استخيري وادعي الله ان كان هووالشخص الصالح الله يجعله من نصيبك

بنات انا واضح اهتمامي فيه

مثلا مرة طاحت اوراقه
نقزت من مكاني وجمعتها له
احسني بطير من الوناسة

واذا سأل سؤال وقال الدكتور
ماراح اعيد الا اذا فيه اكثر من طالب
عنده نفس السؤال
طوالي اقول للدكتور لم افهم السؤال

والله احس اني دلخة
بس كذا انا مندفعة
اجي على وجهي جميع
ما اعرف اخبي
حبي تلقائي
احس الحياة بسيطة ليه نعقدها.. خلاص لما نحب نقول

وجهوني
صح كذا
استمر اهتم فيه
والا اوقف
وايش اسوي
والله بحاول انفذ كلامكم

هههههه يا حلو دمك .. تذكريني بأيامنا بالجامعة بحلم الصبابة والهوى .. ربي
يحفظك ويوفقك ...

انزين ما تقدرين تعرفين بطريقة غير مباشرة إنه خاطب أم لا ..!! لأنه تقريبا عمره 24 سنة
يعني يمكن مفكر الزواج قبل ما يروح للبعثة ..
شوفي زميلاتك الجريئات يمكن يقدرن يسألنه ..

__________________

ان كان هو خاطب ياوراق
ياعزتيلي بس
مادري اذا هو خاطب
بس احسه لا
لآنه مرة كتب عن العشق وكيف الرجل يموت صمتا .. عكسا البنت اللي ما ترتاح الا لما تكب العشاء
عاد انا ما ابي شي على طول قلت بس اكيد يعنيني وجلست اسمع "من شانك ح بيعهم كلوهم"
واحاول اقول خليني اكسر هالصمت اللي اشغلونا الرجال فيه ونشوف اخرتها

وكلام مبتعثة عين العقل افهميه زين ..

__________________

بعد ما قرأت رد مبتعثة متفائلة
وتقول العقل عقل التصرفات
رحت لحسابي في توتر
وحدفت كل شي انا مسوية له favorite
يعني كل كلامه حذفته


بس الان وش الحل مع قلبي

ماعنده نية يعقل
كل شوي اشيك على حسابه
عقلوني صدق
هاوشوني
تراني صدق متهورة
بس لما احد يقولي كلام يأثر فيني اعقل والله

من حقك تحبين المشاعر مانتحكم فيها بس احكمي تصرفاتك

انا صدق قررت اركد شوي
ولا راح اتابعه
احس كلامكم صح
وعيب اللي اسويه
بس
انصحوني اكثر
وبرجع كذا مرة
وانصحوني
لآن انا من النوع
اللي لازم ما احد يتركه
والا يدرعم

يارب اصلحني غصب عني يارب

نصيحة من اخت تحب لك الخير
اتركي هالطريق الذي تسيرين فيه
الطريق الى الزواج ليست بهذه الطريقة
اتركي هالشخص وغيره
فرزقك مكتوب وسوف يأتي بأذن الله
بس توكلي على الله واهتمي بطاعاتك وخاصة انك في بلد منفتح
واهتمي بدراستك وهو الهدف من الابتعاث

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

جزاك الله خير سحابة
والله صدقتي
صح الهدق هو الدراسة
خلاص بطلع اذاكر
وان شاء الله بركد بإذن الله

مع السلامة