العيال اصلا كانوا عندي وترجوني عشان ارسلهم لهم
وش دخلني بالكهرب والماء والمواصلات

خلاص يرجعون العيال عندي وانا اوفر لهم كل شي اذا مايقدرون
انا متجمل اساسا اني سمحت وارسلتهم لها

اختي بعد طلقها ابو بناتها جننها بالرسايل مره سب وشتم ومره دعاوي بالرغم انه هو الي طلق بدون طلب منها فقط لإنها خبرت اهلي بفعايله المهم إنها غيرت الرقم ومااعرف كيف وصله الرقم الجديد ورجع يضغطها نفسياً وقالت لأبويه أنا أبغى أرتاح تعبت من رسايله كم مره أمسحها قبل ماأقرأها لكن ياأبابا أنا تعبت نفسياً قال تخليني أتصرف بالي أشوفه مناسب قالت إيوه
وحرمه من شوفة بناته وقال لأخواني اذا جاء صرفوه بأنه البنات نايمات او برى البيت وجلس ع دا الحال الا أن رفع قضية على أختي وابويه كان ينتظر هذا اليوم وقابل ابويه الشيخ وشرح له كل شي قبل مايجي طليق أختي وطبعاً حكم له 3 ساعات يوم الجمعه والسبت فقط تفاجئ ماتوقع إنه بيكون القرار كذا ولقي تهزيئه من الشيخ
لما جو بيخرجو من المحكمه قاله أبويه يافلان ترى موضعك ومكانتك عندنا أب لحفيداتي فلا تجعلني ألغي حتى هذي المكانه وتراني قادر فإحترم مكانتك وحافظ عليها ولا ترسل لبنتي شيئ والي سويته كان بقصد عشان تتأدب والورقه هذي الي وقع عليها الشيخ رح أعتبرها ماهي موجوده إذا تركت بنتي في حالها خذ بناتك متى تشاء بدون مشاكل ووجع راس
ومن يومك ماله حس حتى بناته ياخذهم قد ماكتب له الشيخ مايزيد ولا ساعه

الشاهد خلك قوي في الحق ياالوحيد ولا تعالج مشاكلك بالتطنيش فقط

المشكله اختي ان الموضوع حساس

انت منت ولي امرها
مطلقها هي واهلها احرار
تنقل ماتنقل
شي ابدا ما يخصك ان شاءالله ماضيها وش كان مايكون
وبعدين انت سلمتها العيال باقتناع وشايف وضعهم زين
المفروض تفرح عيالك صارو اقرب لك
والمصروف فعلا زيده اذا كان قليل

انا مدري ليه انت معصب
افهم يااخي
ماهي بذمتك
وطلعت من ذمتك
تترك وظيفتها يعني
------

تقول انك انت وليها ؟!
ترى انت منت وليها لا شرعا ولا قانونا
و توى اقرا انك ماتعطيهم فلوس بيدهم
اجل من فين ياكلون ؟!! لا تقول ماتقصر
فيه حاجات يومياااا لابد تكون موجودة يعنى احتياج يومي تشتريها بيومها
البيت والسكن و الكهربا والمويا من يدفعهم ؟!!
مواصلات ؟!! مدارس ؟!! مصروف مدرسه

ومتضايق انها تقول لك احبك
وتقول انك غريب عنها ، طيب بهذى تعتبر نفسك غريب ؟!
اجل كيف تقول انك وليها ؟!
غريب ولي ؟! ماتصير اخوي ..

اخوي انت ما لك علاقة فيها ..
هي حرة حتى لو سافرت المريخ !

الأمر الآخر حتى لو راحت بالنقل الجماعي
وحتى لو قعدت بشقة بروحها و بدون محرم على قولتك
عادي !
ياما سافرنا بروحنا ..
و ركبنا طائرة و باص و همن بروحنا ..
وشايلين انفسنا ومحد يقدر يفتح حلجه بكلمة ..
سفرها بروحها
و سكنها بروحها مو معناه ان اهلها قليلين غيرة

طليقتك ان شاء الله تابت ..
وانت فعلا ما بك علاقة فيها وين قعدت و لا وين سافرت

وما اشوف فيه أمر يستدعي انك تخبر اخوها..
استر عليها الله يستر عليك ..

اذا ضايقتك فساعتها لكل حادث حديث ..

__________________

حاجة الناس إليكم من نعم الله عليكم ، فـ لا تملوا النِعم ☁✨

معليش اخ الوحيد ابيك تفهمني ..
لما طليقتك اخذت العيال يقيمون معها كان الاتفاق بينكم انهم يسكنون معها على طول ولا بس في الاجازه وبعدين في الدراسه يرجعون لك ؟

__________________

اخوي العيال رمتهم علي من اول والحمدلله قمت فيهم وربيتهم وكنت لهم الاب والام
حتى الترويش انا اللي اروشهم واذاكر لهم وكل شي اسويه لهم

وقبل كم شهر اتصل اخوها وقال العيال لو يجون عند امهم ومن هالكلام وقلت طيب
وارسلتهم لهم على اساس يجلسون عندهم

أجل إذا تقدر ترجع العيال يعيشون معك ويروحون لها فقط بالإجازه يكون أحسن ( يعني مثل الوضع السابق ) أما جيتها ومعها محرم وتبي تسكن بمدينتك ما لك علاقه فيه حتى لو كانت لحالها بدون محرم, لها اهل مسؤولين عنها
اما إذا ودك يبقى العيال معها على طول وانت تاخذهم بالإجازه خلاص تفاهم معهم على المصروف المعقول من بداية الأمر بلا إفراط ولا تفريط ولا تعطيهم أو تفتح لهم مجال على كيفهم عشان ما يطلبون زياده كل شوي
وفي كل الأحوال أهلها هم المسؤولين عن تصرفاتها وسلوكياتها وما في داعي تخبر اخوها الكبير بأي شي وكمل سترك عليها واكتفي باللي قلته لهم من قبل وتأكد بأن اهلها حريصين وتهمهم سمعتهم .

__________________