يا اخي هدي اعصابك متى ما فقدت اعصابك وانفعلت فأنت الخسران ، والمحاكم دروبها طويلة وشاقة وتأكد انها حريصة على ايجاد حل اكثر منك لكنها ذهبت للمحاكم كأسلوب للضغط عليك ومتى ما شافت منك تنازل مذل بتنهي كل القضايا المرفوعة ضدك .

ولذلك اثبت على موقفك والتزم بشروطك مع مرونة وذكاء في التعامل ومع مرور الوقت بيتغير موقفها ، واذا خايف من قضية المؤخر فالقاضي في أسوأ الاحوال لن يسجنك لعدم مقدرتك على الدفع وممكن تنحل بأكثر من طريقة مثل تجزئة الدفع او الدفع على اقساط شهرية منخفضة القيمة على حسب مقدرتك ، كما ان القاضي سيراعي الكثير من تفاصيل المشكلة وعليها اثبات الضرر بشكل قطعي من أجل ان يحكم لها بالطلاق للضرر دون الخلع .. هذا في حالة وصلت لهذه المرحلة ولا اعتقد انها ستستمر حتى تصلها لان حججها لحد الآن لاتصلح قانونيا للحكم الموجب لتحمل الزوج ما يترتب عليه من طلاق الضرر وهذا على حسب كلام صديقي المحامي في بلدك الذي استشرته في المسألة .

مره ثانية اقولك هدىء اعصابك والهادىء دائما يكسب

يبا تدري اشلون .. خلالالالالالالالالالاص نويت أطلق .. شوفولي حل حق المؤخر .. مو ذنبي إني صرت كاره العيشة معاها ... حتى لو السبب إنها ما تحب أهلي ... أنا جذي هذا تفكيري وهذي طريقتي ... وهي أضرت فيني أكبر ضرر والدليل، والقاضي إذا سمع أسبابي ما راح يعطيها شي:

هي كانت تعصب وتعلي صوتها وتجرح وتطول لسانها عشان أسباب أنا صراحة أشوفها تاااافهة. كانت تكسر الصحون لما تتنرفز وترمي المخدات علي، ويوم مديت إيدي عليها ردت علي بمد الإيد .... بتقولون إنت ما تعرفلها وإنت منت عارف تحتويها وإنت مادري شنو .. إي ماشي أنا ما أعرف أحتويها خلاص هي مو مثلي وأنا مو مثلها ... الحين اشلون أفتك من غير ما أدفع المؤخر ... انا مو متعود على أسلوبها ومو متعود أحد يمشي كلمته علي !!!!!!!


ايوة... جيب من الآخر، مو تلف وتدور وتخترعلنا روايات ما انزل الله بها من سلطان...

وانا على يقين ان والدتك هي التي اقترحت عليك تغيير السكن، ولكنك الى الان لم توضح لنا لم غيرت سكنك؟؟؟؟ حيث اننا نعلم ان بيتك القديم كان قريبا لاهلك، يعني ما مواصفات الجديد؟؟؟ الجدار في الجدار ولا ايش؟؟؟؟؟؟ اكيد علشان زوجتك اذا اقول اذا رجعت لا تاكلك..

وعموما، موضوع مشاركتك المناسب: هل يندم الرجل اذا كتب على نفسه مؤخر؟؟؟؟

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

الإخت رسيل ... هم أرد عليكي يوم قلتي (محد طقه على ايده) بالنسبة للمؤخر، إنه أنا كنت من جد شااااريها وأبغيها، بس انصدمت من عصبيتها واختلافها التاااام عن طباعنا أنا وأهلي !!!!

ويا أخت أحب زوجي ... ترى فيه واااااااااايد بنات أصول يحبون الزوارات ويواصلون أهل الزوج ولا يقطعون عنهم. أما زوجتي كل ويييييين وييييين لا ومن بجاحتها كانت تقولي "سامحني حبيبي مادري ليش ما أحس إني مرتاحة لهم أحسهم ما يحبوني بس أنا أحبك إنت وأحس إنك غيرهم وهم ضايقوني وقالولي كلام ماهو حلو ويتدخلون بحياتي وعشان ما يكون فيه مشاكل وخلافات يا ريت لا تخليني أحتك معاهم وايد". (يعني إذا تحبني مو لازم إنها تواصلهم وتحبهم ؟؟؟؟ أكو وحدة تقول جذي حق زوجها)!!!! أحد منكم يا رجال يرضاها على نفسه !!!!!!!!!!!!!!!!!!!!!! مهما كان فيهم ما ينفع ما تواصلهم.

الإخت روح الطير ... هي استغنت عن العرس بإرادتها ورغبتها أنا ما أجبرتها وبعدين هي عارفة عدل إن ما كنت أقدر أتحمل عرس وشهر عسل مرة وحدة. بعد إمكانياتي جذي وهي وافقت وأنا ما استكثرت عليها شهر العسل أنا اللي كان قصدي إني ما قصرت ووديتها شهر عسل.
وبعدين هي ما اشترت أغراض أثرية ترى كله كان كلام فاضي اللي شرته، أنا اللي أثثت البيت .. كل اللي هي شرته ألواح حائط وسوالف ديكور وشموع وأباجورات ومفارش واكسسوارات حمام وجم طاولة حق المطبخ والصالة وأواني المطبخ وستاير وجهازها الرياضي .... هذا كله شنو ييجي جمب غرفة النوم والصالة والأجهزة الكهربائية !!!!!! يعني هم أنا ما قصرت. واحنا خذينا الأشياء هذي عشان ترجع المسكن ... حلوة هذي تتتركلي البيت وهم تاخذ الأشياء اللي شرتها من المهر !!!!
هي طلعت بإيش ؟؟؟ مدخرة فلوس على قلبها كله على قفاي وكله صرفتها الحين على المحاميييين بهالقضايا

و منو قال إني خايف من المحاكم .. انا مستمر بالقضايا معاها مثل ما هي تبي ... أنا بس اللي مالي خلق محاكم ولاني وجه محاكم وبهذلة

واختي نبض الدان .. عاد ماله داعي تقولين قص ولزق وصمغ .. أنا كل ما أقولكم شنو سوت فيني هم إنتوا بصفها مافي فايدة عشان جذي أضطر أعيدلكم الكلام يمكن تحسوووون فيني شوويييييي.

أنا اليوم إذا رديت لها .. شنو يضمنلي مو كل شوي تروح ترفع قضايا علي ... اشلون واحد يضمن زوجته ولا يأتمنها بعدين ؟ وتروح كل شوي تمسكني من المؤخر مالها !!!!!!! إذا بالله عليكم هي تستاهل بنظركم ؟؟؟ صراحة انتو واااايد منحازين لها.

وأخوي بدون مجاملة .. إي أهقى من حالها تبادر بالحسنى والنية الطيبة ليش لأ ؟؟؟؟؟؟؟ مو أنا بادرت معاها بالأول بالحسنى والنية الطيبة، وشريتها بالمؤخر اللي ألزمني فيه أبوها، وأول سنة كلش ما ألزمتها تدفع معاي فلس (بس تصرف على عمرها من ملبس ومصرف ومستلزماتها وعلاجاتها). يعني أنا وريتها بالأول أنا شنو ... ليش هي ما تبادر مثل ما بادرت وتوريني إنها شاريتني مثل ما أنا وريتها إني شاريها !!!!!

لا وأهم شي شنو تقولي الإخت الكريمة "الوالد سوا فيني معروف إنه حط عليك هالمؤخر لأنه كان قاري بعيونك إنك بيوم راح تبيعني وتقطني بالشارع وإحساس الوالد ما خيبه" قااااعدة تذلنيييييييي !!!

ووويييين المشكلة إذا المرأة وقفت جنب زوجها طالما إنها تشتغل ؟؟؟؟؟؟ شنو المشكلة إذا المرأة تساهم بالبيت ؟؟؟؟ هالشي قاعد يصير بكلللللللللللللللللللللللللل البيوت. هذا هو التعاون والحب من صدق

 
أميرة الرومانسية .... أجل أحاسبها على الطلعات ... ببينلها إنها ما صدقت انفصلت عني عشان تمشي على حل شعرها وتاخذ حريتها وتمشي على كييييف كييييفها. وعلى العموم طالما إنها ما كان عاجبها أسأل، انا الحين ما قمت لا أسأل ولا أتصل ولا لي شغل فيها وين تروح ووين تجي طالما إن ما بينا قضايا ومحاكم.

لما تتسنع الإخت وتعرف إنه عيب وغلط ترفع على زوجها قضايا وتردلي المسكن الجديد ... ذيك الساعة أسأل وأهتم.

وإنتي كنتي معي ببداية الموضوووع ... تدرين ليش ... لأن ببداية الموضوع الغلط كللللله كان راكبها من فوقها لراسها وغلطها هذا هو اللي محا الحب اللي بقلبي لها ووصلني لهالدرجة .. عرفتي إختي


أخي التائه قلبه .. الله يسلم قلبك يا رب .. أحسك حاس فيني والله ... أنا قلتلها نخلص الموضوع بهدوء وودية وأعطيج جزء منه .. وعلىىىى طوووووول لسانها اللي ينقط عسل تقولي (ليش أطر منك أنا قاعد تساومني على طلاقي هذي حقوقي حسبي الله ومادري شنو ......) وهي ما عندها دليل غير الضرر النفسي والشهود اللي عندها

وعلى فكرة أم محمد ... المسكن القديم ترى كان جمب أهلها بالضبط، وهي اختارته .. صحيح ما حد طقني على إيدي وإني اخترته معاها ووافقت عليه معاها ..... بس بما إني وافقت عليه ليش هي ما توافق هالمرة على المسكن يكون بجانب أهلي حتى لو كان بالمريييييخ ...... وعلى فكرة قانونيا وشرعيا فحرية احتيار المسكن هي خاصة تمااااااما بالزوج لا يحق للزوجة التدخل فيها !!!!!!!

أتمنى أكون رديت على الكل!!

أخ في الهلال فوة كم صفحة ولالقيت حل ههه

أجل أحاسبها على الطلعات ... ببينلها إنها ما صدقت انفصلت عني عشان تمشي على حل شعرها وتاخذ حريتها وتمشي على كييييف كييييفها.


انتبه.. مازالت زوجتك وعلى ذمتك...
هذا تلميح لا ليس تلميحا، بل هو تصريح بالقذف واتهام لشرفها..
اذن بماذا ستشوه سمعتها انت واهلك اذا وقع الطلاق؟؟؟
لا تتجاوز الخطوط الحمراء..
اتق الله..

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

أخ جرحي عميق .. ليش وأنا أصلا لاقي حلول !!!!! الكل بصفها هي والكل مطلعني غلطان ويدعون علي. طبعا ما عدا التائه قلبه اللي أعتقد إنه مار بتجارب مماثلة وحاس فيني.

لكن ولا واحد فكر يحط نفسه مكاني ... المرأة اللي كانت تعصب على زوجها وتعلي صوتها عليه بكل شي ما يعجبها وما تواصل أهله وتجرح كرامته لما تتنرفز (حتى لو هي الصح وأنا الغلط) مو المفروض أسلوبها يكون أحسن؟؟ ما كانت تقدر تسايرني وتاخذني على قد عقلي حالي حال كل زوج زوجته تتعامل معاه بذكاء وتاخذه على قد عقله وتسايره .. ويا أيها الرجاال لالالالالالالالالالالا تقولووووووووووون هذي مو طبيعتنا. الرجاااااااااااااااااال كلللللهم كذا (كالطفل الصغير)

... فمهما اعتذرت ومهما تغيرت ... أليس ذلك كفيلا بتوليد جرح عمييييق في قلب الزوج ويلحق به ضررا مما يجعله غير قادر حتى على مسامحتها !!!! والحين يوم سببت فيني كل هالجروح هم تبي حقوقها ومؤخرها !!!!!!! هي السبب بالحالة اللي وصلنا لها ولا لأ ؟؟؟؟؟؟؟؟؟؟؟؟؟؟؟

حاولوا تفهموني وتتعاطفون مع حالتي ... رجاء

يا جماعة الخير الموضوع بالنسبة لي وواااااايد معقد والقضايا عقدتني زيادة .. أنا لجأتلكم مو عشان تدعون علي وتطلعون فيني عيوب الدنيا .. اشلون أقدر أتصرف كرجل ((يبي يحافظ على ما تبقى له من كرامة بعد اللي صار وسواء بيستعيد زوجته ولا لأ ... اشلون يطلع بأقل الخساير ويقنعها تتنازل لأنها هي بعد طرف في اللي صار مو بس أنا ))

اخي... اخي.... اخي.....

لن اهاجمك الان..
ولكن لدي سؤال واحد..
هل ما زلت تحبها؟؟؟؟؟؟؟
اجب بصراحة؟؟؟
اجب دون التفكير بالنقود، كي تكون صريحا وصادقا..

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

ولا الأسلوب المرن والسلس نافع معاها ولا أسلوب الشد والقساوة نافع معاها !!!! شنو هالمرة ذي !!! عنيييييييييييييييييييييييييييييييييييييييييييييييي يييدة