من خلال المواصافات التي ذكرتها
انصحك أخوي بالزواج بها وعدم التردد فلنفسك عليك حق
وأنت تحتاج إلى الاستقرار العاطفي والنفسي وهذا لا يكون إلا بالزواج
ولكن اطلب منهم النظرة الشرعية
وإذا ارتحت لها توكل على الله ولا تؤجل
وفقك الله

رايي تستخير واذا ارتحت وخطبت من المهم يوصلهم باي طريقة سبب طلاقك للثانيه انها ضاربه ابنك خليهم يعرفون ان عيالك خط احمر ممكن اختك تقولهم ان اهم شرط المعامله الطيبه لابنائي والاهم ماتمد يدها عليهم مهما كان السبب تجي تقوله لك واذا هي تبي عرفت انك طلقت الثانيه بسبب عيالك فبتخاف ع وضعها وممكن تدخل من باب سؤالك هل هي عصبيه او هاديه مكن تسأل ابوها بعد الخطبه وتسأله بالله ان يخبرك الحق وقله ياعم سامحني ع سؤالي لكن ظروفي غير وادخل له من هالباب والله يكتب لك الخير

شوف اخوي انا رحت اسوي بحث سريع عرفت سبب طلاقك لزوجتك الثانيه انها ضربت ولدك وبرودها بعد ماضربته وعدم تصرفها بشكل سليم

لكن طلاقك الاول ماحصلت لك موضوع او وقف البحث

على كلن بقولك رأيي الشخصي بالتفصيل الممل 😎


اولاً البنت كان رجلها مدمن مخدرات يعني ماشافت من الحياة الا الخوف والذل وعدم الاستقرار النفسي ولا الجسدي ومع ذالك اصبرت وجابت اثنين معناها بالها وسيع وتسعى لتصحح حياتها لاخر رمق
ثانيا :ام لطفلين جدا مناسبه هالامر لكك ولاطفالك جدا جدا ياشيخ مايكسر القلب الا الامومه

اخطبها وشوفها وصدقني انت مطلق وهي مطلقه وكلكم نتائج الطلاق اطفال وكلكم خايفين من الارتباط وكلكم خايفين من الطرف الثاني وتعامله مع ابنائكم وخوفكم هذا ماراح احد يفهمه الا اللي مجرب
صعب اخوي الوحيد تجييب بنت لم يسبق لها الزواج وترمي عليها هالمسؤوليات
ايضا صعب تجيب وحده مطلقه وماجابت ابناءوترمي عليها هالمسؤوليه
اصلا بتضايق منك ومن الحاحك ع الاهتمام بالابناء لانها ماجربت هالمشاعر
لكن وحده مجربه منكن تعذرك وتايدك وتهتم لانها تتذكر ابنائها وحالتهم وتخاف احد يربي ابنائها وزي كذا
اشوف بعد الاستخاره والاستشاره موضوع هالبنت جدا مناسب جدا جدا

واحسن لها ولابنائها وراح تشوف الاحسان بحياتك ولك ولابنائك

كلام جميل جدا..

اخي الوحيد.. لا تتزوج وانت غير مستعد نفسيا.. خذ وقتك الكافي ..

لكن في حال قررت الزواج فعلا مطلقة او ارملة عندها اولاد او جربت الامومة هي من تناسبك..

البكر مهما كانت طيبة فهي ستقصر مع الابناء.. ترى ان الاولاد ينغصون عليها الحياة وانها تستحق حياة افضل تتهنى مع زوجها من غير مسؤوليات.. هذا في حال كانت طيبة الى ابعد الحدود فما بالك اذا طلعت انانية و مو ذاك الطيبة..

يعني وين بتروح البنت ؟؟؟ موجودة .... لا تستعجل وتقدم على زواج مستعجل مثل زوجتك الثانيه وتندم ... اذكر في زواجك الثاني مدحت اهل البنت وانهم شارينك ومن هل كلام وتالي الزواج ما نجح .... استعد نفسيا وان كانت البنت من نصيبك راح تكون موجدة في ذاك الوقت اخطبها وتوكل على الله ....

ماعندي مشكله بس بشرط انها ماتكون حساسه بزياده بالنسبه لهم
اذا صاروا عندي اكيد راح اعاملهم مثل عيالي حتى بالتربيه

على كلام جدتهم انهم يبقون عندها
لكن اتوقع ان هالكلام راح يتغير وتبدا تطلبهم امهم وهذا طبيعي
وانا ماعندي مشكله انهم يجون عندي البيت كبير الحمدلله

المشكله عندنا حتى النظره الشرعيه مافيه
يعني الواحد على نظرة اهله
ولكن راح اصر على النظره الشرعيه والا الله يستر عليها
ماعندي استعداد اغامر
اما التواصل قبل الملكه هذا الموضوع مستحيل

هل هذا زواج أم مصيدة؟


يعني ليلة العرس تدخل على امرأة اول مرة تشوفها وتشوفك؟؟ ويحدث مايحدث بين الزوجين؟



كان الله في عونك وعون البنت..

الحمدلله سمعتي زينه عند اللي يعرفني
ولو ان الطلاق اثر علي لاني بنظر اللي مايدري عن قصتي انسان لعاب لفظ الطلاق على لسانه وطبعا الواحد مايقدر يشرح للناس سبب طلاقه فـ يتحمل