روان قلت قبل كذا زوجك ما ينسى الإساءة صح؟
خلاص حطي ببالك ممكن يخف مع الوقت، لكنه مستحيل في يوم حيرجع مع والدتك مثل أول !
تقبلي هذا الواقع وابدئي برمجي نفسك عليه.

يحق له دام حظرته تراه وقتها ما طلقك علشان تروح امك تحظره!
المفروض انها امراة كبيره وعاقله خلاص تطلع من مشاكلكم
وتترك الباب مفتوح لو حب يستنجد فيها
اما تروح تحظره قفلتوا الابواب كلها بوجهه!

الخلاصه معه حق وانا لو كنت مكان بزعل منها
وانتي لا تفسرين على كيفك متضايق من تصرفها مو معناته يكرها

واذا كرها خير ان شاء الله بتخلينه يحبها غصب
والا بينقص من امك شي لو كرها او بيزيد شي لو حبها؟!
يا بنت الناس عيشي مره بفكر صافي وقلب ابيض
وبدون تحليلات على كيفك لتصرفات زوجك
بدات اشوف انه طيب ومن بداية زواجكم مو الحين تعدل زي ما تحسبي انتي
لكن انتي اللي غيرتيه للاسوا

بيدك الكثير لتقريب وجهات النظر واعادة المياه لمجاريها

كون امك تسوى الكون كله عندك وهذا حقك ... تفهمي مشاعر زوجك تجاه امك
حتى وان كانت مو مثالية لكن ارى انه معذور
هو لم يقطعك عن اهلك ولم يعتدي عليهم بالكلام او ينتقص من حقهم امامك

لكن ارى ان تكون اولوياتك مرتبة استقرار حياتك مع زوجك اولى من مصالحة امك وزوجك
اخريها لمرحلة اخرى
خلي عندك اولويات في حياتك واهداف تمشين عليها مو كل شيء نبغاه نسعى له في اي وقت والا نتحسف على عدم وجوده
خلي خطواتك مدروسة ولا تخربطين عقلك باشياء انا اشوفها ثانويه صراحة بالنسبة لاستقرارك مع زوجك

مين قال لك على شي مايسوى!
هو اللي كان يتمشكل معي مو انا
اهانات وتجريح وهجر وسب وجفاء
على توافه يضخمها ويزعل بالاشهر
ويغبن كل حقوقي الزوجيه
ويما بكيت دم بسبته
ومواضيعي القديمة موجوده هنا

يعني يا يتعدل معي يا يحقر اهلي
مافي حل وسط

ما ابغاه يرجع زي اول
بس يحشمهم شوي
يسلم ابو عشر دقايق بالاسبوع
وبس

امي غلطت بتصرفها
ما انكر هالشي
واندفعت الله يحفظها
اذا انا صاحبه الشأن ماحظرته
بس عاد صار اللي صار
مو منطقي يقطع وحده كبيره بالسن
ام زوجته وجده اولاده
لو لي خاطر جاملها بكلمتين
ماراح ينقص من قدره شي

وتقولي غيرته للاسوا
لا والله هو تغير للاحسن معي
وقلت بموضوعي معيشني ملكه
وصار لاصق فيني طول الوقت
ويدور سعادتي بكل طاقته
لكن قلب على اهلي
يارب مشكلتي اوضحت لكم

.
.
.
والله اذا بدك رأيي هالنقطة التوضيحية الي فوق راح تشتغل عليك سنين لقدام يا روان..

أما تقولي كبرتي دماغك لا حبيبتي انتي عرفتي مصلحتك وتعلمتي درس..

يمته راح يجي اليوم الي تفهمي فيه انو الرجل لا يساوي المرأة؟! ترى هذي المعادلة الي مو راضية تمشي عليها هي أساس كثير من مشاكلكم..

تعرفين انك ماراح تقدري تقاطعيهم ولو حتى قاطعتيهم ما بياكلها غيرك..

الرجل عندنا أقوى من المرأة.. وأهل الزوج أقوى و (أهم ) من أهل الزوجة.. زوجك قادر مايشوف اهلك الا في الأعياد.. وانتي روحي بكيفك.. وهالشي جاري به العمل عندنا.. الرجل محد يلومه ولايحاسبه، يهم الأهل بنتهم تحافظ على بيتها،، واذا جاء يا هلا ويا مرحبا وينشال عالراس وان راح بالسلامة..

بس انتي مو بكيفك تقطعيهم مو من حقك.. وانتي الي بتاكليها اذا تجرأتي وعملتيها.. كذا مجتمعنا العربي/الشرقي افهمي هالشي حتى تقدري تتفادي المشاكل..

أهله صفوا معه، وأهلك صفوا معاك..

بس امك زودتها وعملتلو حظر! على أي أساس؟ من نفسها أو لأنك انتي سودتي قلبها عليه؟ ماتفرق بالنسبة لزوجك هالسلوك جارح جدا وغير مقبول،، بالنسبة له كل أهلك متحملين هالذنب لأنه مادام أمك إلي حرمة ومالها كلمة في موضوع رجعتك سوتلو بلوك على طول الله أعلم ايش كان موقف ابوك واخوانك.. فطبيعي شايل بقلبه..

لا تضغطي عليه.. مع الوقت راح يتحسن الوضع.. واهلك فاهمين الموضوع.. وابوك رجل عاقل وفاهم ماراح يستناك تجي تفسريلو موقف زوجك الحالي.... لاحظي انك كنتي تقولي أبوي ماراح يقصر ومايرضى ارجع ومن هالكلام.. وحتى لما زوجك غلط وافترى عليك لما كلم أبوك بالجوال.. أبوك ما اتخذ موقف زي ما افتركتي وانما هدا الأمور وخلى زوجك يهدي ويجي يرجعك..

اذا بدك المشاكل.. وبدك ترجعي لأهلك نهائي.. طبقي الافكار الي براسك.

#الحمد لله انك رجعتي بالسلامة، تركتي موضوعك السابق ولا حتى طمنتينا على أحوالكم.. بس أهم شي أموركم زينة.. لا تخربيها بإديك..

__________________
{قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}

صدق الله العظيم

طيب يا ام سهيل
انتي قبل شوي تتكلمي عن المكاسب والخسائر

يعني زوجي حسبها
وشاف هو مو كسبان من وصل اهلي
طيب حتى انا مو كسبانه من وصل اهله
اذا الفكره ربح وخساره
الا بالعكس
اخسر وقتي وروقاني واضيع يوم بالويك اند
ممكن اتفسح فيه او استرخي بدل زيارتهم

لكني عارفه ان هذي اصول
صعب اتجاوزها

روان لازم تفهمي شيئ تعاملي مع أي أحد بأخلاقك

تبغي تعاملي زوجك بالمثل عامليه لوحده لكن أهله لا ياقلبي خطأ بتحوليهم لأعداء لك مثل أهلك لما طنشو زوجك واحتقروه

فإذا حابه أهل زوجك يحتقروك سوي مثله

منها بتخسري التحسن الملحوظ في زوجك ومنها بتخسري تعامل أهله الراقي معاك

وفي نقطه غالباً أهل الزوج يحقدوا ع زوجة ولدهم اذا راحت زعلانه واتوقع أهل زوجك بيعاملوك كويس فلا تخسريهم

المطلوب منك تتريثي زوجك حاب يعطيهم درس واتوقع في باله يقول هذا جزائي الي أدلعهم وكأنهم أهلي واسوي اشياء مايسونها أزواج البنات

حبيبتي مسك
ايش دخل المرأه والرجل بهالموضوع
احنا مو في صراع ولا تحدي
وانا ما اتواصل مع اهله خوفا منه
بس لاني اكره قطع الرحم

والدنيا تغيرت كثيييير
صديقاتي معظمهم مايتواصلوا مع اهل زوجهم
يشوفوهم بالاعياد بسسسس
حتى اللي الباب جنب الباب ماتسأل
ولا يرفعوا السماعه ولا يدروا عنهم
يرسلوا الاطفال مع الزوج وخلاص
عادي اقدر اعمل كذا وعذري معي
لكن ماتعودت

تقولي لو قطعت اهله ممكن يطلقني نهائي
هذا غير منطقي
على اعتبار اني شرعا غير ملزومه بزيارتهم
لكني أؤدي هالامور من باب الاحسان له
وهو اللي تغير بهالنقطه
انا الحمدلله مثل ما انا ماتغيرت