هل رجع وفتح زوجك معك موضوع الورث؟
وكيف تعامله معك حاليا؟ وكيف تعاملك معه؟

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

شوفي يابنتي
مسألة أن زوجك ماراح يأخذ من ورث أبوه لو قدر الله وأخذ أمانته راح أحلق شنبي اللي أصلا هو محلوق، إيه هين يقولها اللحين ربما فعلاً لسبب حقيقي أو لأنه أصلاً يصعب عليه الوصول لمال أبيه في هذه الأيام، لكن لو توفى سيأخذ حقه، واستغفر الله من هذا الحديث الوفاة والورث الله لايبلانا.

أما موضوع ورثك خلاص خليك واضحة، لاتنازل أبداً، ورثك يجيك كاامل أنتي وأختك، وحتى أمك انتبهي يلعبون عليه، وتصرفي بعدين فيه بحكمة، ولو حبيتي تعطيني أياه أنميه لك وأدخل فيه بمشاريع ماعندي مانع << أهم شي انتبهي مني أضعاف انتباهك من أخوانك لأنه لو طاح شي بيدي أنسي يرجع وراح أجحدك زي السلام عليكم

__________________
ياصبحِ لاتِقبل !!
عط الليل من وقتك..

بخصوص ورث ابوه فماعرف اذا بياخذ شي ولا لا ... بس بحكم معرفتي فيه احس انه مارح ياخذ ... لان ابوه عرض عليه مبالغ ويرفضه وتصير مشاكل ... يارب لايعيدها هالايام ... بس يمكن يكون كلامك صحيح ... لان مانعرف وش يصير في المستقبل ...وربي يطول بعمر عمي ...

اما بخصوص ورثي اتمنى القى احد اثق فيه يستثمرها لي .. بالأول كنت اقول بحط كل شي لزوجي وهو يتصرف ... لاني كنت اثق فيه ... أما الآن اختلف الوضع واقول ريال واحد مايشوفه مني ... اشكرك ...وربي يكرمك ...

__________________
-

فأجبر خَاطري .. بفيّض نعَمك ❤ ....

شوفي يابنيتي، أنتي لاخذتي ورثك، تعالي وخبرينا، وأبشري بعزك، وأبشري من ينصحك في هذا الأمر، لأنه مهم جداً أن يعرف كيف يتصرف المرء بماله، وكيف يستفيد منه ويستثمره ويستمتع بجزء منه، وأنتي بحاجة إلى أن تكون لديك خطة مالية بعيدة المدى لضمان مستقبلك المالي واستقراره من كل الاخطار سواء الصغيرة أو الكبيرة، أنتي وأختك، والله يحميكم ويحرسكم من شياطين الإنس والجن.

__________________
ياصبحِ لاتِقبل !!
عط الليل من وقتك..

اللهم امين ... جزاك الله خير ... لن اخطو خطوه في التصرف بالمال الا بعد استشارتكم .. اشكركم جداا... لدي سؤال ... هل توزيع الورث يستغرق وقت !؟؟ اما يتم انهائها في يوم واحد !؟ ...

__________________
-

فأجبر خَاطري .. بفيّض نعَمك ❤ ....

وياك، والله مادري هل يستغرق وقت طويل أم لا، وهل يوزع ماهو موجود من نقد الآن أو لا، أو لابد من بيع كل شيء واكتمال المبلغ ومن ثم توزيعه، لأنه بعض المتوفين يكون لديه الكثير من الأراضي والممتلكات التي تحتاج إلى بيعها وتوزيعها، ولعل من هو أدرى مني بهذا الموضوع من الأخوة والأخوات يفيدوكي بشكل أكبر، والله يسهل أمرك ويحفظ لك حقك.

__________________
ياصبحِ لاتِقبل !!
عط الليل من وقتك..

المال الكاش تحصونه وتقدرون توزعونه خلال يوم

وطريقة التقسيم
١_ الزوجه تاخذ الثمن
المبلغ كامل ÷ 8 = نصيب الزوجه ( الام)

والمبلغ المتبقي يقسم بين الابناء

طريقة التقسيم بين الابناء ..
مثلا عدد الاولاد 3 والبنات 2
وبما ان للذكر مثل حظ الانثيين اذن يدبل عدد الاولاد اللي 3×2=6

عدد البنات 2 + عدد الاولاد 6 = 8
المبلغ يقسم على 8

مثال
علشان نقسم مبلغ مليون ريال بين الورثه اللي هم زوجه وبنتين و3 اولاد
نصيب الزوجه يطلع
1000000÷ 8 = 125000 ريال

المبلغ الباقي اللي هو
1000000 _ 125000 = 875000 ريال
يقسم على الابناء
875000 ÷ 8 = 109375 ريال
اذن نصيب كل بنت 109375 ريال
ونصيب كل ولد 109375×2 = 218750 ريال

لازم تكونين نبيهه وعارفه بكل التفاصيل وغلط انك ماتثقفين بهالجانب

يعني الاموال الجاهزه اللي بحساب ابوك توزعونه

وبعده الخطوه الثانيه اللي هي
تسومون الاراضي او البيوت او مشاريع او شركات او اي شي تحت ملك الوالد
وهالخطوه تطول يبي له وقت

التقسيم يترك ليد الخبير عن طريق المحكمة أفضل
.

لا تستلمين لأخوانج..

__________________

حاجة الناس إليكم من نعم الله عليكم ، فـ لا تملوا النِعم ☁✨

ريماس ... زين ... اشكركن جدااا ... ربي يكرمكن ... 🌹

__________________
-

فأجبر خَاطري .. بفيّض نعَمك ❤ ....