خلاص وقفي النقاش معاه وشوفي كيف بيتصرف معاك بعد رفضك مساعدته
كان ودي تستغبين ما توضحين له انك قاصده انك ما تساعدينه

__________________
اللهم لا تجعل الدنيا أكبر همنا ولا مبلغ علمنا ولا إلى النار مصيرنا واجعل الجنة هي دارنا وقرارنا

قال أخوانه وانسابه مامنهم فائدة وطلب نقفل الموضوع خلاص..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

أنا ماأعرف ألف وأدور .. وضحت له رفضي وخلاص..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

مشلتك لا تعرفين كيف تتصرفين و ما عندك اسلوب
عودتيه على مساعدتك له
و تعرضين عليه المساعدة الان
و بعدها ترفضين ذلك و تقولين انت الرجال تصرف!
اسلوب خاطيء تماما و ينفر حتى لو كان الامر بين صديقين
لو من البداية لم تعرضي المساعدة كان مافيها شي و لكن الحين راح يعتبرها نقطة ضدك
تغيير اسلوبك معه من حيث مساعدته يحتاج الى وقت و ليس بشكل فوري و عند وجود مشكلة بينكم

ليش ياقلبي الإغلاق
إلى متى تتهربين من مواجهة مشكلتك وتستمرين بالتجاهل والضغط

قلت لك في موضوع سابق وخفت من التأليب بينك وبين زوجك
وتجاهلتي ردي وعادت مشاكلك مرة أخرى

حبيبتي عمر المشاكل ما انحلت بالتجاهل
أنتي تتظاهرين بأنك نسيتي وارتحتي وتعتذرين حتى لوقسى عليك وجرحك وتكتمين الموقف بداخلك وتكملين المسير
والحقيقة انك تضغطين ع نفسك والضغط يولد الإنفجار
وهو مايدفعك لسيرة الطلاق مع كل موقف
وهو مايدفعك لأن تكبري كل تصرف يصدر من زوجك
بالمقابل زوجك تعود يهزأ ويجرح وياخذ راحته لأن بالأخير بتعتذرين ويعدي الموقف
لازم مصارحه بينكم وحوار هادي كل واحد يقول وش بخاطره
مايصلح تتهاوشون بوقت الزعل وترمون كلام ثم تتراضون بدون وضع النقاط ع الحروف ومصارحه وشفافية واعتذار من الطرفين


حبيبتي بقولك شي

ما عمر الفلوس جابت الرجال أبداااا
بالعكس يصير لئيم ومايعتبر كرمك ومشاركته أنها فضل بل تصبح واجب
طبعا هذا إذا كان ديدنك دائم الفزعات الماديه

حبيبتي كفي عن تحمل ما لا تطيقين
انسحبي بصمت بدون ماتقولين له أنا بهتم بنفسي وأدلع نفسي براتبي
انتبهي من هذا وحاولي تصرفين بأي تصريفه ان ماعندك شي وانك حابه تساعدينه بس عليك التزامات

لاتخافين مارح يكرهك
وان كرهك معناه أنه كان يحبك مصلحه وبمجرد تنتهي تنتهين
قلتيها في موضوعك يبغاني أساعده ويوم وقف ع رجوله انتهت مهمتي

صدقيني راح تندمين إذا أهانك وتتذكرين كل اللي سويتيه وما بان بعينه

أكثر مشاكل تتركز حول الفلوس وحول تضحياتك وعدم تقديره لها
إذن لماذا لاتضعين حدا لهذا وتعالجين لب مشكلتك ؟


صدقيني بعدها راح ترتاحين وتصيرين تتقبلين منه كل تصرف وماتحسين انه ماقدرك
طبعا بالبدايه بيحاول يطلع عيونك
لكن إذا شافك حازمه وثابته ومكلمه على ستايلك الجديد بيتعود ع الوضع ويتقبله
بعدين لاتخافين يتزوج عليك أو يطلق ويتزوج من جديد مو تقولين ماعنده فلوس « أمزح بس حبيت ألطف الجو

الحين في قرارة نفسك تقولين مارجع كويس معاي إلا لما أعطيته ال18
ومع أول موقف جديد بتقولين مايقدرني وأنا قصرت على نفسي عشان أسد دينه وتحملت جفافه وجرحه ومع ذلك ما بان في عينه

وأنا ما آلومك في هالكلام ولو كنت مكانك بقوله لأن الشخص الكريم يقدر من يقف معه واللئيم عكس ذلك

إنما ألومك في مساعدته من الأساس

تكفين أختي ركزي كويس وحاولي تضبطين حياتك وتتعاملين مع المشاكل

يهزأك ويجرحك ثم تقولين تحت رجولك المبلغ الكبير هذا
أسألك بالله هل سامحتيه من قلب ؟
لماذا لا تصارحينه بعد انتهاء الموقف بكل مافي خاطرك
ضعي حدا لاتجعليه يتطاول ويجرح
اتبعوا خطة علاج لمشكلة الإنجاب
أخبريه بحاجتك للعاطفة أكثر
أخبريه بحبك له
تعاهدوا أن لاتعودوا للمشاحنات وتبدأو من جديد

أرجوك لاتضغطي على نفسك ولاتخشي ردة فعله

الله يشرح صدرك وييسر أمرك
سامحيني لو قسوت عليك

رديت قبل ما أشوف التطورات
آسفه

تعلمي أختي
تصرفك غلط
خلاص لاتحرقين بنفسك الموقف انتهى

مستقبلا تكفين أختي اسحبي نفسك بهدوء بدون ماتصارحينه
تحججي بأي شي
لاعاد تجيبين طاري بدلع نفسي براتبي وغيره

الله ييسر أمرك

خلاص أنتي إنسحبتي إثبتي على موقفك

لا تتراجعين ، ولعاد تعرضين عليه المساعده

هو رجال يدبر نفسه .

أنصحك إقرأي كتاب الرجال من المريخ

والنساء من الزهره يوضح شلون طريقة

تفكير الرجل تختلف تماما عن طريقة تفكير

المرأه ويعرض مواقف وشلون حللها الرجل

وشلون حللتها المرأه مفيد جدا .

__________________
الحمدلله حمدا جزيلا ...

كل اللي قلتوه على عيني ورأسي وفاهمته .. بس السؤال هنا هل أترك زوجي يمر بهذه الضائقة وأنا أتفرج!!

ياناس ياهوووه ماعنده شيء عشان يسدد المبلغ .. في الاونة الاخيرة لما تعدل راتبه ماكان يخليني أحتاج شيء ... راتبي كله أشيله على جنب .. صحيح هو جرحني وغلط في حقي بس أبدا مايرضيني أشوفه كذا مهموم وأقعد أتفرج .. متضايقة عشانه والله..

__________________
اللهم أسألك أن تحقق لي ماأتمناه عاجلا غير آجل .. وأن تحقق لأختي "المنسية" راحة وسكينة وعافية ..

احبه ليه من الاول ما صممتي على انك ماتعطيه قبل
ما ننبهك احنا !

انت عايشة الوضع اكثر منا ماني فاهمة ليه ماتراجعتي
الا بعد ما نبهناك

تحملتك كفاية معو حق هو رجال ليه مايستعين باحد غيرك

قصتك تفكرني بروح الطير اتمنى تستفيدي منها
وما تخلينه يعتمد عليك ماديا

واتمنى تدخل تنصحك من تجربتها

احبه لا نبيك تتشوشين ووجك اذا ما ساعدتيه ما حيموت
خليه يعتمد على حالو وجيبيلو اعذار ان مامعك فلوس..
بدل ماتصرحين له انك رافضة مساعدتو..

مرحباً أختي

تصدقي تفاجأت أن عمرك 36
كنت أعتقد 26
ربي يعطيك العافية ويطيل عمرك على طاعته

أختي
إذا ترغبين رأيي سأقوله لكِ ولكن ربما يزعلك.. فإذا تأذنين سأقوله وإلا سأكتفي بالدعاء
أن يصلح الله أحوالكم ويوفقكم ويسعدكم ويشرح صدوركم