جزاكم الله خير جميع
والله اني احس فيكم اخواني الي افضض بينكم بدون تحفظ
الي صار امس شي غريب واكتشفت لاول مره ان بعض الناس ما يجو الا بالعين الحمرا والتحقير
مع الاسف مو من صفاتي اني احقر احد ولا اقسا عليه بس اكتشفت ان بعض الناس ما يمشو الا كذا وهذا تصديق لبعض الاخوان والاخوات
رجعت البيت وانا شياطين الدنيا كله قدام عيوني دخلت الصاله وهي كانت كذا
هي: ابي اتكلم معاك فموضوع
انا :جهزتي اغراضك
هي : اغراض ايش
انا اوديك بيت اهلك
هي ليش؟
انا عشان الي بيننا انتهى وانا ما ابيكي
هي بس انا ابيك
انا مايهمني غيرك كثير يبوني
انا بطلع اخذ كوفي وبجي تكوني مجزه اغراضك
هي اسمع اسمع طرااااخ قفلت باب البيت وان كذا
بعد عشر دقايق وتتصل الشغاله سير تعال بسرعه
انا ايش فيه
الشغاله : مدام طيح من درج
رجعت البيت وفي نفسي اقول بدينا فكيد النسا
والا القاها متشنجه وعيونها مقلبه والا اتصل ع الاسعاف جو عطوها ابره مهدئه وقلي الطبيب انهيار عصبي لكن بترتاح مع الابره
ما انكر اني سخفت بحالها لكن بالقلب شي
بعد 3 ساعات صحت من النوم جاتني وانا بالصاله قالتلي انا حيوانه انت طيب وملك وماتتعوض وانا قصرت معاك كثير اوعدك اني بسوي كل الي تبغاه بدون ما اعابط ولا انرفزك ولا اتحداك انا غبيه الي بضيعك من يدي انت كنز.
بعد ما خلصت كلام جاني ابليس وقلي نرفزها شوي
قلتلها ام فلان جهزي اغراضك ولا طاحت ثاني عاد والله اني حزنت عليها وحبيت اني الطف الجو جهزيها عشان بنسافر نغير جو مو بوديك بيت اهلك.
وهديت الان وصارت ملاك بس انا ادري كم يوم وبترجع لعادتها
بس تبون الصراحه نفسي مهي متقبلتها وحاس معاها باحساس غير مريح والله
اولا لانها من النوع بالضغط تتعدل مو بالاحترام والود
ثانيا لاني ادري انه بترجع لعباطتها وعنادها

هذا ودمتم سالمين
في انتظار الردود

الحمدلله على سلامتها وسلامتكم من الطلاق

مافيها شي لا ضغطت عليها كل فترة والثانيه
بعض الحريم فعلا ماتمشي الا بالعين الحمرا
بس لاتزود العيار عليها

وحاول انك تفتح معاها الموضوع من جديد حتى تتفاهمون على الاشياء اللي تساهم على استمرارية هذا الزواج

الحمدلله ودائما احرص على الشدة
وخير الامور أوسطها ،،
والله يوفقكم

ياخي الله يحميكم لبعض .. زوجتك طيبة بس احيانا تنسى و تبيك تذكرها بالعين الحمراء

وويش خسران كل فترة و الثانية كشر عن انيابك

لو شفتها فعلا رجعت لعادتها بعد فترة .. وديها بيت اهلها اسبوعين و تلاقاها تعدلت وياااسلام
المهم شيل فكرة الطلاق ... لانه ماشاء الله بينكم محبة .. بس ابليس شاااطر
بكرة تعقل و تتذكروا هالايام و تضحكوا
والف سلامة عليها

__________________
سبحان الله... الحمدلله ... لا اله الا الله .. الله اكبر
سبحانك لا اله الا انت اني كنت من الظالمين
استودعكم الله

الله يقطع ابليس الي يلعب براسك يعني يوم عرفت مفتاح الوصول لرضاها تقول ماني مرتاح ؟؟؟؟
هذا مزاجها والحمدلله أحسن من غيرها الواضح من الكلام انها تشعر بخطأها بسرعة
وكل امرأة تمر عليها ظروف تكون موطايقة البيت ولا الولاد ولا حتى زوجها وأوقات حتى نفسها وماحدى يقدر يناقشها بكلمة ومع الأيام ترجع مثل ماكانت إذا شفتها تغيرت كلمها بأسلوب مو لازم تشد الشدة موكل وقت؟؟؟
بس الكلمة الحلوة تغير الحياة من ___ إلى
تعوذ من الشيطان وارضى بما قسمه الله لك تكن أغنى الناس

الله يهديها ويسخرها لك
بس حرام لاتزيد العيار عليها شد عليها بس مو لدرجة تتسبب لها بانهيار عصبي
وبعدين فعلا مثل ماقالت ام عبدالملك يوم اتعدلت تقول ماني مرتاح !
لاتسمح للشيطان ووساوسه انها تسيطر عليك

تعوذ من الشيطان الا الطلاق كسر المراة طلاقها لا تكسرها انتبه هذي ام عيالك
نصيحه خذ اجازه وروحو عمرة وابدوا حياة جديدة وقفلوا كل شي لا تخلي الشيطان مدخل

ياخي لا تطاااااااااااوع الشيطان

اللحين شيطانك فاااله ومستانس وهاجن الكشره وانت تطاوعه
عـن جـابـر بـن عـبـدالله رضي الله عـنـه قـــال :

قـــال رسـول الله صلى الله عـلـيـه وسـلـم :

(( إن إبـلـيـس يـضـع عـرشـه عـلـى الـمـاء ، ثـم يـبـعـث سـرايـاه :

فـأدنـاهـم ( أقـربـهـم ) مـنـزلـة أعـظـمـهـم فـتـنـة . يـجـيء أحـدهـم ( مـن جـنـوده ) فـيـقـول فـعـلـت كـذا وكـذا .

فـيـقـول إبـلـيـس : مـا صـنـعـت شـيـئـا .

قــال : ثـم يـجـيء أحـدهـم فـيـقـول : مـا تـركـتـه ( ابـن آدم ) حـتـى فـرّقـت بـيـنـه وبـيـن امـرأتـه .

قــال : فـيُـدنـيـه مـنـه ويـقـول : نـَـعـَــم أنــت )) صـحـيـح مـسـلـم .

ياخي اهتم انت وزوجتك بالجانب الديني ، لا تجعلون بيتكم مأوى للشياطين
احرصوا على اذكار الصباح والمساء

اللحين بمجرد ماتصكر الصفحه طوالي تروح تقرا سورة البقره وحث زوجتك على قراءتها واستمروا عليها
وتاكد ان ربي بيطرح البركه بينكم وبتكون حياتكم من احسن ماتكون