بصراحة أنا مستغربة












ومو فاهمة





يعني اش فيها لو استعمل عطورك وخلصها واشترى ثانية.... او اشتريتي كريمات واستعملها وخلصت واشتريتي ثانية؟؟ليش مسوية حواجز بين حاجاتك وحاجاته؟؟!!!










شيهانة ....مافهمت كيف انك كريمة وتتضايقي لما أختك تطلب تتعطر من عطرك في مناسبة؟؟

















ياناس فهموني ترى أنا مو فاهمة

__________________

أختي أم جمانة ، مستشارتنا

حبيبتي ،، يمكن كلامي ما كان واضح قبل ، بس ردودي على الأعضاء أظن وضحت كل شئ
مو صح ؟؟؟؟

ترى مو حكاية حواجز يا قلبي ،، تدري إنه عندنا فرشة أسنان وحدة ؟؟؟؟؟
و الشامبو و كل شئ مشترك ،،

بس مثل ما وضحت في الردود اللي قبل ،، هوو طريقته و قصده بالهدية ..
أقريها ، و ليت ترجعي تفيديني برايك

ماشاء الله ماقصروا الأعضاء بالردود والحل السليم

وكنت ناوية أكتب لك كلام في ردي الأول بس لأنك قلتي أن زوجك بيقرأ الردود بطلت خفت يصير كلامي ضدك ويقول لك شفتي كيف الأعضاء غلطوكِ

لكن بعد ماقرأت ردك الأن إنك ماتقرأي له إلا اللي لصالحك قلت يااااالطيف من مكرنا يالحريم


الله يسعدكم يارب صغريها يااختي بتصغر ولاترفعي ضغطك طنش تعش تنتعش ترى مو خسران غيرك سواء العطور أو حرق الأعصاب فتعلمي البروووووود أحسن.

__________________

ضحكتيني في حكاية فرشة الأسنان

عاد إيش أعمل ؟؟؟؟ كانت عندي وحدة وو عنده وحدة تانية .. متعودة كذا ..
بس شفت إنه اللي عنده ما يستخدمها و تجلس مثل ما هي ،،
و الي عندي يستخدمها معاي ؟؟؟؟

قمت فكيت تبعه ، بعد ما اهترت فرشتي ، و استخدمتها ،، ترك تبعي هذيك و صار يستخدم الجديدة ..


تصدقي ؟؟؟؟؟

اكتشفت دحين شئ و أنا بأرد عليك ،، و الله يمكن اكتشفت فين السر ؟؟؟؟؟؟؟
شكله أي شئ أستخدمه هو يحب يستخدمه ؟؟؟؟؟

لإنه في كل شئ أحس زوجي يقلدني ، حتى كلامه صاير مثلي ،،
أقول له أحيانا مانت ملاحظ إنه الكلمة هذه ماخذها مني ؟؟؟؟؟؟

بس هذا إيش تفسيره ؟؟؟؟؟

----------------------------------------------------------------------------------------

صرت حتى أخاف أعانده بشئ ، يقوم يقلدني و يعاندني مثل ما أعانده ..
مثلا اليوم ، عمل حركة أنا كنت دايم أعملها بدون قصد ، و يوم سألته ،، يقول لي إنت بتعملي كذا ..
قلت له طيب لو تضايقت قل لي ، مثل ما أنا أقول لك ،، لا تخليها في نفسك ..

بعدين أنا حرمة ، و الحريم عقولهم ناقصة ( ناقصات عقل ) ،، إنت المفروض عقلك أكبر من عقلي ..
مو صح ؟؟؟؟
قال لي صح ،،

قلت له ، طيب إنت المفروض تكمل عقلي ،، مو تقلد اللي عقله ناقص ..
مو صح ؟؟؟؟
قال لي صح ..

--------------------------------------------------------------------------------------

إيه صادقة ، لازم نتعلم البرود ..

و هذه اللي تعلمتها من زواجي ..

لإني حسيت إنه ماحد بيخسر غيري ،، قلت يا شيخة ،،
هاكونا ما تاتا ،، ارمي الدنيا وراك ..

يا قلبي مشكلتي أصدق

أنا صريحة ، ما أخلي شئ بقلبي ، لا توصي حريص
بس أتصيد الوقت المناسب

و كلمته كثيييييييييييييير و يدري ، بس هو شايفني أبالغ يوم أقول له ما يصير رجال يستخدم عطور حريم
عند الرجال ، يقول لي عادي

صرت مثل ما قلت ، أقول له ما يقرب مني يوم يتعطر بعطر نسائي و اخليه يستحم ،،

و يوم يستخدم أي كريم تبعي ، أقول له ،، إيش الريحة هذه ؟؟ مو حلوة ..

بس يوم يستخدم كريم من كريماته ، أجلس أمدح فيه ،، فعلشان كذا تغير دحين عن قبل ..
و دايم يوم أشم ريحة عطر رجالي ، أقول له يا سلاااااااااااااااااااااااام تجنننن

و أنا بجد ،، أخبل على العطور الرجالية بشكل فظيع ..
يجي زوجي يتعطر لي بعطر حريمي ؟؟؟؟

اختي روح الطير

أولاً

الله يبعد عنك المشاكل ... قولو آمييييييييين

ثانياً

ماأعرف إذا كنت غلطانه بس حاسه اني قدرت استوعب شو الي مضايقك بالموضوع نوعاً ما
الموضوع مو موضوع عطر خليني احللك الموقف حسب وجهة نظري وشوفي إذا كان فيها شي من الصحة

الفكره انه ومثل ماقلتي هو مو من النوع الي مايهدي كثير ( وثلاثة أرباع الأزواج من هالنوع ) و مع هذا انتي بررتي السبب بالغربه وبأن الظروف مو مناسبه وانا معاكي الموضوع ممكن يزعج بالبدايه بس مع الوقت ولما تعاشري انسان اكثر تقدري تتأقلمي مع طبعو خصوصا لما تكون في جوانب جيده في شخصيتو أو تكون في ظروف تفرض على الإنسان تصرف معين

وانتي حسب رأي متقبله الفكره وبالتالي ممكن يكون الموضوع زاعجك في البداية بس قدرتي انك تتأقلمي معاه ومابقى من شعورك من الأنزعاج منه إلا نسبه بسيطة جداً جداً جداً جداً ..

ثالثاً

صار وانه في المرات الي اهداكي فيها كانت الهديه عباره عن عطر أو عطور طبعاً بالبدايه انتي انبسطتي بالهديه لأن فكرة الهديه بحد ذاتها هي المهمه فكرة ان الشخص الثاني اذكرك بشي معين سواء بمناسبه أو بدون مناسبه وأول مره استعمل العطر عديتيها عادي وثاني مره عادي وتكررت المرات
هنا الهديه فقدت خصوصيتها بمعنى ان بالعاده ولما حد يهديلك شي معين تكون انت الشخص الوحيد المستفيد من هالهديه او المستخدم لها وفي احيان ممكن حد ثاني يستخدمها معاك بس فكرة ان الشخص الي اهدالك الهديه هو نفسو الي يستخدمها ولدرجة انه ممكن هو الي يستنفذها بشكل كامل ويتكرر الموقف أكثر من مره يخلينا نشك بأنها كانت هديا من الأساس

وهذا بالضبط الي انتي حسيتي فيها فكرة " انه يضرب عصفورين بحجر" وطبيعي انك تفكري بهالطريقه بس لكل شي حل نرجع للحل بالأخير خليني اكملك تحليل الموضوع

رابعاً
بغض النظر عن استخدامه للعطر الي اهداكي اياه فكرة انه يتعطر بعطر خاص بيكي او عطر نسائي بشكل عام تزعجك وطبعاً هذا موضوع يتعلق بالنفسية صعب الواحد يتحكم فيه يعني هالموضوع مافي صح أو خطاء مافي ينفع او ماينفع يرجع لبيئة الوحدا ولنفسيتها

انتي تستهويكي ريحة العطر الرجالي وعلى الأغلب لأنها مرتبطه عندك بفكرة الرجولة واستعمال زوجك للعطور النسائية او اليوني سيكس مابقول انها تهز صورتو قدامك بس يمكن ماتخلي صورة الرجولة والي تتمناها وتكونها كل بنت من طفولتها والي تختلف من وحده لوحده ماتكتمل بالصورة الي انتي تتمنيها يعني تفاصيل صغيره مثل العطر تحز في نفسك وتبدأ تضايقك شوي شوي ومن غير ماتحسي

وفي نقطة ثانيه بس مااعرف إذا تنطبق عليكي خصوصا وانك مثل ماقلتي ملوله بالنسبه للعطور وتميلي للتغير فيها
بالعاده كل شخص تميزه رائحة معينه حتى بالنسبه لأشخاص معيني ( وأنا منهم ) في امكان ومواقف عندهم مخزنه عندهم بالذاكره برائحة معينه يعني بمجرد مأشم رائحة معينة ياأذكر شخص أو موقف معين أو زمن معين وطبعا هذا الشي يزيد بالنسبه للأشخاص الي نحبهم

يعني ماعرف كيف أوصلك اياه يعني ممكن انتي محتاجه تشمي عطر في زوجك غير عطور شي يكون خاص بي مميز فيه هو وبس مو من باب انك ماتحبي تشاركيه بأشياءك

خامساً

خليني ادمجلك الأفكار الي اتوصلتلها

انتي تريدي زوجك يعرف انك ماتستغلي عليه شي وطبعا الي هديتيه روحك مابتستكتري عليه عطر
بس الفكره ان الهديه تفقد معناها إذا ماكنت خاصه لك انتي وبس ومشاركتو بالهديه الي اهدالك اياه يفقدها معنها الحلو

بس زوجك مدمن عطور وحلو الرجال يهتم بنفسو من كل النواحي بس بحدود انه مايتخطا الخط الأحمر الخاص بالإسراف
( بس أنا برأي ماتدخلي معاه بنقاش بخصوص موضوع الإسراف لأن معظم الرجال يتضايقو من هالشي ويعتبرو نوع من كبت الحريه الشخصيه إلا إذا كان هالموضوع مأثر على بيتك بشكل كبير .. وإذا كان لأ الأفضل تتركيه على راحته والأمر يرجعلك )نرجع لنفس النقطه زوججك يحب العطور كثير وعلى الأغلب هو يهديك العطور بحسن نيه يعني في نوعيه من الناس لما يختارو الهديه على حسب شخصيتهم وفي ناس يختارو الهديه على حسب الشخص الي موجهه له هالهديه وعلى الأغلب زوجك من النوع الأول بما انه يحب العطور متخيل انها هديه مناسبه بس وطبعا يختار الريحه الي تعجبه ولأنها عاجباه ولأنو مدمن عطور مايقدر يقاومها ويستعملها معاكي وممكن يخلصها من دون مايحس وانتي تنزعجي

وعشان تتفادي هالحلقه اطلبي منه انه مايشتريلك عطور خليه يفكر بهديه ثانيه قوليلا العطور اشتريها انا او نشتريها سو بس لازم توضحيلا السبب عشان مايفكر انك ماتحبي ذوقه

وبالنسبه للعطور النسائيه او اليوني سيك قوليلا بصراحه وبكل بساطه

حبيبي انا احبك لما تحط العطور الرجاليه اكثر العطور الرجاليه في عطور رجاليه كثير تعجبني واتمنى اشمها عليك وبعدين لو انت ماتعطرتلي بالعطور الي احبها مين بيتعطرلي ( وطبعاً بطريقتك الخاصه او بالكلامات الي بتلاقيها مناسبه)


أسفه على الإطاله بس ياريت اكون قدرت اساعدك ولو بشي بسيط

__________________
اللهم ان كان خيراً فجعله من نصيبي .. وإن كان شراً فجعل فيه الخير وأجعله من نصيبي

أختي أحلامي بسيطة

إنت Top و الله و لا يهونوا بقية الأعضاء و العضوات ،،

( و الله كل واحد دخل ، فادني بكلمة بجد )


بس زوجي في البيت ما يتعطر لي إلا بالنادر ، دحين بدأ يوم صرت أطلب منه
بس كان يتعطر برة يوم يخرج


و صح إنت قلتي شئ خطيييييييييييييييييييييير الله يسعدك .. بجد جبتي الحلقة المفقودة
و هذه نجمة على جبهتك :14:

( هو لإنه مدمن عطور ، فيختار لي الشئ اللي يعجبه ريحتها ، و لإنه عادي يستخدم عطور نسائية ،
فيقوم يستخدمها و يخلصها بدون إرادة منه )

جبتيها و الله ،،

----------------------

أكرر ،، لا أحد يفهم إنه بخل ، بإختصار أنا اللي بأصرف على البيت .. ( ثلاث أرباع المصاريف )
يعني لو بأبخل على أحد ، كنت بخلت من زماااااااااااان ، مو بس على قارورة عطر ..

و حتى كريماتي بأدهنها له أحيانا ،، بس مثلا ( هناك كريمات اللي من نعومي ، تكون بلمعة ،،
أكييييد ما راح أدهنها له و لا أسمح له ،، بس كريمات مثل نيفيا أو أي شئ تاني ،، فعادي جدا )

و كم مرة يتعطر من عطوراتي و هو خارج من البيت أو يطلبها مني ، و أجري و أعطره بنفسي ..

بس يوم يجيب لي هدية ، و لسى بغلافها و بكرتونها ،، ما استخدمته ،،
و ألاقي وحدة ناقصة و مختفية و التانية خلصت نصها ؟ و ما عدى أسبوع على الهدية ..

إيش تفسيرها ؟؟؟؟؟

أهلين أم جمانة ..

كذا أنا العطور .... شئ ثاني ...لها خصوصيتها عندي بقوة ... وفي غيرها غيييير..

على فكرة ..

أعجبني تحليل أحلامي بسيطة .. الموضوع راجع لأشياء كثيرة ..

وينك ياروح الطير !!!!

__________________
{ اللهم صلي وسلم على محمد وآله وصحبه تسليما كثيرا }

اعتبر ي الأمر عاادي وتعودي مابينكما فرق والعطر الذي يعجبك جدا ضعيه في حقيبتك الخاصة من استخدامك له ولا يتكرر يشم الرئحة فيه وفيك

__________________
اللَّهُمَّ إِنِّي أَسْأَلُكَ الثَّبَاتَ فِي الأَمْرِ وَأَسْأَلُكَ شُكْرَ نِعْمَتِكَ، وَحُسْنَ عِبَادَتِكَ، وَأَسْأَلُكَ قَلْباً سَلِيماً وَلِسَاناً صَادِقاً

أحد قال فيه فرق بيننا ؟؟؟
أشد شعري ؟ أقطع هدومي ؟


يا قلبي ،،
مافي أي فرق بيننا ،،

لو طلبها مني بأعطيه من عيوني ،، ليه أبخل عليه ؟؟؟؟
بس هي بكرتونها ، و هو فتحها و اخده منها و التاني بقيت نصها ، و مو أول مرة يعملها

يجيبها لي ، و تكون جديدة بكرتونها ، و ألاقيه مخلص لي نصها و إن ما كانت كلها
طيب ليه ما يقول لي جايبه لنفسي مو لك ؟؟؟؟

إذا بيجيب لي هدية بالشكل هذا ،،

شكرا ،، ماني رخيصة للدرجة هذه ،،

يعني أصلا ، مافي هدية أفتكرني بها ،، لا بالعيد و لا بأي مناسبة ..
و يوم جاب لي وحدة ، و بالتلميج و بالتصريح ، قام جابها و قبل لا استخدمها أخد منها و خلص التانية

شكرا ، ماني بحاجة لهدية و لاشئ ..
خلاص ،، ما أبغى منه شئ ،،

بس أبغاه ما يهلكني بمصاريفه ..
هذه كفاية بحد ذاتها ..