي بعيني وصرت أشوف أني أنسانه حقيره مااستاهل شي طيب
حتى عباداتي أهملت فيها مالي وجهه أطالع في لله
وأحس أني منافقه لأني اتوووب واندم وأستغفر بس أرجع ولأن اهلي أحسهم ماخذين فيني مقلب
يقولون هاذي العاقله اللي تخاااف ربها وماتطلع منها العيبه
ويثقون فيني وللأسف ثقتهم ماهي في محلها
غير كذا سابقن كنت أدخل شاتات واتكلم مع شباب في العلاقه الخاصه
واثريهم بالكلام مو علشان أنا أبغى هالشي لا والله الله أعلم بنيتي كان مجرد فضول
مثل ماقل سابقن بأعرف وش الناقص فيني ومو عندي وعند غيري
والسبب زوجي سابقن
اللحين وشلون أتوب كل مررره أتوب وأعاهد ربي أني ماارجع وارجع
وهالمره والله صااادقه ماابي أرجع ولا أبي طريق الغلط
وشي ثاااني ملازمني خوووف بأن الله بيبتليني بفعلتي بنفسي أو باولادي واني ماراح أشوف خير
أيضا وشلون أنسى وأمحي الغلط اللي سويته من بالي
وشلون أرجع ثقتي وأحترامي لنفسي000
وبس
أدعولي بالستر والمغفره
وأعذروني على ركاكة أسلوبي لانه خرج من قلبي من غير ترتيب لكم مباشرة
وجزاكم الله كل خير
22-02-2010, 04:46 AM
ضوابط المشاركة
العرض الشجري