انا أقول لا تستعجلين ولا تفكرين بالزواج لين تنسين طليقك او بالاصح تقنعين نفسك إنه خلاص عابر سبيل وانتهى ومستحيل يرجع
يكفي إنه باعك بسبب كلمة خرجت من لسانك بحسن نية وصدقيني هو الخسران
فنصيحتي لا تستعجلين وأعتبري خطبة هذا الشخص بداية المشوار للتفكير بشكل أفضل ولتأهيل نفسك لحياة آخرى
انا مطلقة بلا اولاد لكن مو عروس تقريبا مكثت كم سنة بعدين تطلقت
لكن حبيت أفيدك والله يوفقك

__________________

دعووووواتكم لاختكم لحن السعاده

__________________

انتبهي من المطلق
زوجته ماتطلقت من زوجها وهي عندها اطفال الا وفيه بلا
انا خذيت مطلق وماسالنا عنه اسباب طلاقه وهذا انا اكتشفت بنفسي اسباب طلاقه انه انسان مايتعاشر

__________________

انا مطلقة بس ماتزوجت مره ثانية < اجل ليش تدخلين !

اتوقع الزواج بعد الطلااااااااق مباشرة صعب جدا خصوصا للمرأة

وبعد إذا كنتي تحبيه !

انا بعد سنة يالله تقبلت موضوع اني انخطب !

وإذا تقدملك انسان كفو خوذي وقتك بالاستخااااااارة والدعاااء

اسأل الله ان يعوضك ويعوض كل المطلقاااااات خييييير

__________________

__________________

انا متاكده بتلقين احسن منه ......انتي طليقك فيه عيووووووووووب بس ماتشوفينها الا بزواجك الثاني
بس اسألو زين عن اللي يخطب والافضل مايكون معه اطفال .. ولو كان مطلق اشرطي عليه ماريجع طليقته بعقد الملكه..

المهم .. من عيوب زوجك انه يكذب ويحط اللوم عليك .. من ضمنها الشقه لما طلعك معه واشياء ثانيه كذاب وجبان .. ويحملك المسؤوليه لو يحبك ويموت فيك ماتهرب .. وكان حط كل البلا من راسه حتى لو انه فعلا ماسوى هالشي

ومن عيووبه انه يصارخ عليك وانتي تسكتين .. وفيه غير وغير ..
بس تدرين .. انا زوجي مابيه وماحبه .. لانه خاين .. اكتشفت بعد سنين.. انتي ماتدرين بعد كم سنه يمكن تكتشفي عيوب وخيانه ..

اول الزواج والملكه واول سنتين بالذات تشوفين حياه ورديه كلها كلام معسول وحب ودلع وحتى الزوج مايرفع صوته عليك ولا يغلط تعيشين احلا مما عشتي مع طليقك ..

انا رغم اني سبيت بزوجي وحاولت اكرهه فيني .. لكنه مازال يبغاني ويدافع عني ويحط اللوم على نفسه لو انا سويت شي غلط
مايتهرب مثل زوجك .. هذا دليل انه يعشقني .. لكني مابيه .. لان اللي يسويه زوجي مايغفر له اللي سواه فيني بخيانته

حبيبتي انتي عشتي معه فتره بسيطه .. ومامداك تعرفين زينه من شينه ..
انتي اذا جاك نصيبك لاترفضين ع طول..
اسألو عنه زين واستخيري
ولما تقرري تتزوجي اشرطي ومن ضمن الشروط

شقه مستقله مأثثه ..
اذا كان مطلق لا يرجع طليقته...
مؤخر ..

هذا كله عشان تتفادين الخوف اللي فيك..
ولو الرجال اللي متقدم لك شاريك بيوافق عالشروط..

__________________

السلام عليكم ..

يمكن مداخلتي مالها دخل بالموضوع بس حبيت أشارك ..

أنا مو مطلقه .. لكني بكر تزوجت من مطلق لديه أطفال ..

احوال وتجارب الناس تختلف .. وخاصه نفسيتك انتي وتقبلك للموضوع بما إن عنده اطفال ..
لكن إذا كفؤ .. وأستخرتي رب العالمين .. وأستشرت ممن تثقين برأيهم .. كملي مشوارك ..

لكن بقولك أنا ماعرفت سبب طلاقه الحقيقي إلا لما دخل بي .. ماحب يفضح .. وكان السبب خيانه ..

الحمدلله عايشه حياتي معه .. صحيح فيه إيجابيات لكن اللي يعيبه مطلق بأطفال .. وحساس

عموما هذا قدر ربي لي ..

أنا أستخرت الله عندما تقدم لي فتررره طويله جدآ .. وأستشرت .. وكلن أشار بالموافقه ..

وعلمت أن الله إختار لي الأفضل .. لكن الله يعفي عنا .. إذا زعلت تمنيت اني ماتزوجته ..هههه

الله يكتب لك اللي فيه الخير .. ويشافيك من الالم اللي فيك ..

امين يارب
وياك اختي

__________________