السلام عليكم ورحمه الله وبركاته
ان متزوج منذ ( 7 ) سنوات وعن قصة حب حقيقيه. عشت احلامها وفصولها لحظه بلحظه.احلم بها ليل نهار.
بعد المولود الاول بدات المشاكل في الظهور.حيث انني اكتشفت وبعد ثلاث سنين موضوع ( بدون ذكره ) كانت هي طرفاً فيه سبب لي مشاكل كثيره في حياتي اثرت على صحتي. حيث انني انسان كتوم للغاية ولااحب الا هذه الانسانه؟؟كنت اقوول الصبر طيب ... هدي لاتستعجل... اللي زاد الطين بله انه ماتغير شي فيها. على بالي انها ندمت وحست شوي بزوجها اللي يحبها كان بيموت (( حسيت باعراض الجلطه )).

من بعدها لااخفيكم انني تغيرت جذرياً. وبديت افكر كيف صار ذا كله ؟؟؟ مع الرغم اني ماقصرت ويشهد الله باي شي عشان محد يقول اني قصرت. بالعكس والله كنت الزوج المخلص والوفي والمحب والعاشق .....الخ

معاملتها لي في البدايه ممتازه حتى صارت السالفه ذي. بعدها صارت ترفع الصوت والصياح والكلام البذيء.
اتكلم معاها في اي موضوع هي صح انا غلطان ... ماشي مو مشكله.
سواليفها عن اهلها في الغالب وانا نحب بعض كاسره واحده وانا وانا. واهلها تروح تشوفهم في اي وقت بالسنة عادي لو اقول لا زعل وبكاء وصياح !!! طبعاً هما برا مدينتنا بـ 600 كيلو.

هذي الايام براسي موال. ابي اتزوج وحده ثانيه وافك نفسي من الهم والغم اللي انا عايش فيه. انا متحمل سنين من الضغوط القويه عليّ.


اسأل الله لنا ولكم الصلاح والفلاح.