شوفي حبيبتي أنا مثلك لما طلعت نتيجة التحليل ما انصدم قدامي وقال عادي والله
حطيت يدي ع قلبه ويدي الثانيه خلف راسه وحضنته وقلت له تكفيني انت ما أبغى غيرك
يكفيني حنانك .. خلي العيال ع جنب .. حاولت أطمنه لأني قلت يكابر قدامي وأكيد تعبان من داخل .. قال لي بالحرف الواحد عادي وانا مو مهم عندي ولا تشيلي همي ونزلني عند أهلي وجلست ليله كامله اتصل عليه اقول تعال خذني وهو مطنش

تركته وقتها وقلت تعبان .. جاني اليوم الثاني الظهر وأخذني
لكن وربي طول وقتي كنت أخفف عنه وما أجيب طاري العيال

بعدها اتجه للخيانات وكافأني خير مكافأة على صبري معاه ..
واكتشفت ان الخيانات ذي من بداية زواجي بس ماكنت حاسه بشي لأني مخلصه وماعمري شكيت فيه أو نكدت عليه ..

الرجال كائنات غريبه .. وربي على كثر مادخلت دورات تخص شخصيتهم الا إني عجزت أفهمهم أو أعرف ليش كذا يتصرفون معانا إذا اعطيناهم حنان واخلصنا لهم ..

كل رجل يعكس تربيته , ضروري تعرفون علاقة والدين الرجل
لان ياثر على التربية , هل بينهم احترام ومودة ام ملاكمة ؟

والنعم في أبوه وأمه ناس محترمين ربي يسعدهم
والنعم في اخوانه .. معاه 8 أخوان متزوجين وعايشين مع حريمهم ومو مقصرين معاهم بشي
وكلهم عايشين في حي واحد بيوتهم جنب بعض
وأختي تصير واحده من حريم أخوانه ..

الخلل كان في الشخص اللي أنا متزوجته
العايله والنعم فيها ماشاءالله

لا ترجعي له برأيي ..
و لا تستغني عن حلم الأمومة ..

ما شاء الله
الله يعوضج حبيبتي

جزاكم الله خير وربي يبعد عن قلوبكم كل حزن ويسعدكم
دعواتكم لي

شوفي اختي
لو انك لسى ماحصل الطلاق كان قلنا لك العيوب اللي فيه موضوعها سهل وتتعدل وخصوصا انكم توكم مالكم سنه فـ طبيعي يكون متعود على حياة العزوبيه ويتغير مع الوقت
وكان قلنا لك شوفي اذا عنده استعداد للعلاج عشان الانجاب

ولكن طالما انه وقع الطلاق فـ انصحك انك تنسي موضوعه ولاترجعين له
عشان موضوع الانجاب لانه مو مضمون والموضوع يبي له رغبه جاده من الزوج عشان يقدر يستمر على العلاج

الله يجزاك كل خير على النصيحه اخوي

يا اختي يا حبيبتي لانه اول رجل في حياتك وعاطفتك هي من تحكمك الان
فكري جيدا هل يستاهل انك تتنازلين عن حلم الامومة الا تريدن ان تصبحين اما بمجرد ماتحملين وتحسين به يتحرك ستنسين ابوه

الجميع ذهب لمشكلة العقم وسوء الخلق وتغاضى عن أهم شئ !
الصلاة هي صلة العبد بربه .،
وطليقك قاطع الصلاة .. والصلاة هي عماد الدين ومن تركها
فقد كفر ..
من الناحية الشرعية لا يجوز الزواج به لأنه كافر
قال صلى الله عليه وسلم (العهد الذي بيننا وبينهم الصلاة، فمن تركها فقد كفر) ويقول عليه الصلاة والسلام (بين الرجل وبين الشرك والكفر ترك الصلاة)..
اتمنى أن يكون الأمر واضح لك الأن وتقدرين تتأخذين قرارك
وبالتوفيق

__________________
‏عابرُون و الدّنيا ليسَت لنا
‏سنمضِي يومًا تاركين خلفّنا كل شَي
‏ربناّ اختمْ حياتِنا بعمل صَالح نلقّاك به