السلام عليكم

أمنيتي أن يكون عندي أطفال وزوج
قبل سفري حاولت كثير، لكن ماكتب الله.



المهم
الان انا مبتعثة
فيه طالب معي معجبني صراحة، اذا شفته كأني شايفة الجنة
هو اصغر مني ب اربع سنوات
مادري اذا يعرف اني اكبر او لا،، انا عادي عندي لأن شكله اكبر مني!
من حركاتي واضح اني احبه!
اذا شفته اتلخبط ! واتبسم وكذا

مادري هو يحبني او لا
بس اشوفه بالكلاس يعني يهتم فيني شوي
واحيانا يناظرني
نعرف بعض من خمس شهور تقريبا
بس
ماشوفه تحرك
حصلته بتوتر
سويت له متابعة بعدين الغيتها!
صرت اذا عجبني له كلام اسوي له favorit
واضح اني ملخبطة
مادري ايش اسوي
امس خربتها شوي وحطيت كلام بالمفضلة عن الحب "فيما معناه اني احبك"! اخليه لساعات اقول يمكن يشوفه!
بعدين اراجع نفسي واحدفه

الرجل مرة طيب، واخلاق
وملتزم
ومرة عاجبني

مادري ايش اسوي

الله يعافيكم لحد يقولي عزي نفسك ومادري وشو
انا نفسي اتزوج، وانا كبيرة تعديت 28
واحسه انه شخص مرة عاجبني
لو بسكت اتوقع ماراح يصير شي

وش رايكم
انسحب من حياته
او انا عندي ايميله ارسله اقول انت عاجبني، احس انه شي يفشل بس حل مريح ! حتى لو قال لا مابيك بتألم شوي بس بنتهي من الموضوع!

بالله عليكم لا تنسون تدعون لي
اذا الرجال طيب يجي كذا من ربي
بدون ما اتعب نفسي
لآن بجد مليت من كثر التحطيم

لايختي اثقلي
وش الي ترمين نفسك عليه
الي اهم من الزواج الكرامه والسمعه
واصلا من قال هالطريقه بتؤدي للزواج يمكن اصلا تطيحين من عينه
ويمكن هو مايبغى زواج ولا يفكر فيه او حتى خاطب
اذا يبغاك انتي قدامه وشايفك ويقدر يتقدم لك
بس هو شايفك كزميله

عزيزتي .. كشف الله همك ورزقك من حلاله
ورزقك زوجا صالحا يعينك بدنياك ..
لا أريد إحباطكِ ..
حاولي الاهتمام بأمور أخرى
أنتِ أمامه وإن أراد الخطبة يدل الطريق
لا ترمين نفسك أو ترسلين له
خصوصا نحن الخليجيين العديد منا ما يتقبل هالأمر..

فقط ألفت نظرك
اهتمامه بك بالكلاس قد لا يكون إعجابا
إنما أنت من نفس بلده لذلك هو مهتم ..

__________________

وانت يا طخه يا أكسر مخه
ما عندك حل وسط ؟!

مع أن كلامك يعور القلب
لكن
صحيح
لكن انا معي وحدة عربية قلت لها احب شخص
قالت حاولي تخبريه مافيه حاجة الشاب يحب البنت الحركية!
وانا ماصدقت خبر!

أمين يارب
شكرا لك أختي على الدعوة

صحيح ممكن لأننا من نفس البلد

خلاص ماراح ارسل
لكن
مشكلتي اني حبيته
وقلت يمكن ماهو عارف اني احبه.. يمكن لما يعرف اني احبه مره يخطبني

هههه ضحكت والله
تبغين الجد مشكلتي ماعندي حلول وسط
خلاص احبك يالله ننتقل للمرحلة اللي بعده ليه نطول الموضوع هذا تفكيري!

شوك طيب وش الحل الوسط
صدق قولي له
وبنفذ

بقولكم شغلة
آنا عاقلة عارفة ماراح احد يصدقني
ومالوكم والله
لآني احيانا اشك بعد اني عاقلة

بس فيه عبارة تقول
آنه جرء من الطبيعة الانسانية التفكير بحكمة والتصرف بحماقة

لكن والله
حدتني الدنيا على التصرف الآحمق
لآني نفسي اتزوج وكذا
وعندي اعتقاد انه الشخص لازم يقوم بفعل الاسباب
صدق اني خربتها
بس احس عادي
يعني وش فيها لو قلت لآحد احبك
يعني بتقولين يمكن يكسر خاطرك ويقول ما ابيك
انا شخصيتي عادي اتقبل
صدق يتضايق بس على الاقل الموضوع بينتهي


بعدين انا اقول
لو بقوله احبك يمكن يبدأ يحبني
لآنه غالبا النفس البشرية تحب اللي يحبها ويهتم فيها

يجيني احساس
اني بظل طول العمر عازبة

وهذا الاحساس يدفعني للتصرف بجنون!
وتقديم التنازلات